రాజమౌళి తెరకెక్కిస్తున్న తాజా భారీ చిత్రం ఆర్ ఆర్ ఆర్. ఈ సినిమా షూటింగ్ ఏడాదిన్నర నుండి సాగుతోంది. ఇప్పటికే 70 శాతం షూటింగ్ ను పూర్తి చేసారు. లాక్ డౌన్ లేకపోయి ఉంటే ఈపాటికి మెజారిటీ భాగం షూటింగ్ కానిచ్చేసేవారే, కానీ దాదాపు 60 రోజుల నుండి షూటింగ్ అన్నది లేదు. రీసెంట్ గా నిర్మాత దానయ్య మాట్లాడుతూ సంక్రాంతికి చెప్పినట్లుగా ఆర్ ఆర్ ఆర్ ను తీసుకురాలేమని స్పష్టం చేసాడు. ఇక తర్వాత ఉన్నది సమ్మర్ కావడంతో అప్పటికి సినిమా విడుదలవుతుంది అని అందరూ ఊహిస్తున్నారు. అయితే అప్పటికైనా సినిమా విడుదలవుతుందా అన్నది ప్రశ్నర్ధకంగా మారింది. ఎందుకంటే ఈ చిత్రానికి ఎన్నో చిక్కులు ఉన్నాయి.
ఇటీవలే ఒక ఇంటర్వ్యూలో రాజమౌళి మాట్లాడుతూ తన కెరీర్ లో ఇప్పటివరకూ ఇంతలా ఇబ్బంది పెట్టిన సినిమా మరొకటి లేదు అని ప్రకటించాడంటే పరిస్థితి అర్ధం చేసుకోవచ్చు. బాహుబలి షూటింగ్ కన్నా ఆర్ ఆర్ ఆర్ షూటింగ్ కష్టమా అనిపిస్తోంది. చూస్తుంటే నిజమే అనిపిస్తోంది కూడా అని అన్నాడు. ఇంతలా ఏ సినిమాకూ ఇబ్బంది పడలేదని, లాక్ డౌన్ అయ్యాక పరిస్థితిని బట్టి షూటింగ్ షెడ్యూల్స్ అప్డేట్ చేసుకోవాలని అన్నాడు.
ఈ సినిమాకు అన్నిటికంటే ముందున్న సవాల్ షూటింగ్ లొకేషన్స్, కాస్ట్ అండ్ క్రూ ను ఒకచోట చేర్చడం. ఆర్ ఆర్ ఆర్ లో కేవలం తెలుగు వాళ్ళే కాకుండా ఇండియా వైడ్, అంతర్జాతీయ కాస్ట్ అండ్ క్రూ పనిచేస్తోంది. వచ్చే నెల నుండి షూటింగ్ లకు పరిమితులు వచ్చినా కూడా ప్రస్తుతం విమానయానం మీద నిషేధం అలానే కొనసాగుతోంది. పైగా ఆర్ ఆర్ ఆర్ వంటి సినిమా షూటింగ్ చేయాలంటే వందలాది మంది కష్టపడాలి. షూటింగ్ కు అనుమతి వచ్చినా పరిమిత మందితో షూటింగ్ ను ఏ మేరకు నిర్వహించగలరు అన్నది చూడాలి.
పైగా ఈ సినిమాను భారీ రేట్లకు అమ్మాలని నిర్ణయించుకున్నారు. భారీ బడ్జెట్ కాబట్టి ఆ మాత్రం రేటు పెట్టాల్సిందే. ప్రస్తుతం అంతర్జాతీయంగా ఆర్ధిక మందగమనం కొనసాగుతోంది కాబట్టి ఏ మేరకు గిట్టుబాటు అవుతుంది అన్నది కూడా చూడాలి. ఈ కష్టాలన్నీ దాటుకుని ఆర్ ఆర్ ఆర్ కనీసం సమ్మర్ కైనా వస్తుందా అన్నది అనుమానమే.
157309 517732You completed quite a few nice points there. I did a search on the concern and located nearly all people will have the same opinion together with your blog. 163403
911989 378835Its hard to locate knowledgeable people on this topic however you sound like you know what you are talking about! Thanks 558078