Chiranjeevi : మెగాస్టార్ చిరంజీవి ప్రస్తుతం నటిస్తున్న భోళా శంకర్ సినిమా షూటింగ్ ముగింపు దశకు చేరుకుంది. ప్రస్తుతం ఈ సినిమా యొక్క పాట చిత్రీకరణ జరుపుతున్నారు. ఈ సినిమాలో ఒక సంగీత్ కు సంబంధించిన పాట చిత్రీకరణ చేస్తున్నట్లుగా మెగాస్టార్ చిరంజీవి స్వయంగా తెలియజేశాడు. అందుకు సంబంధించిన స్టిల్స్ మరియు వీడియోను కూడా లీక్ చేశాడు.
చిరంజీవి ట్విట్టర్ ద్వారా ఈ లీక్ ఇచ్చాడు. చిరు లీక్స్ ఇది… ఎవరికి చెప్పొద్దు కేవలం ఫ్యాన్స్ కోసమే అంటూ చిరు సోషల్ మీడియా ద్వారా పేర్కొన్నాడు. ట్విట్టర్ లో మ్యాటర్ లీక్ చేసి ఇన్ స్టా గ్రామ్ లో విజువల్స్ ను షేర్ చేయడం జరిగింది. చిరు లీక్స్ పేరుతో ఈ వీడియో మరియు ఫోటోలు వైరల్ అవుతున్నాయి.
మెహర్ రమేష్ దర్శకత్వంలో రూపొందుతున్న ఈ సినిమా లో చిరంజీవికి జోడీగా తమన్నా నటిస్తుండగా కీలక పాత్రలో కీర్తి సురేష్ కనిపించబోతుంది. ఇక ప్రస్తుతం చిత్రీకరణ జరుగుతున్న పెళ్లి సంగీత్ కు సంబంధించిన పాటలో ఎంతో మంది నటీ నటులు పాల్గొంటున్నారు. భారీ ఇండోర్ సెట్టింగ్ లో ఈ పాట చిత్రీకరణ చేస్తున్నట్లుగా చిరు లీక్స్ లో షేర్ చేసిన ఫోటోలతో క్లారిటీ వచ్చింది.