ఢిల్లీలో విద్యావిధానం భేష్.. దేశమంతటికీ ఎంతో అవసరం: సీఎం కేసీఆర్

ఢిల్లీ పర్యటనలో భాగంగా సీఎం కేసీఆర్ ఢిల్లీ సీఎం కేజ్రీవాల్ తో భేటీ అయ్యారు. అనంతరం మోతీబాగ్ లోని సర్వోదయ ప్రభుత్వ పాఠశాలను కేజ్రీవాల్ స్వయంగా కేసీఆర్ కు చూపించారు. పాఠశాలలోని ప్రత్యేకలు, విద్య, సదుపాయాలను వివరించారు. ఇందుకు సంబంధించిన వీడియోలను ప్రదర్శించారు.

సీఎం కేజ్రీవాల్ మాట్లాడుతూ.. ‘సీఎం కేసీఆర్ ఢిల్లీ పాఠశాలను చూసేందుకు రావడం గౌరవంగా భావిస్తున్నాం. విద్యాశాఖపై ఆయనకు మంచి అవగాహన ఉంది. ఇక్కడి ప్రగతిని తెలుసుకునేందుకు ఆయన వచ్చారు. తెలంగాణలో ప్రగతిని మేం నేర్చుకోవాల్సి ఉంది. పరస్పర అవగాహనతో ముందుకు వెళ్తా’మని అన్నారు.

సీఎం కేసీఆర్ మాట్లాడుతూ.. ‘ఢిల్లీలో ఉన్న విద్యా వ్యవస్థ దేశంలో మరెక్కడా లేదు. విద్యార్ధులను జాబ్ సీకర్లుగా కాకుండా జాబ్ ప్రొవైడర్లుగా తీర్చిదిద్దే విద్యా విధానం బాగుంది. తెలంగాణలోనూ ఇటువంటి విద్యా విధానాన్ని ప్రవేశపెడతాం. త్వరలో అధికారుల బృందాన్ని పంపిస్తాం. కేంద్రం ప్రవేశపెట్టిన నూతన విద్యా విధానం ఏకపక్షంగా ఉండకూడదు. రాష్ట్రాల అభిప్రాయాలు కూడా తీసుకోవాల్సి ఉంది’ అని అన్నారు.