కరోనా క్రైసిస్ ఛారిటీ ఫర్ సినీ వర్కర్స్: టాలీవుడ్ స్టార్స్ డొనేషన్స్ లిస్ట్.!

ప్రపంచాన్ని అతలాకుతలం చేస్తున్న మహమ్మారి కరోనా వైరస్.. ఇప్పటికే ఈ కరోనా వలన వరల్డ్ వైడ్ గా 28వేలకి పైగా చనిపోయారు. ఈ కరోనాని అరికట్టడం కోసం ఇండియా ఏప్రిల్ 14 వరకూ లాక్ డౌన్ ని అమలు చేస్తోంది. దీనివలన ఆసరా లేని వారికి ప్రభుత్వం తన వంతు సాయం చేస్తోంది. అలాగే ప్రభుత్వానికి మన తెలుగు స్టార్స్ కూడా తమ వంతు సాయాన్ని ఇప్పటికే అందించారు.

ప్రభుత్వానికి చేయాల్సిన సాయం చేశారు అక్కడికి బాగానే ఉంది కానీ సినీ పరిశ్రమలో డైలీ వర్కర్స్ గా పని చేసేవారు ఉపాధి కోల్పోయి కనీస అవసరాలకు బాగా ఇబ్బంది పడుతున్నారు. దాంతో మెగాస్టార్ చిరంజీవి పలువురు సినీ ప్రముఖులతో కలిసి ఈ కష్ట కాలంలో తెలుగు సినీ కార్మికులను ఆదుకోవడం కోసం ‘కరోనా క్రైసిస్ ఛారిటీ(సిసిసి)’ని ప్రారంభించింది. సినీ కార్మికుల కోసం ఇప్పటికే పలువురు స్టార్స్ సిసిసి కోసం డొనేషన్స్ చేశారు.. ఆ వివరాలు మీకోసం..

>> యంగ్ హీరో కార్తికేయ పనిలేక ఇబ్బంది పడుతున్న సినీ కార్మికుల సంక్షేమం కోసం ఏర్పాటు చేసిన సీసీసీకి 2 లక్షల విరాళాన్ని అందజేశారు.

>> అక్కినేని నాగ చైతన్య సినీ కార్మికుల సంక్షేమం కోసం 25 లక్షల విరాళాన్ని అనౌన్స్ చేశారు.

>> సినిమా షూటింగ్స్ లేక రోజు వారీ జీవితంలో ఇబ్బంది పడుతున్న సినీ కార్మికుల సంక్షేమం కోసం యంగ్ టైగర్ ఎన్.టి.ఆర్ సిసిసి కి 25 లక్షలు డొనేట్ చేసారు.

>> క‌రోనా వ్యాప్తి నిరోధంలో భాగంగా షూటింగ్ లేక ఇబ్బంది పడుతున్న సినీ కార్మికుల సంక్షేమం కోసం మెగా పవర్ స్టార్ రామ్ చరణ్ 30 లక్షలు విరాళంగా ఇచ్చారు.

>> షూటింగ్స్ నిలిపివేత వలన ఉపాధి కోల్పోయిన సినీ కార్మికుల కోసం సూపర్ స్టార్ మహేష్ బాబు 25 లక్షలు డొనేట్ చేశారు.

>> అక్కినేని నాగార్జున సినిమా షూటింగ్‌లు నిలిచిపోవ‌డంతో ఇబ్బందులు ఎదుర్కొంటున్న సినీ కార్మికుల సంక్షేమం కోసం సిసిసికి కోటి రూపాయలు విరాళంగా ఇచ్చారు.

>> క‌రోనా వ్యాప్తి నిరోధంలో నిరంత‌రం శ్ర‌మిస్తోన్న వైద్య సిబ్బంది, పేద క‌ళాకారులు, సినీ కార్మికుల సంక్షేమం కోసం సురేశ్ ప్రొడ‌క్ష‌న్స్‌ (వెంకటేష్ – సురేష్ బాబు – రానా) కోటి రూపాయ‌ల ఆర్థిక సాయం ప్ర‌క‌టించింది.