పంచాంగం
తేదీ 12-02-2025, బుధవారం , శ్రీ క్రోధి నామ సంవత్సరం, ఉత్తరాయణం, మాఘమాసం, శిశిర ఋతువు.
సూర్యోదయం: ఉదయం 6.35 గంటలకు.
సూర్యాస్తమయం: సాయంత్రం 5:57 గంటలకు.
తిథి: పౌర్ణమి రా. 7.08 వరకు, తదుపరి పాడ్యమి
నక్షత్రం: ఆశ్లేష రా. 7.35 వరకు, తదుపరి మఖ
శుభ సమయం: ఏమీ లేవు
దుర్ముహూర్తం: ఉ 11.36 నుంచి 12.24 వరకు
రాహుకాలం: మ. 12.00 నుంచి 1.30 వరకు
యమగండం: ఉ 7.30 నుంచి 9.00 వరకు
రాశి ఫలాలు
మేష రాశి: ఆరోగ్యాన్ని నిర్లక్యం చేయరాదు. గతంలో ఇబ్బంది పెట్టిన అనారోగ్య సమస్య మళ్లీ తిరగబడుతుంది. ఖర్చులపై నియంత్రణ ఉండాలి. అనవసర అప్పులు చేస్తారు. రుణ దాతల ఒత్తిడి పెరుగుతుంది. అందరితోనూ మిత సంభాషణ మంచిది. ప్రయాణాల్లో జాగ్రత్తలు అవసరం.
వృషభ రాశి: అదృష్ట కాలం. బంధుమిత్రుల నుంచి శుభవార్తలు వింటారు. కుటుంబ సభ్యులతో కలిసి విందు, వినోద కార్యక్రమాల్లో పాల్గొంటారు. వ్యాపారులకు గతంలో పెట్టిన పెట్టుబడుల ద్వారా విశేషమైన లాభాలు అందుతాయి. నూతన వ్యాపారాలు మొదలు పెట్టాలనుకునే వారికి అనుకూల సమయం. దూర ప్రయాణాలు అనుకూలిస్తాయి.
మిథున రాశి: జాగ్రత్తగా ఉండాల్సిన సమయం. ఎవరితోనూ విభేదాలు పెట్టుకోరాదు. ప్రత్యర్థులు తప్పుదారి పట్టించాలని చూస్తారు. జాగ్రత్తగా ఉండండి. అనవసర ఖర్చులు పెరుగుతాయి. మీ మాటలను ఇతరులు తప్పుగా అర్థం చేసుకునే ప్రమాదం ఉంది. ఉద్యోగులు అధికారులతో ఆచితూచి వ్యవహరించండి. ప్రయాణాల్లో జాగ్రత్తలు అవసరం.
కర్కాటక రాశి: మిశ్రమకాలం. ఆత్మ విశ్వాసాన్ని పెంచే సంఘటనలు చోటు చేసుకుంటాయి. ఆర్థిక వ్యవహారాలు అనుకూలిస్తాయి. ఇంటా బయటా పై చేయి సాధిస్తారు. మీ మాటకు విలువ పెరుగుతుంది. వాహనాలు నడిపేటప్పుడు జాగ్రత్తగా ఉండండి. విలువైన వస్తువులను పోగొట్టుకునే ప్రమాదం ఉంది.
సింహరాశి: కొన్ని వ్యవహారాల్లో మౌనంగా ఉండటం మంచిది. అనవసర ఆలోచనలు చేయకండి. మనసు చెడు పనుల వైపుకు మల్లుతుంది. చెప్పుడు మాటలకు ప్రభావితం కాకుండా ఉండండి. జీవిత భాగస్వామితో ఏర్పడిన మనస్పర్ధలు తీవ్రం కాకుండా చూసుకోండి. కుటుంబ సభ్యుల మధ్య కొద్దిపాటి విభేదాలు ఏర్పడవచ్చు.
కన్య రాశి: భవిష్యత్తుకు సంబంధించి కీలకమైన నిర్ణయాలు తీసుకునే ముందు కుటుంబ సభ్యులతో చర్చించడం మంచిది. ఖర్చులను అదుపులో ఉంచుకోండి. గొప్ప వ్యక్తులతో పరిచయం అవుతుంది. సంతానాభివృద్ధికి సంబంధించి శుభవార్తలు వింటారు. ప్రయాణాలు అనుకూలిస్తాయి.
తులారాశి: కుటుంబ సభ్యులతో కలిసి శుభకార్యాల్లో పాల్గొంటారు. బంధుమిత్రులతో కలిసి విలువైన సమయాన్ని గడుపుతారు. జీవిత భాగస్వామితో నెలకొన్న మనస్పర్ధలు తొలగిపోతాయి. ఆప్తుల నుంచి అందిన ఒక వార్త ఆత్మవిశ్వాసాన్ని పెంచుతుంది. ఆర్థిక పరిస్థితి ఆశాజనకంగా ఉంటుంది. విలువైన వస్తువులను కొనుగోలు చేస్తారు.
వృశ్చిక రాశి: అదనపు బాధ్యతలు పెరుగుతాయి. శారీరక శ్రమ ఎక్కువవుతుంది. ఒత్తిడికి లోనవుతారు. అనుకున్న ఫలితాలు సాధించడానికి తీవ్రంగా శ్రమించాల్సి రావచ్చు. అరువు తెచ్చుకున్న వాహనాల వల్ల ఖర్చులు పెరుగుతాయి. ప్రయాణాల్లో విలువైన వస్తువులను జాగ్రత్తగా చూసుకోండి. వివాదాలకు తావివ్వకండి.
ధనస్సు రాశి: కుటుంబ సభ్యుల మధ్య నెలకొన్న మనస్పర్ధలు తొలగిపోతాయి. జీవిత భాగస్వామితో విలువైన సమయాన్ని గడపగలుగుతారు. పిల్లల భవిష్యత్తుకు సంబంధించి కీలక నిర్ణయాలు తీసుకుంటారు. నూతన వ్యాపారాలు మొదలుపెట్టాలనుకునే వారికి అనుకూల సమయం. మొండి బకాయిలు వసూలు అవుతాయి. దూర ప్రయాణాలు చేయాల్సి వస్తుంది. ఆర్థిక లావాదేవీలు అనుకూలిస్తాయి.
మకర రాశి: మిశ్రమ కాలం. పట్టుదలతో అనుకున్న పనులు నెరవేర్చగలుగుతారు. అవసరానికి తోబుట్టువుల నుంచి సాయం అందుతుంది. కీలక వ్యవహారాల్లో కుటుంబ సభ్యుల మద్దతు లభిస్తుంది. ఉద్యోగులు ఉన్నతాధికారుల పట్ల జాగ్రత్తగా వ్యవహరించండి. ఎటువంటి వివాదాలకు తావివ్వకండి. పని ప్రదేశంలో కొంత గందరగోళ వాతావరణం ఉంటుంది.
కుంభరాశి: భవిష్యత్తుకు సంబంధించి కీలక నిర్ణయాలు తీసుకుంటారు. ఆర్థిక పరిస్థితి మెరుగుపడుతుంది. మొండి బకాయిలు వసూలు అవుతాయి. నూతన వ్యాపారాలు మొదలుపెట్టాలనుకునే వారికి అనుకూల సమయం. ఉద్యోగులు తమ పనితీరుతో ఉన్నతాధికారులను ఆకట్టుకుంటారు.
మీన రాశి: ఇతరులతో సంభాషించేటప్పుడు జాగ్రత్తగా ఉండాలి. మీ మాటలను ఇతరులు తప్పుగా అర్థం చేసుకునే ప్రమాదం ఉంది. ముఖ్యమైన పనులను, ప్రయాణాలను వాయిదా వేయండి. ఎటువంటి ఆర్థిక లావాదేవీలను జరపకపోవడం మంచిది. అపరిచితులతో మిత సంభాషణ మంచిది. ఆప్తులతో కొద్దిపాటి విభేదాలు ఏర్పడవచ్చు.