పంచాంగం
తేదీ 05-03-2025, బుధవారం , శ్రీ క్రోధి నామ సంవత్సరం, ఉత్తరాయణం, ఫాల్గుణ మాసం, శిశిర ఋతువు.
సూర్యోదయం: ఉదయం 6.28 గంటలకు.
సూర్యాస్తమయం: సాయంత్రం 6:04 గంటలకు.
తిథి: శుక్ల షష్ఠి రా. 5.48 వరకు, తదుపరి సప్తమి
నక్షత్రం: భరణి ఉ 6.48 వరకు తదుపరి తె 5.24 వరకు
శుభ సమయం: ఏమీ లేవు
దుర్ముహూర్తం: ఉ.11.36 నుంచి 12.24 వరకు
రాహుకాలం: మ. 12.00 నుంచి 1.30 వరకు
యమగండం: ప.7.30 నుంచి 9.00 వరకు
రాశి ఫలాలు
మేష రాశి: మిశ్రమ కాలం. కుటుంబంలో అనుకూల వాతావరణ ఉంటుంది. కుటుంబ సభ్యులపై కలిసి విందు, వినోద కార్యక్రమాలు పాల్గొంటారు. ఒక వ్యవహారంలో డబ్బు చేతికి అందుతుంది. బంధుమిత్రుల నుంచి అందిన ఒక వార్త ఆవరణ అందిస్తుంది. జీవిత భాగస్వామితో స్వల్ప మనస్పర్ధలు ఏర్పడతాయి. సమస్య తీవ్రం కాకుండా పరిష్కరించుకోవాలి.
వృషభ రాశి: జాగ్రత్తగా ఉండాల్సిన సమయం. మొహమాటం వల్ల ఖర్చులు పెరుగుతాయి. అయినప్పటికీ రుణాల జోలికి పోవద్దు. కొందరి ప్రవర్తన బాధ కలిగిస్తుంది. అదనపు బాధ్యతలు చేపట్టాల్సి రావచ్చు. పని భారం పెరగడం వల్ల అలసటకు లోనవుతారు. ఆరోగ్యం పై దృష్టి పెట్టండి. సమయానికి నిద్రాహారాలు తప్పనిసరి.
మిథున రాశి: చాలాకాలం తర్వాత ఇష్టమైన వారితో విలువైన సమయాన్ని గడుపుతారు. వ్యాపారులకు విశేషమైన లాభాలు అందుతాయి. పురోగతి లో నెలకొన్న ఆటంకాలు తొలగిపోతాయి. ప్రయాణాలు అనుకూలిస్తాయి. మొండి బకాయిలు వసూలు అవ్వడం వల్ల ఆర్థిక పరిస్థితి మెరుగుపడుతుంది. అవివాహితులకు వివాహ ప్రయత్నాలు ఫలిస్తాయి.
కర్కాటక రాశి: చేపట్టిన పనులను విజయవంతంగా పూర్తి చేయగలుగుతారు. భవిష్యత్తుకు సంబంధించి స్పష్టమైన నిర్ణయాలు తీసుకుంటారు. మీ కీర్తి ప్రతిష్టలు పెంచే సంఘటనలు చోటు చేసుకుంటాయి. సామాజిక సేవా కార్యక్రమాల్లో పాల్గొని గుర్తింపు పొందుతారు. కుటుంబ సభ్యులతో కలిసి శుభకార్యాల్లో పాల్గొంటారు. నూతన వ్యాపారాలు మొదలు పెట్టాలనుకునే వారికి అనుకూల సమయం.
సింహరాశి; అదృష్టకాలం నడుస్తోంది.ఈ సమయాన్ని సద్వినియోగం చేసుకోండి. డబ్బు పొదుపు చేయాలనుకునే వారికి అనుకూల సమయం. సొంతింటి కల నెరవేర్చుకునేందుకు తొలి అడుగు పడుతుంది. అవివాహితులకు వివాహ ప్రయత్నాలు కొలిక్కి వస్తాయి. సంతానాభివృద్ధికి సంబంధించి శుభవార్తలు ఉంటారు. ఆర్థిక పరిస్థితి సాధారణంగా ఉంటుంది.
కన్య రాశి: కుటుంబ వాతావరణం సాధారణంగా ఉంటుంది. బంధుమిత్రులతో కలిసి ఆనందంగా గడుపుతారు. సమయానికి డబ్బు చేతికి అందుతుంది. కొన్ని సంఘటనలు బాధ కలిగిస్తాయి. ఆత్మవిశ్వాసంతో ఉండాలి. కొన్ని వ్యవహారాల్లో మీ అంచనాలు తప్పుతాయి. ఏదైనా ముఖ్యమైన పని మొదలుపెట్టేటప్పుడు జీవిత భాగస్వామి సలహా తీసుకోండి.
తులారాశి: ఇంటా బయటా పై చేయి సాధిస్తారు. ఆధ్యాత్మిక కార్యక్రమాల్లో పాల్గొని గుర్తింపు పొందుతారు. ఆత్మ విశ్వాసాన్ని పెంచే సంఘటనలు చోటు చేసుకుంటాయి. బంధుమిత్రులతో కలిసి ఆనందంగా గడుపుతారు. భాగస్వామ్య వ్యాపారాలు కలిసి వస్తాయి. ప్రయాణాలు అనుకూలిస్తాయి.
వృశ్చిక రాశి: వ్యాపారులకు గతంలో పెట్టిన పెట్టుబడి ద్వారా విశేషమైన లాభాలు అందుతాయి. భాగస్వామ్య వ్యాపారాలు కలిసి వస్తాయి. కొన్ని సంఘటనలు బాధ కలిగిస్తాయి. చెప్పుడు మాటలకు ప్రభావితం కాకుండా ఉండండి. మాటల్లో పొదుపు పాటించండి. వివాదాలకు దూరంగా ఉండండి.
ధనుస్సు రాశి: మిశ్రమ కాలం. ఆరోగ్యంపై దృష్టి పెట్టండి. గతంలో ఇబ్బంది పెట్టిన అనారోగ్య సమస్య మళ్ళీ తిరగబెడుతుంది. మొహమాటాలవల్ల అనవసర ఖర్చులు పెరుగుతాయి. రుణాల జోలికి పోవద్దు. ప్రయాణాలను వాయిదా వేయటం మంచిది. కుటుంబంలో శుభకార్యాల ప్రస్తావన వస్తుంది.
మకర రాశి: గిట్టని వారు తప్పుదారి పట్టించాలని చూస్తారు. జాగ్రత్తగా ఉండండి. ప్రత్యర్థుల విషయంలో వ్యాపారులు అప్రమత్తంగా ఉండాలి. వ్యాపార భాగస్వామి ప్రవర్తనను గమనిస్తూ ఉండండి. కుటుంబంలో కొన్ని మనస్పర్ధలు చోటుచేసుకుంటాయి. వ్యక్తిగత జీవితంలో నెలకొన్న సమస్యను పెద్దల సమక్షంలో పరిష్కరించుకుంటారు.
కుంభ రాశి: అనుకూల సమయం. అవసరానికి డబ్బు చేతికి అందుతుంది. బంధుమిత్రుల నుంచి శుభవార్తలు అందుకుంటారు. భవిష్యత్తుకు సంబంధించి కీలక నిర్ణయం తీసుకుంటారు. ఉద్యోగులకు ఉన్నతాధికారుల నుంచి ప్రశంసలు అందుతాయి. విధుల్లో భాగంగా దూర ప్రయాణాలు చేయాల్సి రావచ్చు. శ్రమకు తగ్గ ఫలితం ఉంటుంది.
మీన రాశి: ముఖ్యమైన వ్యవహారాల్లో నిర్లక్ష్యం పనికిరాదు. ప్రణాళిక బద్ధంగా ముఖ్యమైన పనులను పూర్తి చేసుకోవాలి. సమయం వృధా కాకుండా ఇచ్చిన బాధ్యతలను నెరవేర్చాలి. అదనపు బాధ్యతలు చేపట్టాల్సి రావచ్చు. ఉద్యోగులకు ఉన్నతాధికారుల ఒత్తిడి ఉంటుంది. ఉదర సంబంధిత అనారోగ్యం ఇబ్బంది పెడుతుంది. ఆరోగ్యం పై శ్రద్ధ పెట్టండి.