ఓ యువకుడు కరోనా నుంచి కోలుకున్నాడు. కరోనా వైరస్ సోకితే మరణమేనన్న అపోహల నుంచి బయటకు రావాలనీ, కరోనా లక్షణాలు ఎవరికైనా వుంటే స్వచ్ఛందంగా ముందుకొచ్చి వైద్య పరీక్షలు చేసుకోవాలనీ, మన వైద్యులు మంచి చికిత్స అందిస్తున్నారనీ చెప్పడం వరకూ అతన్ని అభినందించాల్సిందే.
కానీ, కరోనా మహమ్మారి ‘చెర’ నుంచి బయటపడ్డ ఆనందంలో సదరు యువకుడు, వైద్యులకు, అధికారులకు, కొందరు పొలిటీషియన్లకూ కృతజ్ఞతగా ‘షేక్ హ్యాండ్’ ఇవ్వడం ఇప్పుడు చర్చనీయాంశంగా మారింది. ఆంధ్రప్రదేశ్లో జరిగిందీ సంఘటన. ఇంత బాధ్యతారాహిత్యమా.? అని సోషల్ మీడియాలో అంతా దుమ్మెతి పోస్తున్నారు. ఓ పక్క ‘షేక్ హ్యాండ్ వద్దే వద్దు.. దూరంగా నిల్చుని చేతులు జోడించి నమస్కరించడమే ముద్దు’ అని ప్రపంచ దేశాలు కూడా చెబుతున్న వేళ, పోలీస్ అధికారులు.. వైద్యులు కూడా, కరోనా నుంచి కోలుకున్న వ్యక్తితో ‘షేక్ హ్యాండ్’ పంచుకోవడాన్ని ఎలా అర్థం చేసుకోవాలి.?
కరోనా నుంచి కోలుకున్నాక కూడా ఆ వ్యక్తిలో కొన్ని రోజులపాటు వైరస్ అలాగే వుంటుందంటూ పలు అధ్యయనాలు చెబుతున్నాయి. ‘కెళ్ళ’లోనూ, ‘మలం’లోనూ కరోనా వైరస్ కొద్ది వారాల పాటు సజీవంగా వుంటుందని ఇటీవలే ఓ స్టడీ పేర్కొంది. కరోనా నుంచి కోలుకున్నాడు కాబట్టి, ఆ వ్యక్తి తిరిగి కరోనాని వ్యాపింపజేయకపోవచ్చన్న వాదనని కొట్టి పారేయలేం.
అయితే, మనకింకా పూర్తిగా కరోనా వైరస్ గురించి తెలియదు. ఆ వైరస్ ప్రభావంపై అధ్యయనాలు ఇంకా ఇంకా కొనసాగుతూనే వున్నాయి. ఆసుపత్రి నుంచి డిశ్చార్జి చేశాక కూడా 14 రోజుల పాటు సెల్ఫ్ ఐసోలేషన్లో వుండాలంటూ కరోనా నుంచి కోలుకున్నవారికి సూచిస్తున్నారు వైద్యులు. అలాంటిది, ఆసుపత్రి నుంచి డిశ్చార్జి అవుతూనే, సదరు వ్యక్తి షేక్ హ్యాండ్ ఇవ్వడమేంటి.? అధికారులు, వైద్యులు.. కెమెరాలకు పోజిచ్చేందుకు అతని నుంచి షేక్ హ్యాండ్ తీసుకోవడమేంటి.?
386691 47812In fact your creative writing abilities has inspired me to get my own blog now. Actually the blogging is spreading its wings rapidly. Your write up is a good example of it. 780249