పంచాంగం
తేదీ 06-03-2025, గురువారం , శ్రీ క్రోధి నామ సంవత్సరం, ఉత్తరాయణం, ఫాల్గుణ మాసం, శిశిర ఋతువు.
సూర్యోదయం: ఉదయం 6.22 గంటలకు.
సూర్యాస్తమయం: సాయంత్రం 6:04 గంటలకు.
తిథి: శుక్ల సప్తమి మ. 3.39 వరకు, తదుపరి అష్టమి
నక్షత్రం: రోహిణి తె 4.24 వరకు, తదుపరి మృగశిర
శుభ సమయం: ఏమీ లేవు
దుర్ముహూర్తం: ఉ.10.00 నుంచి 10.48 వరకు, తిరిగి మ. 2.48 నుంచి 3..36 వరకు
రాహుకాలం: మ. 1.30 నుంచి 3.00 వరకు
యమగండం: ఉ 6.00 నుంచి 7.30 వరకు
రాశి ఫలాలు
మేష రాశి: మిశ్రమ కాలం. నమ్మిన వారే మోసం చేసే ప్రమాదం ఉంది. ముఖ్యమైన పనుల కోసం ఇతరులపై ఆధారపడకండి. స్వశక్తిని నమ్ముకోవడం మంచిది. మనసు చెడు ఆలోచనల వైపుకు మల్లుతుంది. సానుకూల దృక్పథంతో ఉండండి. అవసరానికి కుటుంబ సభ్యుల నుంచి సాయం అందుతుంది.
వృషభ రాశి: ఆప్తుల నుంచి శుభవార్తలు అందుకుంటారు. దీర్ఘకాలికంగా కుటుంబాన్ని ఇబ్బంది పెడుతున్న ఒక సమస్యకు ఈరోజు పరిష్కారం దొరుకుతుంది. ఇష్టమైన వారితో విలువైన సమయాన్ని గడపగలుగుతారు. ఉద్యోగులు విధుల్లో భాగంగా దూర ప్రయాణాలు చేయాల్సి వస్తుంది. అనూహ్యమైన ధనలాభం ఉంది.
మిథున రాశి: చాలాకాలం తర్వాత ఇష్టమైన వారితో విలువైన సమయాన్ని గడపగలుగుతారు. మీ మాటకు విలువ పెరుగుతుంది. వ్యాపారులకు గతంలో పెట్టిన పెట్టుబడి ద్వారా విశేషమైన లాభాలు అందుతాయి. పెద్ద మొత్తంలో పెట్టుబడి పెట్టాలనుకునే ఆలోచనను అమల్లో పెట్టొచ్చు. విలువైన వస్తువులను కొనుగోలు చేస్తారు.
కర్కాటక రాశి: ఊహించని ధన లాభం ఉంది. బకాయిలు వసూలు అవుతాయి. వ్యాపార అభివృద్ధి జరుగుతుంది. చిన్ననాటి స్నేహితులతో ఆనందంగా గడుపుతారు. భవిష్యత్తు గురించి స్పష్టమైన నిర్ణయం తీసుకుంటారు. కుటుంబ సభ్యులతో కలిసి శుభకార్యాల్లో పాల్గొంటారు. అవివాహితులకు వివాహ ప్రయత్నాలు ఫలిస్తాయి.
సింహరాశి: మీ అధికార పరిధి పెరుగుతుంది. ఇంటా బయటా పై చేయి సాధిస్తారు. కుటుంబంలో శుభకార్యాలు జరుగుతాయి బంధువుల రాక ఆనందాన్నిస్తుంది. జీవిత భాగస్వామితో నెలకొన్న మనస్పర్ధలు తొలగిపోతాయి. పిల్లల భవిష్యత్తు గురించి కీలక నిర్ణయం తీసుకుంటారు. విదేశీ విద్యను అభ్యసించాలనుకునే విద్యార్థులకు శుభవార్తలు అందుతాయి.
కన్యారాశి: రుణ ప్రయత్నాలు ఫలిస్తాయి. బంధుమిత్రుల మధ్య నెలకొన్న మనస్పర్ధలు తొలగిపోతాయి. గత కొంతకాలంగా ఇబ్బంది పెడుతున్న ఒక సమస్య పరిష్కారం అవుతుంది. చిలక సమయాల్లో జీవిత భాగస్వామి మద్దతు లభిస్తుంది. ఇంటి పెద్దల ఆశీర్వాదంతో ముఖ్యమైన పనులు విజయవంతంగా పూర్తి చేస్తారు.
తులారాశి: భావోద్వేగాలను అదుపులో ఉంచుకోండి. అధికారులతో సంభాషించేటప్పుడు జాగ్రత్తగా వ్యవహరించండి. మీ ప్రవర్తన వల్ల ఇతరులు నొచ్చుకునే ప్రమాదం ఉంది. మీది కానీ వ్యవహారంలో తల దూర్చడం వల్ల న్యాయపరమైన ఇబ్బందుల్లో పడతారు. జీవిత భాగస్వామితో నెలకొన్న మనస్పర్ధలు మరింత తీవ్రమవుతాయి.
వృశ్చిక రాశి: ఆత్మవిశ్వాసాన్ని పెంపొందించే సంఘటనలు చోటు చేసుకుంటాయి. కుటుంబ సభ్యులతో కలిసి విందు, వినోద కార్యక్రమాల్లో పాల్గొంటారు. ఆధ్యాత్మిక అంశాలపై ఆసక్తి పెరుగుతుంది. సామాజిక సేవా కార్యక్రమాల్లో పాల్గొని గుర్తింపు పొందుతారు. మొండి బకాయిలు వసూలు అవ్వడం వల్ల ఆర్థిక పరిస్థితి మెరుగుపడుతుంది. అరువు తెచ్చుకున్న వాహనాల పట్ల జాగ్రత్తగా ఉండండి.
ధనస్సు రాశి: మిశ్రమ కాలం. ఆర్థిక వ్యవహారాల్లో జాగ్రత్తగా ఉండాలి. ఎవరికైనా డబ్బు అప్పుగా ఇచ్చేముందు ఆలోచించి నిర్ణయం తీసుకోండి. పెట్టుబడి పెట్టాలనుకునే వ్యాపారులు అనుభవజ్ఞుల సలహా తీసుకోండి. ముఖ్యమైన ఆర్థిక లావాదేవీలను ఈరోజు జరపకపోవడం మంచిది. ఉద్యోగులు తమ పనితీరుతో అధికారులను ఆకట్టుకుంటారు. సంతానాభివృద్ధి విషయంలో శుభవార్తలు వింటారు.
మకర రాశి: అలసట పెరుగుతుంది. శారీరక శ్రమ ఎక్కువవుతుంది. అదనపు బాధ్యతలు చేపట్టాల్సి వస్తుంది. ఆరోగ్యం పై శ్రద్ధ పెట్టండి. గతంలో ఇబ్బంది పెట్టిన అనారోగ్య సమస్య మళ్ళీ తిరగబెట్టే అవకాశం ఉంది. అరువు తెచ్చుకున్న వాహనాలు పట్ల జాగ్రత్తగా ఉండండి. ప్రమాదాలు జరిగే అవకాశం ఉన్నందున వాహనాలు నడిపేటప్పుడు అప్రమత్తంగా ఉండండి.
కుంభరాశి: అత్యంత జాగ్రత్తగా ఉండాల్సిన సమయం. గిట్టని వారు మిమ్మల్ని తప్పుదారి పట్టించాలని చూస్తారు. చేపట్టిన పనుల్లో ఆటంకాలు ఎదురవుతాయి. నమ్మిన వారే మోసం చేసే ప్రమాదం ఉంది. ముఖ్యమైన వ్యవహారాల్లో స్థిరమైన నిర్ణయాలు తీసుకోండి. ఆర్థిక ఇబ్బందులు ఎదుర్కొంటారు. మనశ్శాంతిని దూరం చేసే సంఘటనలు చోటు చేసుకుంటాయి.
మీన రాశి: చేపట్టిన పనులను విజయవంతంగా పూర్తి చేయగలుగుతారు. ఉద్యోగులు తమ పనితీరుతో ఉన్నతాధికారులను ఆకట్టుకుంటారు. విధుల్లో భాగంగా దూర ప్రయాణాలు చేయాల్సి రావచ్చు. వ్యాపారులు గతంలో పెట్టిన పెట్టుబడి ద్వారా ఊహించని లాభాలు అందుకుంటారు. కుటుంబ సభ్యులతో కలిసి శుభకార్యాల్లో పాల్గొంటారు. భవిష్యత్తు గురించి స్పష్టమైన నిర్ణయాలు తీసుకుంటారు.