కరోనా వైరస్.. శరవేగంగా ప్రపంచాన్ని చుట్టేసింది. చైనాలో పుట్టిన ఈ వైరస్.. జన్మభూమి మీద తక్కువ ప్రభావం చూపినా, ప్రపంచాన్ని మాత్రం వణికించేస్తోంది. అగ్రరాజ్యం అమెరికా కూడా కరోనా వైరస్ దెబ్బకి విలవిల్లాడుతున్న విషయం విదితమే. ఇక, మన దేశంలోనూ కరోనా వైరస్ తీవ్ర రూపం దాల్చినట్లే కన్పిస్తోంది. చాపకింద నీరులా దేశంలో విస్తరిస్తున్న కరోనా వైరస్, లక్ష మార్కు అందుకోవడానికి వడివడిగా అడుగులేస్తోంది.
కరోనా వైరస్కి వ్యాక్సిన్ వచ్చేదాకా దాంతో సహజీవనం చేయాల్సిందేనని ప్రభుత్వాలు చెబుతున్నాయంటే.. పరిస్థితి తీవ్రత ఏంటో అర్థం చేసుకోవచ్చు. కరోనా వైరస్తో సహజీవనం చేయడమేంటి.? అని జనం ముక్కున వేలేసుకుంటున్నాసరే.. ప్రభుత్వ పెద్దలు మాత్రం.. నిర్మొహమాటంగా ఆ విషయాన్ని పదే పదే కుండబద్దలుగొట్టేస్తున్నారు.
నిజానికి, చైనాలో కరోనా వ్యాప్తి చెందుతున్నప్పుడే మన భారత ప్రభుత్వం అప్రమత్తమయి వుండాల్సింది. కానీ, చిన్నపాటి అలసత్వం.. ఇప్పుడు దేశం కొంప ముంచేసింది. ఇంతకీ, కరోనా వైరస్కి వ్యాక్సిన్ ఎప్పుడొస్తుంది.? ఇది మాత్రం ప్రస్తుతానికి మిలియన్ డాలర్ల ప్రశ్నే. అదిగో, అక్కడ కరోనా వైరస్ కనిపెట్టేశారు.. ఇదిగో ఇక్కడ వ్యాక్సీన్ పరీక్షలు విజయవంతమయ్యాయి.. అంటూ నిత్యం వార్తలు వింటూనే వున్నాం. కానీ, వ్యాక్సిన్ అందుబాటులోకి రావడం అంత ఆషామాషీ వ్యవహారం కాదని, ప్రముఖ వైద్యులు స్పష్టం చేస్తున్నారు.
వ్యాక్సిన్ ఈ ఏడాది చివర్లో అందుబాటులోకి వస్తే.. అది గొప్ప విషయమేనని వ్యాక్సిన్ల తయారీ రంగ ప్రముఖులు తేల్చి చెబుతుండడం గమనార్హం. ఇప్పటికే దాదాపు 100కి పైగా వ్యాక్సీన్లను అభివృద్ధి చేసినప్పటికీ.. అవన్నీ ప్రయోగాల దశ దాటాల్సి వుంటుంది. ప్రతి ప్రయోగంలోనూ అనేక సమస్యలు, సవాళ్ళు ఎదురవుతాయి. వాటన్నిటినీ అధిగమించి, వాక్సీన్ని అందుబాటులోకి తీసుకురావడమంటే అంత ఆషామాషీ వ్యవహారం కాదు.
ఈలోగా ప్రభుత్వాలు చెప్పినట్లు, ఇష్టం లేకపోయినా కరోనాతో సహజీవనం చేయక తప్పదు. ఎందుకంటే, పాలకులు చేతులెత్తేశారు మరి.!
420031 36930I really treasure your piece of function, Excellent post. 385495
174988 7835I definitely did not realize that. Learnt something new nowadays! Thanks for that. 326428