పంచాంగం
తేదీ 03-12-2024, మంగళవారం , శ్రీ క్రోధి నామ సంవత్సరం, దక్షిణాయణం, మార్గశిర మాసం, హేమంత ఋతువు.
సూర్యోదయం: ఉదయం 6.18 గంటలకు.
సూర్యాస్తమయం: సాయంత్రం 5:26 గంటలకు.
తిథి: శుక్ల విదియ ప 12.39 వరకు, తదుపరి తదియ
నక్షత్రం: మూల సా 4.53 వరకు, తదుపరి పూర్వాషాఢ
శుభ సమయం: మ. 12.00 నుంచి 1.00 వరకు
దుర్ముహూర్తం: ఉ 08.24 నుంచి 9.12 వరకు తిరిగి రా. 10.48 నుంచి 11.36 వరకు
రాహుకాలం: మ.3.00 నుంచి 4.30 వరకు
యమగండం: ఉ 9.00 నుంచి 10.00 వరకు
రాశి ఫలాలు
మేష రాశి: అనుకూల సమయం. ఇంటా బయటా పై చేయి సాధిస్తారు. కుటుంబ సభ్యులతో కలిసి విందు, వినోద కార్యక్రమాలలో పాల్గొంటారు. చిన్ననాటి స్నేహితులను కలుసుకొని ఆనందంగా గడుపుతారు. జీవిత భాగస్వామితో నెలకొన్న మనస్పర్ధలు తొలగిపోతాయి. నూతన వస్తు, వాహన కొనుగోలు సూచనలు ఉన్నాయి. ఆర్థిక పరిస్థితి ఆశాజనకంగా ఉంటుంది.
వృషభ రాశి: అనవసర ఆలోచనలు మనశ్శాంతిని దూరం చేస్తాయి. ప్రత్యర్థుల కదలికలను గమనిస్తూ ఉండాలి. బుద్ధి బలంతో వ్యవహరించి ఒక సమస్య నుంచి బయటపడతారు. ఆత్మవిశ్వాసం రక్షిస్తూ ఉంటుంది. మీ ప్రవర్తనతో ఇతరులు కలత చెందుతారు. భాగస్వామ్య వ్యాపారాలు చేసేవారు అప్రమత్తంగా ఉండాలి. కుటుంబ సభ్యులతో ఒక విషయంలో విభేధించాల్సి వస్తుంది.
మిథున రాశి: ఇష్టమైన వారితో విలువైన సమయాన్ని గడుపుతారు. కుటుంబ సభ్యుల మధ్య తలెత్తిన వివాదాలు పరిష్కారం అవుతాయి. దీర్ఘకాలికంగా పెండింగ్లో ఉన్న పనులు పూర్తవుతాయి. జీవిత భాగస్వామి సలహాతో ఒక సమస్య నుంచి బయటపడతారు. సొంతింటి కల నెరవేర్చుకునేందుకు ప్రయత్నాలు మొదలు పెట్టవచ్చు.
కర్కాటక రాశి: చెప్పుడు మాటలకు ప్రభావితం కాకుండా ఉండాలి. తీవ్రంగా శ్రమిస్తే గాని పనులు పూర్తి కావు. అపరిచితులతో సంభాషించేటప్పుడు ఆచితూచి వ్యవహరించాలి. వ్యాపార భాగస్వామి ప్రవర్తనను గమనిస్తూ ఉండాలి. మోసపోయే ప్రమాదం ఉంది. వాహనాలు నడిపేటప్పుడు జాగ్రత్తగా ఉండాలి.
సింహరాశి: మిశ్రమకాలం. చేపట్టిన పనులను విజయవంతంగా పూర్తి చేయగలుగుతారు. ఆర్థికంగా నిలదొక్కుకోవడానికి చేసే ప్రయత్నాలు ఫలిస్తాయి. శారీరక శ్రమ పెరుగుతుంది. ఒత్తిడికి గురవుతారు. ఎవరితోనూ విభేదాలు పెట్టుకోరాదు. ముఖ్యంగా కుటుంబ సభ్యులతో వాగ్వాదం మంచిది కాదు. కొన్ని విషయాల్లో అంచనాలు తప్పుతాయి.
కన్యారాశి: అదృష్ట కాలం. ఆర్థిక సమస్యలు తొలగిపోతాయి. ఆరోగ్యం కుదుట పడుతుంది. చేపట్టిన పనులను విజయవంతంగా పూర్తి చేయగలుగుతారు. ఉద్యోగులకు పై అధికారుల మద్దతు లభిస్తుంది. సమయస్ఫూర్తితో ప్రశంసలు అందుకుంటారు. సేవా కార్యక్రమాల్లో పాల్గొని కీర్తి ప్రతిష్టలు పెంచుకుంటారు.
తులారాశి: మిశ్రమకాలం. గత కొంతకాలంగా వేధిస్తున్న సమస్యకు పరిష్కారం దొరుకుతుంది. తొందరపాటు నిర్ణయాలు తీసుకోరాదు. కీలక వ్యవహారాల్లో ఇంటి పెద్దల సలహా తీసుకోవడం మంచిది. జీవిత భాగస్వామితో విభేదించరాదు. కుటుంబ సభ్యులతో చిన్నపాటి వాగ్వాదం జరుగుతుంది. ఇష్టమైన వ్యక్తుల్లో ఒకరిని కోల్పోవాల్సి రావచ్చు.
వృశ్చిక రాశి: మిశ్రమకాలం. నిలకడ లేని ఆలోచనల వల్ల సమస్యలు ఎదుర్కొంటారు. చెడు పనులపై దృష్టి మల్లుతుంది. ఆప్తులతో కోపతాపాలకు పోరాదు. ఏ చిన్న విషయాన్ని అయినా కుటుంబ సభ్యులతో చర్చించడం మంచిది. జీవిత భాగస్వామితో మనస్పర్ధలు తీవ్రమవుతాయి. పిల్లల ప్రవర్తనను గమనిస్తూ ఉండాలి.
ధనస్సు రాశి: ఆర్థిక పరిస్థితి మెరుగవుతుంది. చేపట్టిన పనులు వేగవంతంగా పూర్తి చేయగలుగుతారు. కీలక వ్యవహారాల్లో కుటుంబ సభ్యుల మద్దతు లభిస్తుంది. చిన్ననాటి స్నేహితులను కలుసుకొని ఆనందంగా గడుపుతారు. ఉద్యోగులకు స్థాన చలన సూచనలు ఉన్నాయి. దూర ప్రయాణాలు చేయాల్సి రావచ్చు.
మకర రాశి: అదృష్ట కాలం. నూతన వ్యాపారాలు ప్రారంభించాలనుకునే వారికి అనుకూల సమయం. వ్యాపారులు గతంలో పెట్టిన పెట్టుబడుల ద్వారా విశేషమైన లాభాలు అందుకుంటారు. సేవా కార్యక్రమాల్లో పాల్గొని కీర్తి ప్రతిష్టలు పెంచుకుంటారు. ఆర్థిక పరిస్థితి గతం కంటే మెరుగ్గా ఉంటుంది. చాలాకాలంగా ఇబ్బంది పెడుతున్న అనారోగ్య సమస్య నుంచి ఉపశమనం పొందుతారు. ఉద్యోగులకు పై అధికారుల మద్దతు ఉంటుంది.
కుంభరాశి: అనుకూల సమయం. బుద్ధి బలంతో వ్యవహరించి ఒక సమస్య నుంచి బయటపడతారు. కుటుంబ సభ్యులతో కలిసి భవిష్యత్తుకు సంబంధించిన నిర్ణయం తీసుకుంటారు. భాగస్వామ్య వ్యాపారాలు కలిసి వస్తాయి. ఆధ్యాత్మిక కార్యక్రమాల్లో పాల్గొని గుర్తింపు పొందుతారు. చాలా కాలంగా పెండింగ్లో ఉన్న కోర్టు కేసుల్లో విజయం సాధిస్తారు. మీ మాటకు విలువ పెరుగుతుంది.
మీనరాశి: జాగ్రత్త గా ఉండాలి. ఆరోగ్యంపై శ్రద్ధ పెట్టాలి. సమయానికి నిద్రాహారాలు తప్పనిసరి. ఉదర సంబంధ అనారోగ్యం ఇబ్బంది పెట్టే సూచనలు ఉన్నాయి. ఆహార నియమాలు పాటించాలి. చెప్పుడు మాటలకు ప్రభావితం కాకుండా ఉండాలి. ప్రత్యర్థుల కదిలికలను గమనిస్తూ ఉండాలి. నమ్మిన వారే మోసం చేసే ప్రమాదం ఉంది.