పంచాంగం:
తేదీ 18-02-2025, మంగళవారం , శ్రీ క్రోధి నామ సంవత్సరం, ఉత్తరాయణం, మాఘమాసం, శిశిర ఋతువు.
సూర్యోదయం: ఉదయం 6.32 గంటలకు.
సూర్యాస్తమయం: సాయంత్రం 6:00 గంటలకు.
తిథి: బహుళ షష్ఠి తె 3.34 వరకు, తదుపరి సప్తమి
నక్షత్రం: స్వాతి పూర్తిగా
శుభ సమయం: సామాన్యం
దుర్ముహూర్తం: ప. 8.24 నుంచి 9.12 వరకు తిరిగి రా. 10.48 నుంచి 11.36 వరకు
రాహుకాలం: మ. 3.00 నుంచి 4.30 వరకు
యమగండం: ప. 9.00 నుంచి 10.30 వరకు
రాశిఫలాలు
మేష రాశి: చెడు అలవాట్లకు ఎక్కువ ఖర్చు చేయడం వల్ల ఆర్థిక సమస్యలు ఎదుర్కొంటారు. చిన్న విషయాలకే ఆందోళన చెందుతారు. పిల్లల ప్రవర్తనను గమనిస్తూ ఉండండి. ఇచ్చిన మాటను నిలబెట్టుకునే ప్రయత్నం చేయాలి. మీది కానీ వ్యవహారంలో తలదూర్చకండి. భావోద్వేగాలను అదుపులో ఉంచుకోండి.
వృషభ రాశి: బంధుమిత్రులతో కలిసి ఆనందంగా గడుపుతారు. భాగస్వామ్య వ్యాపారాలు అనుకూలిస్తాయి చిన్న తరహా పరిశ్రమల్లో పెట్టుబడి పెట్టేవారు కాస్త జాగ్రత్తగా ఉండండి. జీవిత భాగస్వామితో నెలకొన్న మనస్పర్ధలను పరిష్కరించుకునే ప్రయత్నం చేయాలి. లేకపోతే అవి తీవ్రమయ్యే ప్రమాదం ఉంది.
మిధున రాశి: పని భారం ఎక్కువ అవడం వల్ల అలసటకు లోనవుతారు. ఒత్తిడి పెరుగుతుంది. పొదుపు ప్రారంభించాలి అనుకునే వారికి ఈరోజు అనుకూల సమయం. జీవిత భాగస్వామితో విలువైన సమయాన్ని గడుపుతారు. సంతాన అభివృద్ధి విషయంలో శుభవార్తలు వింటారు. వ్యాపారులు పెట్టుబడి పెట్టే ముందు అనుభవజ్ఞులను సంప్రదించండి.
కర్కాటక రాశి: భావోద్వేగాలను అదుపులో ఉంచుకోండి. మీ ఆవేశం వల్ల కుటుంబ సమస్యలు మరింత తీవ్రమవుతాయి. ఆప్తులతో మాట పట్టింపులు ఏర్పడతాయి. చెడు ఆలోచనలకు, అలవాట్లకు దూరంగా ఉండండి. మిమ్మల్ని రెచ్చగొట్టేవారున్నారు. చెప్పుడు మాటలకు ప్రభావితం కాకుండా ఉండండి. ఖర్చులను అదుపులో ఉంచుకోండి.
సింహరాశి: ఆర్థిక సమస్యల నుంచి ఉపశమనం పొందుతారు. గొప్ప వ్యక్తులతో పరిచయం అవుతుంది. ఉద్యోగులకు పని ప్రదేశంలో అనుకూలంగా ఉంటుంది. తమ పనితీరుతో ఉన్నతాధికారుల ప్రశంసలు అందుకుంటారు. అనారోగ్య సమస్య నుంచి ఉపశమనం కలుగుతుంది. నూతన వ్యాపారాలు మొదలు పెట్టాలనుకునే వారికి అనుకూల సమయం.
కన్యారాశి: కొంత గందరగోళ పరిస్థితులు ఎదుర్కొంటారు. స్పష్టమైన ఆలోచనలు మేలు చేస్తాయి. ఏకపక్ష నిర్ణయాలకు దూరంగా ఉండండి. ఏదైనా ముఖ్యమైన పని ప్రారంభించేముందు అనుభవజ్ఞుల సలహా తీసుకోండి. జీవిత భాగస్వామితో విలువైన సమయాన్ని గడుపుతారు. ప్రయాణాలు అనుకూలిస్తాయి.
తులారాశి: కీలక సమయాల్లో తోబుట్టువుల మద్దతు లభిస్తుంది, కుటుంబ సభ్యుల సలహాతో ఒక సమస్య నుంచి బయటపడతారు. ఆర్థిక పరిస్థితి మెరుగుపడుతుంది. వ్యాపారులకు గతంలో పెట్టిన పెట్టుబడి ద్వారా అనూహ్యమైన లాభాలు అందుతాయి. భాగస్వామ్య వ్యాపారాలు కలిసి వస్తాయి. ప్రయాణాలు అనుకూలిస్తాయి. విలువైన వస్తువులను సేకరిస్తారు. బంధుమిత్రులను కలుసుకొని ఆనందంగా గడుపుతారు.
వృశ్చిక రాశి: మిశ్రమకాలం.నరాలకు సంబంధించిన అనారోగ్య సమస్య ఇబ్బంది పెడుతుంది. జాగ్రత్తగా ఉండండి. వ్యాపారులు అనుభవజ్ఞుల సలహా తీసుకొని పెట్టుబడులు పెట్టండి. ఉద్యోగులకు ఉన్నతాధికారుల నుంచి ప్రశంసలు అందుతాయి. ఇంక్రిమెంట్లు ప్రమోషన్లు పొందే అవకాశం ఉంది.
ధనస్సు రాశి: ఆర్థిక సమస్యలు చుట్టు ముడతాయి. మొహమాటాల వల్ల ఖర్చులు పెరుగుతాయి. అయినప్పటికీ రుణాలు చేయరాదు. చెప్పుడు మాటలకు ప్రభావితం కాకుండా ఉండండి. మీ మాటలను ఇతరులు తప్పుగా అర్థం చేసుకునే ప్రమాదం ఉంది. ఇతరులతో సంభాషించేటప్పుడు జాగ్రత్తగా ఉండండి. అనవసర వివాదాలు జోలికి వెళ్ళకండి.
మకర రాశి: చేపట్టిన పనులను ఉత్సాహంతో పూర్తి చేస్తారు. మీ మాటకు విలువ పెరుగుతుంది. ఇంటా బయటా పై చేయి సాధిస్తారు. కీర్తి ప్రతిష్టలు పెంచే సంఘటనలు చోటు చేసుకుంటాయి. సామాజిక సేవా కార్యక్రమాల్లో పాల్గొని గుర్తింపు పొందుతారు. ఆప్తుల నుంచి అందిన ఒక వార్త కుటుంబంలో సంతోషాన్ని ఇస్తుంది. దీర్ఘకాలికంగా పెండింగ్ లో ఉన్న పనులు ఈరోజు పూర్తవుతాయి.
కుంభరాశి: మిశ్రమకాలం. కోపాన్ని అదుపులో ఉంచుకోండి. మీ ఆవేశం వల్ల ఇష్టమైనవారు దూరమయ్యే ప్రమాదం ఉంది.అనవసర ఖర్చులకు దూరంగా ఉండండి. జీవిత భాగస్వామితో ఒక వ్యవహారంలో విభేదించాల్సి రావచ్చు. ఉద్యోగులు ఉన్నతాధికారుల నుంచి ప్రశంసలు అందుకుంటారు. ఇతరులతో సంభాషించేటప్పుడు మాటలను అదుపులో ఉంచుకోండి.
మీన రాశి: గత కొంతకాలంగా ఇబ్బంది పెడుతున్న ఆర్థిక సమస్యల నుంచి ఉపశమనం కలుగుతుంది. రుణాల బాధలు తొలగిపోతాయి. దీర్ఘకాలికంగా పెండింగ్లో ఉన్న పనులు ఈరోజు పూర్తవుతాయి. తోబుట్టులతో కలిసి ఆనందంగా గడుపుతారు. భవిష్యత్తుకు ఉపయోగపడే గొప్ప వ్యక్తిని కలుసుకుంటారు.