పంచాంగం
తేదీ 16-04-2025, బుధవారం , శ్రీ విశ్వావసు నామ సంవత్సరం, ఉత్తరాయణం, చైత్ర మాసం, వసంత ఋతువు.
సూర్యోదయం: ఉదయం 5.49 గంటలకు.
సూర్యాస్తమయం: సాయంత్రం 6:17 గంటలకు.
తిథి: బహుళ తదియ ఉ 10.24 వరకు, తదుపరి చవితి
నక్షత్రం: అనురాధ తె 3.07 వరకు, తదుపరి జ్యేష్ట
శుభ సమయం: ఉ 9.48 నుంచి 10.12 వరకు, తిరిగి సా. 7.12 నుంచి 7.42 వరకు
దుర్ముహూర్తం: ఉ. 11.36 నుంచి 12.24 వరకు
రాహుకాలం: మ 12.00 నుంచి 1.30 వరకు
యమగండం: ప 7.30 నుంచి 9.00 వరకు
రాశి ఫలాలు
మేష రాశి: తోబుట్టువు లతో కలిసి ఆనందంగా గడుపుతారు. కుటుంబ సభ్యుల మధ్య వివాదాలు తలెత్తుతాయి. మీ ప్రమేయం లేనప్పటికీ నిందలు ఎదుర్కోవాల్సి వస్తుంది. అయినప్పటికీ వెనకడుగు వేయకండి. ఖర్చులు పెరుగుతాయి. అందుకు తగిన ఆదాయం కూడా అందుతుంది. ఉద్యోగులు విధుల్లో భాగంగా దూర ప్రయాణాలు చేయాల్సి వస్తుంది.
వృషభ రాశి: బంధుమిత్రులతో అకారణ వైరం కలుగుతుంది. తీవ్రం కాకుండా చూసుకోండి. ఆకస్మిక ప్రయాణాలు చేస్తారు. కుటుంబ సభ్యుల్లో ఒకరి ప్రవర్తన వల్ల కలత చెందుతారు. ఆత్మవిశ్వాసాన్ని దెబ్బతీసే సంఘటనలు చోటు చేసుకుంటాయి. రుణదాతల ఒత్తిడి ఎక్కువవుతుంది. ఆరోగ్యం విషయంలో జాగ్రత్తగా ఉండాలి. శుభకార్యాలకు ఆహ్వానాలు అందుతాయి
మిధున రాశి: చేపట్టిన పనుల్లో ఆటంకాలు ఎదురైనప్పటికీ వాటిని పూర్తి చేయగలుగుతారు. వివాదాలకు దూరంగా ఉండండి. జీవిత భాగస్వామితో ఏర్పడిన మనస్పర్ధలను తొలగించుకునే ప్రయత్నం చేయాలి. కుటుంబ సభ్యుల్లో కొందరు ప్రవర్తన వల్ల కలత చెందుతారు. ఆర్థిక పరిస్థితి అంతంతమాత్రంగా ఉంటుంది.
కర్కాటక రాశి: స్థిరాస్తి సంబంధించిన ఒప్పందాలు పూర్తవుతాయి. వ్యాపారులకు ప్రోత్సాహకర వాతావరణం ఉంటుంది. పెద్ద మొత్తంలో పెట్టుబడి పెట్టే ప్రయత్నాలను మొదలుపెట్టొచ్చు. వ్యాపార విస్తరణకు అనుకూల సమయం. కుటుంబ సభ్యులుగా కలిసి ఆధ్యాత్మిక కార్యక్రమాల్లో పాల్గొంటారు. ఆత్మవిశ్వాసాన్ని పెంచే సంఘటనలు చోటు చేసుకుంటాయి.
సింహరాశి: మీ కీర్తి ప్రతిష్టలు పెంచే సంఘటనలు చోటు చేసుకుంటాయి. చేపట్టిన పనుల్లో శ్రమ ఎక్కువ అయినప్పటికీ విజయవంతంగా పూర్తి చేయగలుగుతారు. కొందరి ప్రవర్తన వల్ల కలత చెందుతారు. కొన్ని పరిస్థితులు బాధ కలిగిస్తాయి. వివాదాలకు దూరంగా ఉండండి. ప్రత్యర్థుల పట్ల జాగ్రత్తగా ఉండండి. చెప్పుడు మాటలకు ప్రభావితం కాకుండా ఉండండి.
కన్యారాశి: భాగస్వామ్య వ్యాపారాలు కలిసి వస్తాయి. బంధుమిత్రులతో భవిష్యత్తుకు సంబంధించి చర్చలు జరుపుతారు. ఉద్యోగులకు పని ప్రదేశంలో అనుకూల వాతావరణం ఉంటుంది. కుటుంబ సభ్యులతో కలిసి విందు వినోద కార్యక్రమాల్లో పాల్గొంటారు. విలువైన వస్తువులను కొనుగోలు చేస్తారు. అవసరానికి డబ్బు చేతికి అందుతుంది.
తులారాశి: గత కొంతకాలంగా ఇబ్బంది పెడుతున్న అనారోగ్య సమస్య నుంచి ఉపశమనం పొందుతారు. దీర్ఘకాలిక రుణాలను తీర్చగలుగుతారు. జీవిత భాగస్వామితో తలెత్తిన మనస్పర్ధలు తొలగిపోతాయి. పిల్లల విషయంలో కీలక నిర్ణయాలు తీసుకుంటారు. కుటుంబ సమస్యలు కాస్త ఇబ్బంది కలిగిస్తాయి. సంయమనం పాటించండి.
వృశ్చిక రాశి: సమయస్ఫూర్తితో ఒక సమస్య నుంచి బయటపడతారు. నూతన వ్యాపారానికి కావలసిన ఆర్థిక సాయం అందుతుంది. ఖర్చులు పెరిగినప్పటికీ అందుకు తగిన ఆదాయం పెరుగుతుంది. అతిధుల రాక ఆనందాన్నిస్తుంది. ఉద్యోగులు వివాదాలకు దూరంగా ఉండండి.
ధనస్సు రాశి: భాగస్వామ్య వ్యాపారాలు చేసేవారు ఏకపక్ష నిర్ణయాలు తీసుకోకండి. పెట్టుబడి సంబంధిత అనారోగ్యం కారణంగా వ్యవహారాల్లో భాగస్వామితో విభేదాలు తలెత్తకుండా చూసుకోండి. ప్రత్యర్థులు మిమ్మల్ని తప్పుదారి పట్టించాలని చూస్తారు జాగ్రత్తగా ఉండండి. ఉద్యోగులు విధుల్లో భాగంగా దూర ప్రయాణాలు చేస్తారు. భవిష్యత్తుకు మేలు చేసి ముఖ్యమైన వ్యక్తిని కలుసుకుంటారు.
మకర రాశి: విలువైన వస్తువులను కొనుగోలు చేస్తారు. ఆకస్మిక ప్రయాణాలు చేయాల్సి వస్తుంది. ఉద్యోగులకు విధుల్లో భాగంగా స్థానచలనం జరుగుతుంది. చేపట్టిన పనుల్లో జాప్యం జరిగినప్పటికీ దిగ్విజయంగా పూర్తి చేస్తారు. ప్రముఖుల నుంచి ఆహ్వానాలు అందుతాయి. వ్యాపారులకు శ్రమతో కూడిన ఫలితాలు ఉంటాయి.
కుంభరాశి: ఖర్చులు పెరిగినప్పటికీ అందుకు తగిన ఆదాయం లభిస్తుంది. బంధుమిత్రులతో కలిసి ఆనందంగా గడుపుతారు. తోబుట్టువులతో భవిష్యత్తుకు సంబంధించిన ప్రణాళికలు రచిస్తారు. నూతన వ్యాపారాలు మొదలు పెట్టాలనుకునే వారికి అనుకూల సమయం. వ్యాపారులకు అనూహ్య ధన లాభం ఉంది. ఉద్యోగులకు గత కొంతకాలంగా ఇబ్బంది పెడుతున్న ఒక సమస్య నుంచి ఉపశమనం కలుగుతుంది.
మీన రాశి: కుటుంబ సభ్యుల్లో సఖ్యత కొరవడుతుంది. ఉద్యోగులు చేయని తప్పుకు నిందపడాల్సి వస్తుంది. ఆర్థిక లావాదేవీల విషయంలో జాగ్రత్తగా ఉండండి. అనవసర ఖర్చులు పెరుగుతాయి. రుణాలు చేసే పరిస్థితి తలెత్తుతుంది. తీవ్రంగా శ్రమించినప్పటికీ చేపట్టిన పనులు వాయిదా పడతాయి.