పంచాంగం
తేదీ 06-04-2025, ఆదివారం , శ్రీ విశ్వావసు నామ సంవత్సరం, ఉత్తరాయణం, చైత్ర మాసం, వసంత ఋతువు.
సూర్యోదయం: ఉదయం 5.59 గంటలకు.
సూర్యాస్తమయం: సాయంత్రం 6:11 గంటలకు.
తిథి: శుక్ల నవమి రా 11.36 వరకు, తదుపరి దశమి
నక్షత్రం: పునర్వసు ఉ 9.58 వరకు, తదుపరి పుష్యమి
శుభ సమయం: ఏమీ లేవు
దుర్ముహూర్తం: సా 4.25 నుంచి 5.13 వరకు
రాహుకాలం: సాయంత్రం 4.30 నుంచి 6.00 వరకు
యమగండం: ప 12.00 నుంచి 1.30 వరకు
రాశి ఫలాలు
మేషరాశి: వ్యాపారాలు అంతంతమాత్రంగా సాగుతాయి. ఆకస్మిక ఖర్చులు పెరుగుతాయి. ఉద్యోగులు విధుల్లో భాగంగా దూర ప్రయాణాలు చేయాల్సి వస్తుంది. ఆర్థిక సమస్యలు తలెత్తుతాయి.రుణ ప్రయత్నాలు ఫలించవు. చేపట్టిన పనుల్లో ఆటంకాలు ఎదురవుతాయి.
వృషభ రాశి: కుటుంబ సభ్యులతో కలిసి ఆధ్యాత్మిక కార్యక్రమాల్లో పాల్గొంటారు. గృహంలో పండుగ వాతావరణం ఉంటుంది. కీర్తి ప్రతిష్టలు పెంచే సంఘటనలు చోటు చేసుకుంటాయి. చిన్ననాటి స్నేహితులను కలుసుకొని ఆనందంగా గడుపుతారు. ఆర్థిక లావాదేవీలు కలిసి వస్తాయి. అదనపు బాధ్యతలు పెరిగినప్పటికీ సమర్థవంతంగా నిర్వర్తించగలుగుతారు.
మిథున రాశి: శుభకార్యాలకు ఆహ్వానాలు అందుతాయి. ఆప్తుల నుంచి అందిన ఒక వార్త ఆత్మవిశ్వాసాన్ని పెంచుతుంది. వ్యాపారులకు ఆకస్మిక ధన లాభం కలుగుతుంది. పెట్టుబడులు పెట్టేందుకు సరైన సమయం. స్నేహితులతో కలిసి దూర ప్రయాణాలు చేస్తారు. కుటుంబంలో శుభకార్యాల ప్రస్తావన వస్తుంది.
కర్కాటక రాశి: బంధువులతో మాట పట్టింపులు ఏర్పడతాయి. ఒక వ్యవహారంలో కుటుంబ సభ్యులతో మాట పడాల్సి వస్తుంది. కుటుంబంలో మనస్పర్ధలు కూడా తలెత్తుతాయి. మీ మాటను ఇతరులు తప్పుగా అర్థం చేసుకుంటారు. చేపట్టిన పనుల్లో ఆటంకాలు ఏర్పడతాయి. ప్రయాణాలు వాయిదా పడతాయి.
సింహరాశి: ముఖ్యమైన పనుల్లో నిర్లక్ష్యం పనికిరాదు. సమయానుకూలంగా ప్రవర్తించాలి. కుటుంబ సభ్యులతో మాట పట్టింపులు ఏర్పడతాయి. మానసిక ప్రశాంతతను దూరం చేసే సంఘటనలు చోటు చేసుకుంటాయి. ఖర్చులను అదుపులో ఉంచుకోండి. ఇతరులతో జాగ్రత్తగా మాట్లాడండి.
కన్యారాశి: బంధుమిత్రులతో ఆనందంగా గడుపుతారు కుటుంబంలో శుభకార్యాలు జరుగుతాయి. అవసరానికి ఇంటి పెద్దల నుంచి సాయం అందుతుంది. ఆకస్మిక ధన లాభం కలుగుతుంది. ఉద్యోగులకు శుభవార్తలు అందుతాయి. ఆత్మవిశ్వాసాన్ని పెంచే సంఘటనలు చోటు చేసుకుంటాయి.
తులారాశి: వ్యాపారులు అత్యంత జాగ్రత్తగా ఉండాల్సిన సమయం. గతంలో చేసుకున్న ఒప్పందాలు రద్దు అవుతాయి. వ్యాపార భాగస్వామితో విభేదించాల్సి వస్తుంది. పెట్టుబడులు పెట్టే ఆలోచనను వాయిదా వేయడం మంచిది. ఆర్థిక వ్యవహారాల్లో జాగ్రత్తగా ఉండండి. ఎవరినీ నమ్మి వ్యక్తిగత వివరాలను పంచుకోకండి.
వృశ్చిక రాశి: భవిష్యత్తుకు మేలు చేసే గొప్ప వ్యక్తులను కలుసుకుంటారు. ప్రయాణాలు అనుకూలిస్తాయి. ఆర్థిక లావాదేవీలు కలిసి వస్తాయి. కుటుంబంలో శుభకార్యాల ప్రస్తావన వస్తుంది. అవివాహితులకు వివాహ ప్రయత్నాలు ఫలిస్తాయి. విదేశీ విద్యను అభ్యసించాలనుకునే విద్యార్థులకు శుభవార్తలు అందుతాయి.
ధనస్సు రాశి: ఆరోగ్య సమస్యలు తగ్గుముఖం పడతాయి. రుణ సమస్యల నుంచి విముక్తి పొందుతారు. అవసరానికి తోబుట్టువుల నుంచి ఆర్థిక సాయం అందుతుంది. విలువైన వస్తువులను కొనుగోలు చేస్తారు. కుటుంబంలో పండగ వాతావరణం ఉంటుంది.చిన్ననాటి స్నేహితులను కలుసుకొని ఆనందంగా గడుపుతారు.
మకర రాశి: మిశ్రమ కాలం. చేపట్టిన పనుల్లో జాప్యం పెరుగుతుంది. అయినప్పటికీ నిరుత్సాహ పడవద్దు. ఆర్థిక లావాదేవీల విషయంలో జాగ్రత్తగా ఉండండి. మీది కాని వ్యవహారంలో తలదూర్చకండి. కుటుంబ సమస్యలు ఆందోళన కలిగిస్తాయి. సంయమనం పాటించి వాటిని పరిష్కరించుకోవాలి.
కుంభరాశి: ఆర్థికపరమైన చిక్కుల నుంచి బయటపడతారు. ఆకస్మిక ధన లాభం కలుగుతుంది. ఇంటి పెద్దల నుంచి శుభవార్తలు అందుకుంటారు. నూతన వస్తు వాహన కొనుగోలు సూచనలు ఉన్నాయి. కుటుంబ సభ్యులతో కలిసి ఆధ్యాత్మిక కార్యక్రమాల్లో పాల్గొంటారు. గత కొంతకాలంగా ఇబ్బంది పెడుతున్న సమస్యలకు పరిష్కారం దొరుకుతుంది.
మీనరాశి: ఉద్యోగులకు అదనపు పని భారం పెరగడం వల్ల ఒత్తిడికి లోనవుతారు. ఫలితంగా అనారోగ్య సమస్యలు తలెత్తుతాయి. జీవిత భాగస్వామితో విభేదించాల్సి వస్తుంది. కోపాన్ని అదుపులో ఉంచుకోండి. నమ్మిన వారే మోసం చేసే ప్రమాదం ఉంది. ఈరోజు ఎవరికీ డబ్బు అప్పుగా ఇవ్వకండి.