పంచాంగం
తేదీ 14-02-2025, శుక్రవారం , శ్రీ క్రోధి నామ సంవత్సరం, ఉత్తరాయణం, మాఘమాసం, శిశిర ఋతువు.
సూర్యోదయం: ఉదయం 6.35 గంటలకు.
సూర్యాస్తమయం: సాయంత్రం 5:57 గంటలకు.
తిథి: బహుళ విదియ రా. 8.55 వరకు, తదుపరి తదియ
నక్షత్రం: పుబ్బ రా. 10.54 వరకు తదుపరి ఉత్తర
శుభ సమయం: ఉ 9.26 నుంచి 9.56 వరకు తిరిగి సా. 4.26 నుంచి 4.38 వరకు
దుర్ముహూర్తం: ఉ 8.24 నుంచి 9.12 వరకు తదుపరి మ. 12.24 నుంచి 1.12 వరకు
రాహుకాలం: ప. 10.30 నుంచి 12.00 వరకు
యమగండం: మ. 3.00 నుంచి 4.30 వరకు
రాశి ఫలాలు
మేష రాశి: కుటుంబ సభ్యులతో కలిసి ఆధ్యాత్మిక కార్యక్రమాల్లో పాల్గొంటారు. గత కొంతకాలంగా ఇబ్బంది పెడుతున్న సమస్యకు పరిష్కారం దొరుకుతుంది. జీవిత భాగస్వామితో ఏర్పడిన విభేదాలు తగ్గుముఖం పడతాయి. రుణాల కోసం ప్రయత్నించే వారు సులభంగా రుణాలు పొందుతారు. ప్రయాణాలు అనుకూలిస్తాయి.
వృషభ రాశి: జాగ్రత్తగా ఉండాల్సిన సమయం. కొన్ని విషయాల్లో మీ అంచనాలు తప్పుతాయి. చెయ్యని తప్పుకు నింద పడాల్సి రావచ్చు. మీ మాటలను ఇతరులు తప్పుగా అర్థం చేసుకునే ప్రమాదం ఉంది. ఎవరికి ఉచిత సలహాలు ఇవ్వకండి. మంచికి పోతే చెడు ఎదురవుతుంది. ఎవరి విషయాల్లోనూ జోక్యం చేసుకోకండి.
మిథున రాశి: గత కొంతకాలంగా ఇబ్బంది పెడుతున్న సమస్య నుంచి ఉపశమనం పొందుతారు. ఆప్తుల నుంచి అందిన ఒక వార్త ఆత్మవిశ్వాసాన్ని పెంచుతుంది. వ్యాపారులకు చాలా కాలం తర్వాత అనూహ్యమైన లాభాలు అందుతాయి. నూతన వ్యాపారాలు మొదలుపెట్టాలనుకునే వారికి అనుకూల సమయం. ఇష్టమైన వ్యక్తితో విలువైన సమయాన్ని గడుపుతారు.
కర్కాటక రాశి: చేపట్టిన పనులను విజయవంతంగా పూర్తి చేయగలుగుతారు. మీ కీర్తి ప్రతిష్టలు పెంచే సంఘటనలు చోటు చేసుకుంటాయి. ఆధ్యాత్మిక కార్యక్రమాలపై ఆసక్తి పెరుగుతుంది. సామాజిక సేవా కార్యక్రమాల్లో పాల్గొని గుర్తింపు పొందుతారు. మొండి బకాయిలు వసూలు అవ్వడం వల్ల ఆర్థిక పరిస్థితి మెరుగుపడుతుంది.
సింహరాశి: సంతాన అభివృద్ధి విషయంలో శుభవార్తలు వింటారు. కుటుంబ సభ్యులతో కలిసి విందు, వినోద కార్యక్రమాల్లో పాల్గొంటారు. కుటుంబంలో శుభకార్యాల ప్రస్తావన వస్తుంది. అవివాహితులకు వివాహ ప్రయత్నాలు కొలిక్కి వస్తాయి. న్యాయవాద రంగానికి చెందిన వారికి నూతన పదవీ లాభ సూచితం.
కన్యారాశి: మిశ్రమకాలం. ప్రారంభించిన పనుల్లో కొద్దిపాటి ఆటంకాలు ఎదురవుతాయి. ప్రత్యర్థులు ఇబ్బంది పెట్టాలని చూస్తారు. ఆత్మవిశ్వాసంతో వారిని ఎదుర్కోవాలి. వ్యక్తిగత విషయాలను ఎవరితోనూ పంచుకోకండి. వివాదాలకు దూరంగా ఉండండి. ఒక వ్యవహారంలో కుటుంబ సభ్యుల నుంచి మద్దతు లభిస్తుంది. అవసరానికి తోబుట్టువుల నుంచి సాయం అందుతుంది.
తులారాశి: అదృష్ట కాలం. దీర్ఘకాలికంగా పెండింగ్ లో ఉన్న పనులను ఈరోజు పూర్తి చేయగలుగుతారు. ఆధ్యాత్మిక కార్యక్రమాల్లో పాల్గొంటారు. అవివాహితులకు వివాహ ప్రయత్నాలు కొలిక్కి వస్తాయి. వ్యాపారులకు గతంలో పెట్టిన పెట్టుబడి ద్వారా విశేషమైన లాభాలు అందుతాయి. కోర్టు కేసుల నుంచి బయటపడతారు. ఆర్థిక పరిస్థితి మెరుగుపడుతుంది.
వృశ్చిక రాశి: సొంతింటి కల నెరవేర్చుకునేందుకు తొలి అడుగు పడుతుంది. అవసరానికి సాయం చేసేవారు ఉన్నారు. ఆప్తుల నుంచి అందిన వార్త ఆత్మవిశ్వాసాన్ని పెంచుతుంది. ఉద్యోగార్థులకు శుభవార్తలు అందుతాయి. మీ కీర్తి ప్రతిష్టలు పెంచే సంఘటనలు చోటు చేసుకుంటాయి. నూతన వ్యాపారాలు మొదలుపెట్టాలనుకునే వారికి అనుకూల సమయం.
ధనస్సు రాశి: మనసు చెడు ఆలోచనల వైపుకు మల్లుతుంది. ఆలోచనల్లో స్థిరత్వం లేకపోవడం వల్ల సమస్యల్లో పడతారు. ఒక వ్యవహారంలో జీవిత భాగస్వామితో విభేదించాల్సి రావచ్చు. పిల్లల ప్రవర్తనను గమనిస్తూ ఉండండి. ఇంటి పెద్దల్లో ఒకరికి ఉదర సంబంధిత అనారోగ్యం ఇబ్బంది పెట్టే ప్రమాదం ఉంది. నిర్లక్ష్యం చేయకండి.
మకర రాశి: ఆర్థిక వ్యవహారాల పట్ల జాగ్రత్తగా ఉండాలి. ఖర్చులను అదుపులో ఉంచుకోవాలి. మొహమాటానికి తావివ్వరాదు. ఎట్టి పరిస్థితుల్లోనూ రుణాలు చేయొద్దు. ఎవరికైనా డబ్బు అప్పుగా ఇచ్చే ముందు ఆలోచించి ఇవ్వండి. ముఖ్యమైన పనులు మొదలుపెట్టేటప్పుడు కుటుంబ సభ్యుల సలహా తీసుకోండి.
కుంభరాశి: ఉద్యోగులు తమ పనితీరుతో ఉన్నతాధికారుల ప్రశంసలు పొందుతారు. పని ప్రదేశంలో ఆహ్లాదకర వాతావరణం ఉంటుంది. భవిష్యత్తుకు ఉపయోగపడే గొప్ప వ్యక్తులను కలుసుకుంటారు. ప్రయాణాలు అనుకూలిస్తాయి. విలాసవంతమైన వస్తువులను కొనుగోలు చేస్తారు. మీ మాటకు విలువ పెరుగుతుంది.
మీన రాశి: మిశ్రమ కాలం. అవసరానికి తోబుట్టువుల నుంచి సాయం అందుతుంది. వ్యక్తిగత సమస్యలను కుటుంబ సభ్యుల సమక్షంలో పరిష్కరించుకోవడం మంచిది. వాహనాలు నడిపేటప్పుడు జాగ్రత్తగా ఉండండి. విలువైన వస్తువులను పోగొట్టుకునే ప్రమాదం ఉన్నందున అప్రమత్తంగా ఉండండి.