రాష్ట్రంలో గణేష్ నిమజ్జన ఊరేగింపుల్లో జరిగిన ప్రమాదాలపై ముఖ్యమంత్రి చంద్రబాబు తీవ్ర విచారం వ్యక్తం చేశారు. వేర్వేరు ఘటనల్లో ఆరుగురు ప్రాణాలు కోల్పోవడం ఆయన బాధాకరమని పేర్కొన్నారు.
వెస్ట్ గోదావరి జిల్లా తూర్పుతాళ్లలో జరిగిన విషాదంలో గణేష్ విగ్రహ ఊరేగింపులో ట్రాక్టర్ దూసుకుపోవడంతో నలుగురు మృతి చెందగా పలువురు గాయపడ్డారు. ఈ సంఘటనపై సిఎం ఆవేదన వ్యక్తం చేస్తూ గాయపడిన వారికి మెరుగైన చికిత్స అందించాలని అధికారులను ఆదేశించారు.
అదే విధంగా అల్లూరి సీతారామరాజు జిల్లా పాడేరు చింతలవీధి జంక్షన్లో గణేష్ నిమజ్జనంలో మరో ఇద్దరు మృతి చెందగా, ఆరుగురు గాయపడ్డారు. వారికి సరైన వైద్య సాయం అందించాలంటూ సిఎం సూచించారు.
ప్రమాదాలకు కారణమైన నిర్లక్ష్యంపై కఠిన చర్యలు తీసుకోవాలని అధికారులను ఆయన ఆదేశించారు.