‘జ్వరం వస్తుంది.. మందులేసుకుంటే పోతుంది..’ అంటూ కరోనా వైరస్‌ గురించి ముఖ్యమంత్రి చాలా లైట్‌ తీసుకున్నారు. నిజానికి ఇది మొదటి సారి కాదు, ముఖ్యమంత్రి వైఎస్ జగన్ నుంచి ఈ తరహా వ్యాఖ్యలు రావడం. మొదటి నుంచీ వైఎస్ జగన్ మోహన్‌రెడ్డి, కరోనా వైరస్‌ విషయంలో ఒకే మాట మీద వున్నారు. అయితే, కరోనా వైరస్‌ సాధారణ జ్వరం కాదు. ప్రపంచాన్ని వణికిస్తోన్న వైరస్‌.
సాధారణ జ్వరం పెద్ద సమస్య కానే కాదు.. మరి అలాంటప్పుడు, రోజూ వేల కొద్దీ కరోనా వైరస్‌ పరీక్షలు ఎందుకు చేయిస్తున్నట్లు.? కరోనా వైరస్‌ పరీక్షల విషయంలో దేశానికే ఆదర్శంగా నిలుస్తున్నామంటూ ‘సెల్ఫ్ డబ్బా’ కొట్టుకోవడమెందుకు.? పరీక్షలు ఎక్కువగా జరుగుతున్నందుకు సంతోషించాల్సిందే. కానీ, ‘ఎక్కువ పరీక్షలు చేస్తున్నాం.. ఆ పరీక్షలతో పోల్చితే నమోదువుతన్న కేసుల సంఖ్య తక్కువే..’ అని ప్రజలకు తప్పుడు సమాచారం ఎలా చెబుతారు.?
శ్రీకాకుళం జిల్లాలో ఓ యువకుడికి కరోనా పరీక్షల్లో నెగెటివ్‌ అని తేలింది.. కానీ, కొద్ది రోజుల తర్వాత ఆ యువకుడి కుటుంబ సభ్యులకి కరోనా వైరస్‌ సోకింది.. అదీ ఆ యువకుడి ద్వారానే. మరి, కరోనా వైరస్‌ పరీక్షలతో నూటికి నూరు శాతం ‘వాస్తవాలు’ బయటకు వస్తున్నాయని ఎలా అనుకోగలం.? కరోనా వైరస్‌ పాజిటివ్‌ కేసుల్లో ఆంధ్రప్రదేశ్‌ ఇప్పటికే తెలంగాణను దాటేసింది. తమిళనాడుని దాటేయడానికి శరవేగంగా పరుగులు పెడ్తోంది.
దేశంలో ప్రస్తుతానికి కరోనా పాజిటివ్‌ కేసుల పరంగా నెంబర్‌ వన్‌ పొజిషన్‌లో మహారాష్ట్ర వుంది. రికార్డుల కోసం ఆంధ్రప్రదేశ్‌, మహారాష్ట్రతో పోటీ పడాలనుకుంటోందా.? అన్న ఆందోళన సర్వత్రా వ్యక్తమవుతోంది. విపక్షాలపై విమర్శలు చేయడం మానేసి, విపక్షాల నుంచి వచ్చే సూచనల్ని ప్రభుత్వం స్వీకరిస్తే.. తమ ‘అనుభవ రాహిత్యం’ కొంత మేర మరుగున పడ్తుందన్న విజ్ఞత కూడా అధికార పక్షానికి లేకపోవడం ఆశ్చర్యకరం.
గత కొద్ది రోజులుగా వైసీపీ మంత్రులు, మీడియా ముందుకొచ్చిన ప్రతిసారీ విపక్షాల్ని విమర్శించేందుకే అధిక ప్రాధాన్యతనిస్తున్నారు.. ఆ సమయం కరోనా వైరస్‌ వ్యాప్తిని తగ్గించేందుకు వెచ్చిస్తే.. కొంతైనా రాష్ట్రం కుదురుకుంటుంది.. రాష్ట్ర ప్రజలకూ మేలు జరుగుతుంది.
కరోనా వైరస్‌ విషయంలో నిన్న ముఖ్యమంత్రి వైఎస్ జగన్ వ్యాఖ్యలు చూస్తోంటే, పూర్తిగా ప్రభుత్వం చేతులెత్తేసినట్లే కన్పిస్తోంది. ఓ పక్క మేం సాధించేశాం.. మేం సమర్థవంతంగా పనిచేస్తున్నాం.. మేం వైఎరస్‌ని ఎదుర్కొంటున్నాం.. అని చెబుతూనే, ఇంకోపక్క కరోనా వైరస్‌ని అరికట్టలేం.. ఓ ఏడాదిపాటు ఆ కరోనా వైరస్‌ మనతోనే వుంటుంది తప్పదు.. అని ప్రభుత్వం చేతులెత్తేయడాన్ని ఎలా అర్థం చేసుకోవాలి.?
648466 960452Hello! I would wish to supply a large thumbs up for your superb information you can have here about this post. Ill be coming back to your blog internet site for further soon. 168191
311231 342353This is the sort of information Ive long been in search of. Thanks for posting this info. 371260
301130 128148Im not positive exactly why but this internet web site is loading incredibly slow for me. Is anyone else having this concern or is it a problem on my finish? Ill check back later and see if the difficulty nonetheless exists. 437359
906900 786697I want going to comment as this posts a bit old now, but just wanted to say thanks. 818463