రోమ్ తగలబడ్తోంటే నీరో చక్రవర్తి ఫిడేల్ వాయించాడో లేదోగానీ.. కరోనా వైరస్ (కోవిడ్ 19) దెబ్బకి ఆంధ్రప్రదేశ్ విలవిల్లాడుతోంటే, అధికార పార్టీ నేతలు మాత్రం పబ్లిసిటీ స్టంట్లు చేయడంలో బిజీగా వున్నారు. తాజాగా, ఈ రోజు ఆంధ్రప్రదేశ్లో కొత్తగా 62 కరోనా పాజిటివ్ కేసులు నమోదయ్యాయి. దాంతో మొత్తం కరోనా పాజిటివ్ కేసుల సంఖ్య 955కి చేరుకుంది. ఈ వేగం చూస్తోంటే, రేపే వెయ్యి మార్కుని ఆంధ్రప్రదేశ్ దాటేసినా ఆశ్చర్యపోవాల్సిన పనిలేదు.
పరిస్థితి ఇంత తీవ్రంగా వుంటే, అధికార వైఎస్సార్ కాంగ్రెస్ పార్టీ తమ ప్రభుత్వ ఘనతల గురించి ప్రచారం చేసుకుంటోంది నిస్సిగ్గుగా. కేంద్రం, ఆంధ్రప్రదేశ్ని కరోనా వైరస్ విషయంలో అభివర్ణించిందట. అంతేనా, డబ్ల్యుహెచ్వో (వరల్డ్ హెల్త్ ఆర్గనైజేషన్) కూడా ‘ఆరా’ తీస్తోందట ఆంధ్రప్రదేశ్ గురించి. పొరుగు రాష్ట్రాలు ఆంధ్రప్రదేశ్ విధానాల్ని అనుసరిస్తున్నాయట. నవ్విపోదురుగాక మనకేటి.? అన్నట్టుంది పరిస్థితి. దేశంలో ప్రతి రాష్ట్రమూ కేరళ మోడల్నే ఫాలో అవుతోంది. అక్కడ మాత్రమే కరోనా పాజిటివ్ కేసులు ఒకింత ‘అదుపులో’ వున్నాయి.
ఇటీవలే గోవా, కరోనా వైరస్ నుంచి బయటపడింది. మరి, ఆంధ్రప్రదేశ్ పరిస్థితేంటి.? రోజురోజుకీ సరికొత్త రికార్డులు సృష్టిస్తోంది ఆంధ్రప్రదేశ్ కరోనా పాజిటివ్ కేసుల విషయంలో. పైగా, అధికార పార్టీ నేతలు కరోనా వ్యాప్తి కోసం కృషి చేస్తున్నారు. అక్షరదోషాలేమీ లేవు. తమ ప్రచారం కోసం నిర్లజ్జగా రోడ్డెక్కి పబ్లిసిటీ స్టంట్లు చేస్తున్న అధికార పార్టీ నేతలే కరోనా వ్యాప్తికి కారకులవుతున్నా, వారిని నిలువరించే పరిస్థితి లేదు.
దేశంలో ఏ రాష్ట్రంలోనైనా కరోనా విషయంలో అత్యంత నిర్లక్ష్యంగా వ్యవహరిస్తోన్న అధికార పార్టీ ఇంకేదన్నా వుందంటే అది వైఎస్సార్ కాంగ్రెస్ పార్టీ మాత్రమే. కేంద్రం, వున్న పళంగా ఆంధ్రప్రదేశ్లో చోటు చేసుకుంటున్న పరిణామాలపై ప్రత్యేకమైన శ్రద్ధ పెట్టాలి. లేదంటే, రాష్ట్రం కరోనా విషయంలో మరింత అధ్వాన్న స్థితికి చేరుకునే ప్రమాదమేర్పడుతుంది.
22834 357814Im not that a lot of a internet reader to be honest but your blogs genuinely nice, keep it up! Ill go ahead and bookmark your internet site to come back within the future. All of the best 529213
304703 985496Hey there, Can I copy this post image and implement it on my personal internet log? 233859
903772 705935very good put up, i definitely enjoy this internet web site, carry on it 389944
121200 68990Hi, Neat post. Theres a issue together with your site in internet explorer, would test this IE nonetheless will be the market leader and a big portion of people will miss your fantastic writing because of this problem. 867092