సూపర్ స్టార్ రజనీకాంత్ ప్రధాన పాత్రలో లోకేష్ కనగరాజ్ దర్శకత్వం వహించిన మోస్ట్ అవైటెడ్ సినిమా ‘కూలీ’ ట్రైలర్ విడుదలైంది. సన్ పిక్చర్స్ నిర్మిస్తున్న ఈ సినిమాలో కింగ్ నాగార్జున శక్తివంతమైన పాత్రలో కనిపించనున్నారు. అలాగే బాలీవుడ్ సూపర్ స్టార్ అమీర్ ఖాన్, ఉపేంద్ర, శ్రుతీ హాసన్, సత్యరాజ్, సౌబిన్ షాహిర్ వంటి నటులు కీలక పాత్రలు పోషించారు.
ఇప్పటికే విడుదలైన పోస్టర్లు, టీజర్లు, పాటలు సినిమాపై భారీ అంచనాలను పెంచాయి. ‘చికిటు’, ‘మోనికా’, ‘పవర్ హౌస్’ పాటలు చార్ట్ బస్టర్ హిట్స్ అయ్యాయి. తాజా ట్రైలర్లో నాగార్జున శక్తివంతమైన డైలాగ్తో ప్రారంభమై రజనీకాంత్ స్టైల్, యాక్షన్ సీన్స్ గూస్ బంప్స్ తెప్పించాయి.
నాగార్జున కొత్త లుక్, రజనీకాంత్ ఎనర్జీ, అమీర్ ఖాన్, ఉపేంద్ర ఎంట్రీలు ప్రేక్షకులను ఆకట్టుకున్నాయి. లోకేష్ కనగరాజ్ టేకింగ్, వరల్డ్ బిల్డింగ్ అద్భుతంగా ఉన్నాయి. అనిరుధ్ ఇచ్చిన బ్యాక్గ్రౌండ్ మ్యూజిక్, గిరీష్ గంగాధరన్ సినిమాటోగ్రఫీ ట్రైలర్కు ప్రత్యేక ఆకర్షణగా నిలిచాయి.
కలానిధి మారన్ నిర్మించిన ఈ సినిమాకు ప్రొడక్షన్ వ్యాల్యూస్ కూడా హాలీవుడ్ స్థాయిలో ఉన్నాయి. ట్రైలర్తో సినిమా పై అంచనాలు మరింత పెరిగాయి.
తెలుగు రాష్ట్రాల్లో ఈ సినిమాను ఏషియన్ సురేష్ ఎంటర్టైన్మెంట్స్ గ్రాండ్గా విడుదల చేయనుంది. ‘కూలీ’ ఆగస్టు 14న ప్రపంచవ్యాప్తంగా విడుదల కానుంది.