దేశంలో పెరుగుతున్న కరోనా కేసులు..! ఒక్కరోజులోనే..

దేశంలో కరోనా తీవ్రత రోజురోజుకీ పెరుగుతోంది. ప్రతిరోజూ లక్షకు తక్కువగ కాకుండా కొత్త కరోనా కేసులు నమోదవుతున్నాయి. గడచిన 24 గంటల్లో 1,79,723 మందికి పాజిటివ్ గా నిర్ధారణ అయింది. ముందురోజుతో పోలిస్తే ఈ సంఖ్య 12.6 ఎక్కువ కావడం కలకలం రేపుతోంది. ఆదివారం ఉదయం నాటికి 5.90 లక్షలు ఉన్న యాక్టివ్ కేసులు.. ఒక్కసారిగా 7.23 లక్షలకు పెరిగింది. ప్రస్తుతం దేశంలో 7,23,619 మంది వైరస్ తో బాధ పడుతున్నారు.

నిన్న ఒక్కరోజే కరోనాతో 146 మంది మృతి చెందారు. మరోవైపు.. ఒమిక్రాన్ కేసుల సంఖ్య 4వేలు దాటాయి. అత్యధికంగా మహారాష్ట్రలో 1216, రాజస్థాన్ లో 529, ఢిల్లీలో 513, కర్ణాటకలో 441 కేసులు నమోదయ్యాయి. మరోవైపు వ్యాక్సినేషన్ లో భాగంగా నిన్న ఒక్కరోజే 29.60 లక్షల మందికి వ్యాక్సిన్ వేశారు. నేటి నుంచి 60 ఏళ్లు దాటిన వారికి, ఆరోగ్య కార్యకర్తలు, ఫ్రంట్ లైన్ వర్కర్లకు ప్రికాషనరీ డోసు వేయనున్నారు.