రాశి ఫలాలు: మంగళవారం 11 జనవరి 2022

పంచాంగం

శ్రీ ప్లవనామ సంవత్సరం దక్షిణాయనం హేమంత ఋతువు పుష్యమాసం శుక్లపక్షం

సూర్యోదయం: ఉ 6:37
సూర్యాస్తమయం : సా‌.5:38
తిథి: పుష్య శుద్ధ నవమి సా.5:03 నిమిషాల వరకు తదుపరి పుష్య శుద్ధ దశమి
సంస్కృతవారం: భౌమవాసరః (మంగళవారం)
నక్షత్రము : అశ్వని మ.2:03 వరకు తదుపరి భరణి
కరణం: కౌలవ సా.5:03 వరకు
యోగం: సిద్ధం మ.2:12 వరకు తదుపరి సాధ్యం
వర్జ్యం: ఉ.10:00 నుండి 11:42 వరకు తదుపరి రా.12:12 నుండి 1:56 వరకు
దుర్ముహూర్తం. ఉ.8:51 నుండి 9:35 వరకు తదుపరి రా.10:53 నుండి 11: 37 వరకు
రాహుకాలం: మ.3:00 నుండి 4:30 వరకు
యమగండం: ఉ.9:00 నుండి 10:30 వరకు
గుళికా కాలం : మ.12:24 నుండి మ.1:46 వరకు
బ్రాహ్మీ ముహూర్తం: తె.5:16 నుండి 6:04 వరకు
అమృతఘడియలు: ‌ఉ.6:36 నుండి 8:18 వరకు
అభిజిత్ ముహూర్తం:12:01 నుండి 12:45 వరకు

ఈరోజు (11-01-2022) రాశి ఫలితాలు

మేషం: ముఖ్యమైన వ్యవహారాలు అనుకూలంగా సాగుతాయి విందు, వినోద కార్యక్రమాలలో పాల్గొంటారు. సంతానం పొటీపరీక్షలో విజయం సాధిస్తారు. దూరపు బంధువుల నుంచి శుభవార్తలు అందుతాయి. ఆర్థిక లావాదేవీలు ఆశాజనకంగా ఉంటాయి. ఉద్యోగాలలో హోదాలు పెరుగుతాయి.

వృషభం: ముఖ్యమైన వ్యవహారాలలో జీవిత భాగస్వామి సలహాలు తీసుకుని ముందుకు సాగడం మంచిది. వివాదాలకు దూరంగా ఉండాలి. గృహ నిర్మాణ ఆలోచనలు నిదానిస్తాయి. వృత్తి, వ్యాపారాలలో కొంత మందకోడిగా సాగుతాయి. విలువైన వస్తువులు విషయంలో జాగ్రత్త అవసరం.

మిథునం: కుటుంబ సభ్యుల నుండి కొత్త విషయాలను తెలుసుకొంటారు. ప్రముఖులతో పరిచయాలు పెరుగుతాయి. సంఘంలో గౌరవ మర్యాదలకు లోటు ఉండదు. విలువైన వస్త్ర, ఆభరణాలు కొనుగోలు చేస్తారు. వృత్తి, వ్యాపారాలలో నూతన ప్రోత్సాహకాలు అందుతాయి. ఉద్యోగులకు చిక్కులు తొలగుతాయి.

కర్కాటకం: గృహమున సంతాన శుభకార్య విషయమై ప్రస్తావన వస్తుంది. నూతన భూ వాహనాలు కొనుగోలు చేస్తారు. వృత్తి, వ్యాపారాలు గతం కంటే మెరుగువుతాయి. ఉద్యోగులకు శుభవార్తలు అందుతాయి. నూతన ఉద్యోగ యత్నాలు సాగిస్తారు.ఆర్థిక వ్యవహారాలు అనుకూలిస్తాయి.

సింహం: చేపట్టిన పనులలో జాప్యం జరిగినా సకాలంలో పూర్తి చేస్తారు. ఆర్థిక పరిస్థితి అంతంత మాత్రంగా ఉన్న అవసరాలకు ధన సహాయం అందుతుంది. వివాదాలకు వీలైనంత దూరంగా ఉండటం మంచిది. వృత్తి వ్యాపారాలలో స్వల్ప లాభాలు అందుతాయి. ఆప్తుల నుండి అరుదైన ఆహ్వానాలు అందుతాయి.

కన్య: బంధువులతో ఏర్పడిన వివాదాలు పరిష్కారదశకు చేరుకుంటాయి. చేపట్టిన పనులలో విజయం సాధిస్తారు. వాహన ప్రయాణ విషయాలలో కొంత జాగ్రత్త అవసరం. ఉద్యోగులకు అదననపు బాధ్యతలు పెరిగినా సమర్థవంతంగా పూర్తిచేస్తారు. విలువైన వస్తువులు బహుమతులుగా పొందుతారు.

తుల: నిరుద్యోగుల ఆశలు ఫలిస్తాయి. ఆర్థిక పరిస్థితి మెరుగుపడుతుంది. చేపట్టిన వ్యవహారాలల్లో విజయం సాధిస్తారు. దీర్ణకాలిక బుణాలు తీరి ఊరట చెందుతారు. వృత్తి, వ్యాపారాలలో ఉత్సాహంగా సాగుతాయి. సంతన వివాహయత్నాలు అనుకులిస్తాయి.ఉద్యోగమున అధికారుల అనుగ్రహం కలుగుతుంది.

వృశ్చికం: గృహమున శుభకార్యాల ప్రస్తావన వస్తుంది. ఆర్థిక పురోగతి సాధిస్తారు. భూ క్రయ విక్రయాలలో తొందరపాటు నిర్ణయాలు చేయడం మంచిది కాదు. వ్యాపారాల విస్తరణకు స్నేహితుల సహాయ సహకారాలు పొందుతారు. నిరుద్యోగులకు ఉద్యోగ యోగం ఉన్నది. దైవ చింతన పెరుగుతుంది.

ధనస్సు: ప్రయాణాలలో నూతన పరిచయాలు కలుగుతాయి. ఆరోగ్య సమస్యలు నుండి ఉపశనం పొందుతారు. కుటుంబ సభ్యులతో గృహమున ఆనందంగా గడుపుతారు. వృత్తి, వ్యాపారాలలో విశేషమైన లాభాలు పొందుతారు. సంతాన విద్య ఉద్యోగ యత్నాలు ఫలిస్తాయి.

మకరం: ప్రయాణాలలో తొందరపాటు మంచిది కాదు. చేపట్టిన పనులు నిదానంగా పూర్తి చేస్తారు. మిత్రులతో ఏర్పడిన మాట పట్టింపులు తొలగుతాయి. వృత్తి, వ్యాపారాలలో నూతన ప్రోత్సాహకాలు లభిస్తాయి. విలువైన వస్త్ర, ఆభరణాలు కొనుగోలు చేస్తారు. దూరపు బంధువుల నుండి అరుదైన ఆహ్వానాలు అందుతాయి.

కుంభం: ఇంటాబయట అనుకూల వాతావరణం ఉంటుంది. నూతన కార్యమాలకు శ్రీకారం చుడతారు. స్థిరాస్థి వివాదాలు పరిష్కారమవుతాయి. వృత్తి, వ్యాపారాలలో ఆశించిన లాభాలు పొందుతారు. దూర ప్రయాణాలు వాయిదా వెయ్యడం మంచిది. ఉద్యోగమున చిన్న పాటి వివాదాలుంటాయి.

మీనం: చిన్ననాటి మిత్రులతో ఏర్పడిన వివాదాలను పరిష్కారించుకొంటారు. చేపట్టిన పనులలో శ్రమ అధికంగా ఉంటుంది. భూవివాదాలు తీరి లబ్ది పొందుతారు. క్రయవిక్రయాలలో స్వల్పలాభాలు పొందుతారు. సంతాన విద్యా ఉద్యోగ విషయాలలో శుభవార్తలు అందుకుంటారు.