మెగాస్టార్ చిరంజీవి అంటే చిన్నా పెద్దా అందరికీ ఎనలేని అభిమానం. 6 నుంచి 60 ఏళ్ల వయసు వారినీ తన నటనతో అలరించే చిరంజీవిగారు నిజంగా ఎంటర్టైన్మెంట్కు కేరాఫ్ అడ్రెస్. తెరపై ఆయనను చూసి మురిసిపోయే అభిమానులలో చాలామందికి జీవిత ఆశయం ఆయనను ఒకసారి కలవాలనేది.
ఆ అభిమానుల జాబితాలో చిన్నారి ఐరా ఆశిష్ కూడా ఉంది. ఆమె బీజేపీ తెలంగాణ రాష్ట్ర అధ్యక్షులు ఎన్. రామచంద్రరావుగారి మనవరాలు. ఆస్ట్రేలియాలో ఉంటూ చిరంజీవిగారి సినిమాలు చూసి మురిసిపోయే ఈ చిన్నారి, తన అభిమాన హీరోను కలవాలని ఎప్పటినుంచో ఆశపడుతోంది.
ఇటీవల హైదరాబాద్ వచ్చిన సందర్భంలో ‘మన శంకరవర ప్రసాద్ గారు’ సినిమా షూటింగ్ లొకేషన్కి వెళ్లి తన ప్రియతమ హీరో చిరంజీవిని కలిసింది. చిరంజీవిగారిని చూసిన క్షణం ఆ చిన్నారి ఆనందంతో మురిసిపోయింది.
జనరేషన్స్ను దాటే అభిమానాన్ని సంపాదించిన చిరంజీవిగారు, తన సింపుల్ నేచర్తో మరోసారి అందరి మనసులు గెలుచుకున్నారు. పొలిటికల్ బిజీలో ఉన్నా మనవరాలి కల నెరవేర్చిన రామచంద్రరావుగారు కూడా అభిమానుల ప్రశంసలు అందుకుంటున్నారు.