పంచాంగం
తేదీ 12- 08 – 2024, సోమవారం , శ్రీ క్రోధి నామ సంవత్సరం, దక్షిణాయణం, శ్రావణమాసం, వర్ష ఋతువు.
సూర్యోదయం: ఉదయం 5:46 గంటలకు
సూర్యాస్తమయం: సాయంత్రం 6:32 గంటలకు
తిథి: శుక్ల అష్టమి తె 4.34 వరకు, తదుపరి నవమి
నక్షత్రం: విశాఖ పూర్తిగా
దుర్ముహూర్తం: ప. 12.24 నుంచి 1.12 వరకు, తిరిగి ప. 2.46 నుంచి 3.36 వరకు
శుభ సమయం: ఏమీ లేవు
రాహుకాలం: ఉ. 7.30 నుంచి 9.00 వరకు
యమగండం: ఉ 10.30 నుంచి 12.00 వరకు
రాశి ఫలాలు
మేష రాశి: అనుకూల సమయం. భవిష్యత్తుకు సంబంధించి కీలక నిర్ణయాలు తీసుకుంటారు. ఆర్థిక పరిస్థితి గతం కంటే మెరుగ్గా ఉంటుంది. రుణాలను తీర్చగలుగుతారు. వ్యాపారం కోసం చేసే రుణ ప్రయత్నాలు ఫలిస్తాయి. అవివాహితులకు వివాహ ప్రయత్నాలు లాభిస్తాయి. కొత్త వ్యక్తుల పరిచయం భవిష్యత్తులో ఉపయోగపడుతుంది.
వృషభ రాశి: వ్యాపారులకు అనుకూలంగా ఉంటుంది. పెద్ద మొత్తంలో పెట్టుబడి పెట్టాలనుకునే వారికి శుభ సమయం. ఆరోగ్యపరంగా జాగ్రత్తలు తీసుకోవాల్సి వస్తుంది. అనుకోని అనారోగ్య సమస్యలు తలెత్తుతాయి నిర్లక్ష్యం చేయరాదు. ఉద్యోగులు పై అధికారుల సూచనలను పాటించాలి. కుటుంబ సభ్యులతో నెలకొన్న వివాదాలను చర్చల ద్వారా పరిష్కరించుకోవాలి. ఆర్థిక వ్యవహారాల్లో జాగ్రత్తగా ఉండాలి.
మిథున రాశి: సంక్లిష్ట సమయం. వ్యాపారులు భాగస్వామ్యులను చేర్చుకోవాలనుకునే ఆలోచనలను వాయిదా వేయడం మంచిది. పెట్టుబడులు పెట్టే ఆలోచనను విరమించుకోవాలి. కుటుంబంలో చిన్నపాటి సమస్యలు ఆందోళన కలిగిస్తాయి. ఇంటి పెద్దల అనారోగ్య సమస్యలు తీవ్రమవుతాయి. వాహనాలు నడిపేటప్పుడు జాగ్రత్తగా ఉండాలి.
కర్కాటక రాశి: ఉద్యోగులు చిన్నపాటి వివాదాల్లో చిక్కుకుంటారు. ఇతరులతో సంభాషించేటప్పుడు భావోద్వేగాలను నియంత్రణలో ఉంచుకోవాలి. ముఖ్యమైన పనులను వాయిదా వేయరాదు. ఇంటి పెద్దల నుంచి అందిన ఒక వార్త కలవర పెడుతుంది. ఆర్థిక సమస్యలు చుట్టుముడతాయి. ఎవరినీ నమ్మి డబ్బు అప్పుగా ఇవ్వరాదు.
సింహరాశి: జాగ్రత్తగా ఉండాల్సిన సమయం. తొందరపాటు నిర్ణయాలు తీసుకోవడం వల్ల సమస్యలు ఎదుర్కొంటారు. మీ ప్రవర్తనతో ఇతరులు కలత చెందవచ్చు. కుటుంబ సభ్యులతో వివాదాలు చెలరేగుతాయి. సహనంతో వ్యవహరించడం మంచిది. ఆర్థిక వ్యవహారాల్లో అప్రమత్తత అవసరం. ప్రయాణాల్లో విలువైన వస్తువులను పోగొట్టుకునే ప్రమాదం ఉన్నందున జాగ్రత్తగా ఉండాలి.
కన్యా రాశి: మిశ్రమకాలం. చేపట్టిన పనులను ఏకాగ్రతతో పూర్తి చేయాలి. పిల్లలతో విలువైన సమయాన్ని గడిపే ప్రయత్నం చేయాలి. జీవిత భాగస్వామితో వాగ్వాదం చేయరాదు. చుట్టూ ఉన్న వ్యక్తులతో జాగ్రత్తగా ఉండాలి. అడ్డంకులు తొలగిపోతాయి. మొండి బకాయిలు చేతికి అందుతాయి. ఆధ్యాత్మిక కార్యక్రమాల్లో పాల్గొని గుర్తింపు పొందుతారు.
తులారాశి: సమయస్ఫూర్తితో కొన్ని పనులు పూర్తి చేస్తారు. అతివిశ్వాసం సమస్యలను తెచ్చిపెడుతుంది. ఇతరులతో మాట్లాడేటప్పుడు భావోద్వేగాలను నియంత్రణలో ఉంచుకోవాలి. కొన్ని సమస్యలను సహనంతో ఎదుర్కోవాలి. అనవసర ఖర్చులు పెరుగుతాయి. అయినప్పటికీ రుణాలు చేయడం మంచిది కాదు. పిల్లల ప్రవర్తనను గమనిస్తూ ఉండాలి.
వృశ్చిక రాశి: ఆహ్లాదకరంగా ఉంటుంది. కుటుంబ సభ్యులతో విలువైన సమయాన్ని గడుపుతారు. చాలా కాలం తర్వాత చిన్ననాటి మిత్రులను కలుసుకుంటారు. మొండి బకాయిలు చేతికి అందుతాయి వ్యాపారులకు విశేషమైన లాభాలు వస్తాయి. భాగస్వామ్య వ్యాపారం చేయాలనుకునే వారికి అనుకూల సమయం. సత్ప్రవర్తనతో ఇతరుల మెప్పు పొందుతారు.
ధనస్సు రాశి: సవాళ్లతో కూడుకున్న సమయం. కుటుంబ సభ్యుల మధ్య వివాదాలు చెలరేగుతాయి. ఫలితంగా ఒత్తిడికి లోనవుతారు. పని భారం ఎక్కువవుతుంది. విధుల్లో భాగంగా దూర ప్రయాణాలు చేయాల్సి రావచ్చు. మీరు చేసిన పొరపాటు కుటుంబ సభ్యుల ముందు బయటపడుతుంది. నమ్మిన వారే మోసం చేసే ప్రమాదం ఉంది.
మకర రాశి: కుటుంబ సమస్యలను పరిష్కరించడంపై దృష్టి పెట్టాలి. తొందరపాటుగా పెట్టుబడులు పెట్టడం వల్ల నష్టాలు సంభవిస్తాయి. ప్రమాదం అనుకునే ఏ పనీ చేయరాదు. తల్లిదండ్రులతో సమయం గడిపేందుకు ప్రయత్నించాలి. జీవిత భాగస్వామితో నెలకొన్న సమస్యలను చర్చల ద్వారా పరిష్కరించుకోవాలి.
కుంభరాశి: శుభకార్యాల్లో పాల్గొంటారు. విధుల్లో భాగంగా దూర ప్రయాణాలు చేయాల్సి వస్తుంది. వృత్తి ఉద్యోగాల్లో నెలకొన్న సమస్యలను అనుభవజ్ఞుల సలహాతో పరిష్కరించుకుంటారు. రుణదాతల ఒత్తిడి ఎక్కువవుతుంది. వాహనాలు నడిపేటప్పుడు జాగ్రత్తగా ఉండాలి. ఆర్థిక పరిస్థితి సాధారణంగా ఉంటుంది. అతిథుల రాక ఆనందాన్నిస్తుంది.
మీన రాశి: వివాదాల్లో చిక్కుకుంటారు. ఇతరుల విషయాల్లో జోక్యం చేసుకోవడం వల్ల సమస్యలు ఏర్పడతాయి. నిందలు పడాల్సి రావచ్చు. న్యాయపరమైన చిక్కులు ఏర్పడతాయి. ఆస్తి సంబంధ వివాదాలు తీవ్రమవుతాయి. ఖర్చులు ఎక్కువైనప్పటికీ రుణాలు చేయడం మానుకోవాలి. భావోద్వేగాలను నియంత్రణలో ఉంచుకొని పనిచేయాలి.