దేశంలో ఏ రాష్ట్రమూ చేయని విధంగా మిలియన్ జనాభాకి అత్యధికంగా కరోనా వైరస్ (కోవిడ్19) పరీక్షలు చేస్తున్నట్లు ఆంధ్రప్రదేశ్ ప్రభుత్వం చెబుతోంది. ఈ క్రమంలో కరోనా పాజిటివ్ కేసులు కూడా పెరుగుతున్నాయి. పొరుగు రాష్ట్రాలైన కర్నాటక, ఒరిస్సా, ఛత్తీస్ఘడ్, తెలంగాణతో పోల్చితే, ఆంధ్రప్రదేశ్లో కరోనా పాజిటివ్ కేసుల సంఖ్య చాలా ఎక్కువ. తమిళనాడుతో పోల్చితే మాత్రం ఆంధ్రప్రదేశ్లో పరిస్థితి కాస్త బెటర్.
ఒక్క విజయనగరం జిల్లా మినహాయిస్తే, రాష్ట్రంలోని అన్ని జిల్లాలూ కరోనా ప్రభావనికి గురయ్యాయి. ప్రధానంగా కృష్ణా, గుంటూరు, కర్నూలు జిల్లాల్లో కరోనా వైరస్ ప్రమాద ఘంటికలు మోగిస్తున్న విషయం విదితమే. చిత్తూరు జిల్లాలో కేసులకి కారణం అధికార వైఎస్సార్సీపీకి చెందిన నేతలేనన్న విమర్శ వుంది. ఇతర జిల్లాల్లోనూ వైసీపీ నేతల అత్యుత్సాహమే కరోనా వ్యాప్తికి కారణమన్న వాదనలు లేకపోలేదు.
ఇదిలా వుంటే, మొదటి నుంచీ కరోనా వైరస్ విషయంలో రాష్ట్ర ప్రభుత్వం ‘నిర్లక్ష్యం’ ప్రదర్శిస్తూ వచ్చిందన్నది నిర్వివాదాంశం. కరోనా వైరస్ కారణంగా ముంచుకొస్తోన్న ప్రమాదాన్ని వైఎస్సార్సీపీ ప్రభుత్వం లైట్ తీసుకుంది. స్థానిక ఎన్నికల మీదనే వైసీపీ ప్రభుత్వం ఫోకస్ పెట్టిందన్నది నిర్వివాదాంశం. ఈ క్రమంలో నానా యాగీ జరిగిందనుకోండి.. అది వేరే విషయం.
‘పారాసిటమాల్ – బ్లీచింగ్’ అంటూ ముఖ్యమంత్రి వైఎస్ జగన్ చేసిన వ్యాఖ్యలతో రాష్ట్ర ప్రజానీకం కూడా కరోనా వైరస్ని లైట్ తీసుకున్నారు. అదే, రాష్ట్రంపై కరోనా పంజా విసరడానికి కారణంగా చెప్పుకోవచ్చు. తాజాగా ఈ రోజు 81 మందికి కరోనా పాజిటివ్ అని తేలింది. దాంతో లెక్క మరింత పరిగింది. ఇప్పటికే వెయ్యి దాటిన కరోనా పాజిటివ్ కేసులు కొద్ది రోజుల్లోనే 2 వేలకు చేరుతాయా.? అన్న ఆందోళన సర్వత్రా వ్యక్తమవుతోంది.
ఓ వ్యక్తి కారణంగా 20 మందికి పైగా వ్యక్తులు కరోనా బారిన పడ్డారని ప్రభుత్వమే చెబుతుండడంతో, ఈ వ్యాప్తి గ్రౌండ్ లెవల్లో ఇంకెంత దారుణంగా వుందోననే ఆందోళన వ్యక్తమవడం సహజమే. పరీక్షలు ఎక్కువ చేస్తుండడం మంచిదే అయినా, దాని పేరుతో పబ్లిసిటీ స్టంట్లు చేయాలనుకోవడం దురదృష్టకరం. అనుమానిత లక్షణాలున్నవారితోపాటు, వారి సన్నిహితులకి పరీక్షలు చేయడం మంచిదే.
తెలంగాణలో గత కొద్ది రోజులుగా కోరోనా పాజిటివ్ కేసుల నమోదు గణనీయంగా తగ్గింది. దానర్థం, అసలు పరీక్షలే జరగడంలేదని అంటే ఎలా.? తెలంగాణ ప్రభుత్వం, మొదటి నుంచీ కరోనా వైరస్ విషయంలో చాలా సీరియస్గా వ్యవహరించింది. ఆంధ్రప్రదేశ్ విషయానికొస్తే, ఆ సీరియస్నెస్ పూర్తిగా కొరవడటమే.. ఇప్పుడీ దుస్థితికి కారణం.
536593 183619A thoughtful opinion and suggestions Ill use on my internet page. Youve certainly spent some time on this. Well carried out! 836273
399645 780635I saw your post awhile back and saved it to my computer. Only lately have I got a chance to checking it and have to tell you good work. 589609