Chiranjeevi-Ram Charan: రామ్ చరణ్ ‘పెద్ది’ నుంచి వచ్చిన ‘రై రై రారా’ పాట రఫ్పాడేస్తోంది. పాటలో సింగిల్ టేక్ లో చరణ్ చేసిన డ్యాన్స్ చూసి ఫిదా కానివారు లేరు. క్లిష్టమైన స్టెప్ ని చరణ్ అంత గ్రేస్ తో అంతే అందంగా ఎలా చేశాడని ఆశ్చర్యపోతున్నారు. అయితే.. పాటలో ఆ మూమెంట్ తీసేటప్పుడు చరణ్ కు జ్వరమని.. వద్దని చెప్పినా వినకుండా చేసి మెప్పించాడని.. మీ నుంచే ఆ డెడికేషన్ వచ్చిందని డైరక్టర్ బుచ్చిబాబు చెప్పడం మరింత హైలైట్ అయింది. అయితే.. ఇక్కడే మెగాభిమానులు మరోరకంగా మురిసిపోతున్నారు.
36ఏళ్ల క్రితం వచ్చిన చిరంజీవి ‘జగదేకవీరుడు అతిలోక సుందరి’ సినిమాలో ‘ధినక్కుతా..’ పాట సమయంలో చిరంజీవి 102 డిగ్రీల జ్వరంతో ఉన్నారు. అయితే షూటింగుకి ఆఖరి రోజు కావడంతో క్యాన్సిల్ అయితే శ్రీదేవి కాల్షీట్స్ దొరకడం కష్టం.. సినిమా రిలీజ్ ఆగిపోతుందని చిరంజీవి అంత జ్వరంలోనూ డ్యాన్స్ చేశారనే విషయం తెలిసిందే. అంత జ్వరంలోనే చిరంజీవి తన స్పీడ్, గ్రేస్ తగ్గనివ్వలేదు పాటలో. ఇప్పుడు చరణ్ కూడా అంతే జ్వరంతో ఉండి.. ఎక్కడా తన స్పీడ్, గ్రేస్ తగ్గకుండా డ్యాన్స్ తో హోరెత్తించాడు.
విత్తు ఒకటైతే చెట్టు మరొకటవుతుందా.. అనే సామెతను నిజం చేస్తూ నాడు చిరంజీవి, నేడు చరణ్ సినిమాపై తమ డెడికేషన్ ఎక్కడా తగ్గకుండా చూస్తున్నారని అంతా కొనియాడుతున్నారు. చిరంజీవే డ్యాన్సింగ్ సెన్సేషన్ అయితే.. రామ్ చరణ్ ఇంతై.. ఇంతింతై.. అన్నట్టు ఎదగడం నిజంగా చిరంజీవికి పుత్రోత్సాహమే అని చెప్పాలి.
Thank you sooo much Sirrrr
❤️❤️❤️🙏🙏🙏ఆ రోజు నాకు ఇంకా గుర్తుంది సర్, ఈ BGM షూటింగ్ చేస్తున్నప్పుడు Charan సర్కి High fever sir. మేము షూటింగ్ ఆపేద్దామన్నా, ఆయన “లేదు చేద్దాం” అన్నారు. అంత జ్వరం లో కూడా ముఖంపై చిరునవ్వుతో, ఎంతో గ్రేస్తో డాన్స్ చేశారు.
ఆ డెడికేషన్, ఆ… https://t.co/QXAlEOwlGw
— BuchiBabuSana (@BuchiBabuSana) March 3, 2026