కరోనా వైరస్ (కోవిడ్-19) సృష్టిస్తోన్న సంక్షోభం అంతా ఇంతా కాదు. ప్రపంచంలో అన్ని దేశాలూ కరోనా దెబ్బకు విలవిల్లాడుతున్నాయి. ఆయా రంగాలు ముందు ముందు పెను సంక్షోభాన్ని ఎదురుచూడాల్సి వస్తోందన్న ఆందోళనతో బెంబేలెత్తుతున్నాయి. పత్రికా రంగానికి ఈ కరోనా వైరస్ కారణంగా తగులుతున్న దెబ్బ చిన్నదేమీ కాదు.! అయితే, ఇది నాణానికి ఓ వైపు మాత్రమే.
నిజానికి, పత్రికా రంగానికి గత కొంత కాలంగా సవాళ్ళు ఎదురవుతూనే వున్నాయి. పొద్దున్నే వచ్చే పత్రిక కోసం ఎదురుచూసేవారు తక్కువవుతున్నారు ‘స్మార్ట్’ ప్రపంచం కారణంగా. మినిట్ టు మినిట్ అప్డేట్స్ మొబైల్ ఫోన్లలో దర్శనమిస్తోంటే, ఎలక్ట్రానిక్ మీడియా కూడా ఆ ధాటిని తట్టుకోలేకపోతోంది.. పత్రికా రంగం ఇంకెలా తట్టుకుంటుంది.? సరిగ్గా ఈ టైమ్ లోనే కరోనా వైరస్ పెను ముప్పు తీసుకొచ్చింది. దాంతో, ప్రింట్ వెర్షన్లను అటకెక్కించేయాలనే ఆలోచనలు చేస్తున్నాయి ప్రముఖ మీడియా సంస్థలు.
తెలుగునాట ఈనాడు సంస్థ కూడా అదే ఆలోచన చేయబోతోందంటూ గత కొంత కాలంగా ప్రచారం జరుగుతోన్న విషయం విదితమే. అది కొద్ది రోజుల్లోనే అమల్లోకి రాబోతోందట. పేజ్ లే అవుట్ డిజైనర్లను తగ్గించడం ఇప్పటికే షురూ అయ్యిందట ఈనాడు సంస్థలో. ఇతర పత్రికల్లోనూ ఇదే పరిస్థితి కన్పిస్తోంది. కొందరికి మూడు నెలల జీతం ఇచ్చేసి సాగనంపుతున్నారు ఈనాడులో.. అంటూ మీడియా సర్కిల్స్లో గుసగుసలు విన్పిస్తున్నాయి.
ట్యాబ్లాయిడ్లు ఆగిపోవడంతో ఆదాయం గణనీయంగా తగ్గిపోయింది. దాంతోపాటుగానే, కొందరు ఉద్యోగులపై వేటు కూడా పడిందంటున్నారు. ఆంధ్రజ్యోతి, సాక్షి తదితర పత్రికలూ ఇందుకు మినహాయింపేమీ కావు. వైసీపీ అధికారంలో వుంది గనుక, సాక్షికి ఇప్పట్లో ఇబ్బందులుండకపోవచ్చు. కానీ, పత్రికాధిపతులంతా కలిసి ఓ నిర్ణయం తీసుకుంటే.. అతి త్వరలో తెలుగు నాట పత్రికల తాలూకు ప్రింటెడ్ వెర్షన్స్ ఆగిపోవచ్చని అంటున్నారు.
‘ఇది తాత్కాలిక నిలుపుదల కాకపోవచ్చు.. నిలుపుదల శాశ్వతంగానే వుండొచ్చేమో..’ అని సీనియర్ జర్నలిస్టులు కొందరు అభిప్రాయపడ్తున్నారంటే పరిస్థితి ఎలా వుందో అర్థం చేసుకోవచ్చు. ప్రింట్ వెర్షన్లు లేకపోయినా, డిజిటల్ వెర్షన్లు అందుబాటులో వుంటాయట. అయితే, వాటిల్లోనూ కొత్త సాంకేతికత వినియోగం దిశగా మీడియా సంస్థల యాజమాన్యాలు సమాలోచనలు చేస్తున్నట్లు తెలుస్తోంది.
పత్రికా రంగం దశాబ్దాలుగా ఎన్నో సంక్షోభాల్ని ఎదురుచూసింది.. కానీ, ధీటుగా ఎదుర్కొంది. ఈసారి, మాత్రం తట్టుకుని నిలబడే పరిస్థితుల్లో లేదనీ, దానికి కేవలం కరోనా వైరస్ మాత్రమే కారణం కాదనీ, ఇతరత్రా కారణాలతోపాటు, కరోనా ఎఫెక్ట్ కూడా వుంటుందన్నది విశ్లేషకులు చెబుతున్నమాట.
117670 176705Which is some inspirational stuff. Never knew that opinions might be this varied. Thank you for all the enthusiasm to offer such beneficial details here. 470988
858085 690265Hey there, I think your weblog may possibly be having browser compatibility issues. When I look at your site in Safari, it looks fine but when opening in Internet Explorer, it has some overlapping. I just wanted to give you a quick heads up! Other then that, superb weblog! 607333
895961 238517Some times its a discomfort in the ass to read what weblog owners wrote but this internet website is rattling user friendly ! . 722267