మెగాస్టార్ చిరంజీవి మళ్లీ రాజకీయాల్లోకి పున:ప్రవేశం చేయబోతున్నారని.. ఆయన ఏపీలోని అధికార పార్టీ వైఎస్సార్ సీపీలోకి చేరతారంటూ ఇటీవల జోరుగా ఊహాగానాలు సాగుతున్నాయి. త్వరలో రాజ్యసభలో ఖాళీలు రానున్న నేపథ్యంలో వైసీపీ నుంచి చిరంజీవిని పెద్దల సభకు పంపిస్తారంటూ పుంఖానుపుంఖాలుగా కథనాలు వస్తున్నాయి. ఇందుకు కేంద్రంలోని అధికార బీజేపీ కూడా సుముఖంగా ఉందని రకరకాల వార్తలు వెల్లువెత్తుతున్నాయి.
సైరా సినిమా విడుదలైన తర్వాత చిరంజీవి జగన్ ను కలవడం, అనంతరం జగన్ ప్రతిపాదించిన మూడు రాజధానులకు మద్దతు ప్రకటించడం వంటి పరిణామాలే ఇందుకు నిదర్శనమని ఆయా కథనాలకు బలం చేకూర్చే ప్రయత్నాలు కూడా చేస్తున్నారు. నిజంగా చిరంజీవి వైపీపీలో చేరతారా, ఆయన్ను రాజ్యసభకు పంపిస్తారా అంటే మాత్రం దీనిని ఎవరూ ధ్రువీకరించడంలేదు. అలాంటిది ఎందుకు ఈ ప్రచారం జరుగుతోందనే చర్చ ప్రస్తుతం హాట్ టాపిక్ గా మారింది.
జనసేన అధినేత పవన్ కల్యాణ్ కు చెక్ చెప్పేందుకే చిరంజీవిని ప్రోత్సహించాలని జగన్ భావిస్తున్నారని, అందుకే ఆయన్ను పార్టీలో చేర్చుకోవాలని నిర్ణయం తీసుకున్నారని చెబుతున్నారు. కానీ ఇందులో ఎలాంటి వాస్తవం లేదని తెలుస్తోంది. వైసీపీలోని విశ్వసనీయ వర్గాల సమాచారం ప్రకారం.. చిరంజీవిని వైసీపీ నుంచి రాజ్యసభు పంపించాలనే ఆలోచన ఏదీ జగన్ మదిలో లేదని చెబుతున్నారు.
నిజానికి ప్రస్తుతం చిరంజీవి అవసరం వైసీపీకి ఎంతమాత్రం లేదు. జగన్ తన సంక్షేమ పథకాలనే నమ్ముకుని ముందుకు వెళుతున్నారు. అందువల్ల చిరును ప్రత్యేకించి రాజ్యసభకు పంపించాలని ప్రయత్నించే అవకాశం ఉండదు. ఇదంతా పక్కన పెడితే.. అసలు చిరంజీవి ఇప్పటివరకు ఈ కథనాలపై స్పందించనేలేదు. అసలు చిరుకు రాజకీయాలపై ఎలాంటి ఆసక్తీ లేదని, ఆయన ఎట్టి పరిస్థితుల్లోనూ తిరిగి రాజకీయాల్లోకి వచ్చే అవకాశం లేదని ఆయన్ను దగ్గర నుంచి చూసినవారు చెబుతున్నారు.
పైగా ఇటీవల కమల్, రజనీ తదితరులకు కూడా ఆయన రాజకీయాలు వద్దంటూ సలహా ఇచ్చారనే వార్తలు గతంలో వచ్చాయి. పైగా ప్రస్తుతం చిరంజీవి సినిమాలపైనే తన దృష్టి కేంద్రీకరించారు, పరిశ్రమలో సమస్యలను పరిష్కరించే దిశగా ముందుకు కదులుతూ సినీ ఇండస్ట్రీకి పెద్ద దిక్కుగా నిలుస్తున్నారు. అంతేకాకుండా గత అనుభవాల దృష్ట్యా అసలు ఆయన రాజకీయాల్లోకి వచ్చే పరిస్థితి లేదని చెబుతున్నారు. వాస్తవాలు ఇలా ఉంటే ఎవరో పనిగట్టుకుని చిరంజీవి వైసీపీలో చేరాతారనే ప్రచారం చేస్తున్నారని పలువురు విమర్శలు చేస్తున్నారు. వీటికి ఫుల్ స్టాప్ పడాలంటే అటు చిరంజీవి లేదా ఇటు వైసీపీ పెద్దలు స్పందించాల్సిందే.
81735 670858Where else may just anyone get that kind of info in such an ideal method of writing? 859906