పంచాంగం
తేదీ 15-04-2025, మంగళవారం , శ్రీ విశ్వావసు నామ సంవత్సరం, ఉత్తరాయణం, చైత్ర మాసం, వసంత ఋతువు.
సూర్యోదయం: ఉదయం 5.55 గంటలకు.
సూర్యాస్తమయం: సాయంత్రం 6:15 గంటలకు.
తిథి: బహుళ విదియ ఉ 8.30 వరకు తదుపరి తదియ
నక్షత్రం: విశాఖ రా. 12.50 వరకు, తదుపరి అనురాధ
శుభ సమయం: ఏమీ లేవు
దుర్ముహూర్తం: ఉ. 08.24 నుంచి 9.12 వరకు, రా. 10.48 నుంచి 11.36 వరకు
రాహుకాలం: మ 3.00 నుంచి 4.30 వరకు
యమగండం: ప 9.00 నుంచి 10.30 వరకు
రాశి ఫలాలు
మేషరాశి: సరైన సమయంలో సరైన నిర్ణయాలు తీసుకుంటారు. ఇంటా బయట అనుకూల వాతావరణం ఉంటుంది. మీ మాటకు విలువ పెరుగుతుంది. గొప్ప వ్యక్తులతో పరిచయాలు ఏర్పడతాయి. బంధుమిత్రులతో కలిసి ఆధ్యాత్మిక కార్యక్రమాల్లో పాల్గొంటారు. ఆర్థిక వ్యవహారాలు అనుకూలిస్తాయి.
వృషభ రాశి: రుణ ప్రయత్నాలు ఫలించవు. ఖర్చులు పెరగడం వల్ల ఆర్థిక సమస్యలు ఏర్పడతాయి. రుణ దాతల ఒత్తిడి ఎక్కువవుతుంది. ఆత్మ విశ్వాసాన్ని దెబ్బతీసే సంఘటనలు చోటు చేసుకుంటాయి. బంధుమిత్రులతో ఒక వ్యవహారంలో విభేదించాల్సి వస్తుంది. వ్యాపార భాగస్వామి ప్రవర్తనను గమనిస్తూ ఉండండి
మిథున రాశి: చాలాకాలం నుంచి ఇబ్బంది పెడుతున్న ఒక సమస్యకు ఈరోజు పరిష్కారం లభిస్తుంది ఆకస్మిక ప్రయాణాలు చేస్తారు. కుటుంబ సభ్యుల మధ్య గత కొంతకాలంగా నెల కొన్న మనస్పర్ధలు తగ్గుముఖం పడతాయి. వ్యాపార విస్తరణ కోసం పెట్టుబడి పెట్టేందుకు వ్యాపారులకిది అనుకూల సమయం.
కర్కాటక రాశి: ఆత్మవిశ్వాసంతో చేపట్టిన పనులు విజయవంతం అవుతాయి. గత కొంతకాలంగా పెండింగ్లో ఉన్న పనులన్నీ పూర్తవుతాయి. కుటుంబంలో శుభకార్యాల ప్రస్తావన వస్తుంది. ఆర్థిక లావాదేవీలు అనుకూలిస్తాయి. విద్యార్థులు మానసిక ఒత్తిడి నుంచి బయటపడతారు.
సింహరాశి: బంధుమిత్రులతో కలిసి ఆధ్యాత్మిక కార్యక్రమాల్లో పాల్గొంటారు. అవివాహితులకు వివాహ ప్రయత్నాలు కొలిక్కి వస్తాయి. సొంతింటి కల నెరవేర్చుకునేందుకు తొలి అడుగు పడుతుంది. ఆరోగ్య సమస్యల నుంచి ఉపశమనం కలుగుతుంది. ఆర్థిక లావాదేవీలు కలిసి వస్తాయి. దూర ప్రయాణాలను వాయిదా వేసుకోవడం మంచిది.
కన్య రాశి: చేపట్టిన పనుల్లో జాప్యం పెరుగుతుంది. సమయానికి పనులుకు పూర్తిగా కాకపోవడం వల్ల ఆందోళన చెందుతారు. చేయని తప్పుకు మాట పడాల్సి రావచ్చు. ఎవరితోనూ విభేదాలు పెట్టుకోకండి. భావోద్వేగాలను అదుపులో ఉంచుకొని ఇతరులతో సంభాషించండి. ముఖ్యమైన ఆర్థిక లావాదేవీలను, ప్రయాణాలను వాయిదా వేయండి.
తులారాశి: చేపట్టిన పనుల్లో పురోగతి లభిస్తుంది. ఇంటా బయట పై చేయి సాధిస్తారు. జీవిత భాగస్వామితో నెలకొన్న మనస్పర్ధలు తొలగిపోతాయి. కుటుంబ సభ్యుల మధ్య సఖ్యత పెరుగుతుంది. కుటుంబంలో సంతోషకర వాతావరణం ఉంటుంది. ప్రయాణాల్లో భవిష్యత్తుకు మేలు చేసే గొప్ప వ్యక్తిని కలుసుకుంటారు. విలువైన వస్తువులను కొనుగోలు చేస్తారు.
వృశ్చిక రాశి: ఖర్చులు పెరిగినప్పటికీ అందుకు తగిన ఆదాయం లభిస్తుంది. వ్యాపార విస్తరణ కోసం చేసే ప్రయత్నాలు శుభ ఫలితాలను ఇస్తాయి. నూతన వ్యాపారాలు మొదలుపెట్టాలనుకునే వారికి అనుకూల సమయం. మొండి బకాయిలు వసూలు అవ్వడం వల్ల ఆర్థిక పరిస్థితి మెరుగుపడుతుంది. విలువైన వస్తువులను కొనుగోలు చేస్తారు.
ధనస్సు రాశి: మానసిక ప్రశాంతతను దూరం చేసే సంఘటనలు చోటు చేసుకుంటాయి.ఎవరితోనూ విభేదాలు పెట్టుకోకండి. మీ మాటలను ఇతరులు తప్పుగా అర్థం చేసుకునే ప్రమాదం ఉంది. కుటుంబ సభ్యుల మధ్య మనస్పర్ధలు ఏర్పడతాయి. వాటిని తొలగించుకునేందుకు ప్రయత్నించండి. విలువైన వస్తువులను పోగొట్టుకునే ప్రమాదం ఉంది.
మకర రాశి: ఆత్మవిశ్వాసంతో మొదలుపెట్టిన పనులు శుభ ఫలితాలను ఇస్తాయి. ఉద్యోగులు తమ పనితీరుతో ఉన్నతాధికారులను ఆకట్టుకుంటారు. శ్రమకు తగ్గ ఫలితం ఉంటుంది. విధుల్లో భాగంగా దూర ప్రయాణాలు చేస్తారు. మొండి బకాయిలు వసూలు అవుతాయి. విలువైన వస్తువులను కొనుగోలు చేస్తారు.
కుంభరాశి: మీ మీ రంగాల్లో అనుకూల ఫలితాలు ఉన్నాయి. ఆకస్మిక ధన లాభం కలుగుతుంది. బంధుమిత్రులతో నెలకొన్న మనస్పర్ధలు తొలగిపోతాయి. ఆప్తుల నుంచి అందిన ఒక వార్త ఆత్మవిశ్వాసాన్ని పెంచుతుంది. భవిష్యత్తుకు సంబంధించి కీలక నిర్ణయం తీసుకుంటారు. రుణ సమస్యల నుంచి బయటపడతారు. ప్రయాణాలు అనుకూలిస్తాయి. ఆర్థిక లావాదేవీలు కలిసి వస్తాయి.
మీన రాశి: ఆరోగ్యం విషయంలో జాగ్రత్తగా ఉండండి.ఉదర సంబంధిత అనారోగ్యం ఇబ్బంది పెడుతుంది. ఒక వ్యవహారంలో కుటుంబ సభ్యులతో విభేదించాల్సి వస్తుంది. ప్రయాణాల్లో ఆటంకాలు ఏర్పడతాయి. ఉద్యోగులు తీవ్రంగా శ్రమించినప్పటికీ ఉన్నతాధికారుల ఆగ్రహానికి గురవుతారు. ఖర్చులు పెరుగుతాయి. రుణాలు చేయాల్సిన పరిస్థితి తలెత్తుతుంది.