Chiranjeevi: ప్రతి మహిళకూ భర్త విజయమే తన విజయం. కుటుంబం కోసం కష్టపడే భర్తకు కొండంత అండగా నిలుస్తూ.. కుటుంబ బాధ్యతలను కర్తవ్యంగా నిర్వహిస్తుంటే.. కుటుంబ పెద్దగా భర్త వేసే ప్రతి అడుగులోనూ విజయమే. అందుకు చక్కటి ఉదాహరణ తెలుగు సినిమాపై రారాజులా వెలుగుతున్న మెగాస్టార్ చిరంజీవి (Chiranjeevi) గారి సతీమణి శ్రీమతి సురేఖ. నేడు శ్రీమతి సురేఖగారి పుట్టినరోజు. ఈ సందర్భంగా మెగాస్టార్ చిరంజీవి తన జీవిత భాగస్వామికి జన్మదిన శుభాకాంక్షలు తెలిపారు. ‘నా జీవన రేఖ.. నా సౌభాగ్య రేఖ.. నా భాగస్వామి సురేఖ. నా జీవితంలో ప్రతి దశలోనూ నాకెంతో అండగా నిలిచిన నా శ్రీమతి.. సురేఖకు జన్మదిన శుభాకాంక్షలు’ అని సోషల్ మీడియా వేదికగా తన ప్రేమను చాటుకున్నారు.
నిత్యం షూటింగ్స్, సినిమాలు, అలుపెరుగని కష్టంతో ఉన్నత స్థానానికి ఎదిగిన చిరంజీవిగారికి.. ప్రతి దశలోనూ శ్రీమతి సురేఖగారి పాత్ర అనిర్వచనీయం. అందుకే చిరంజీవిగారి అభిమానులకు కూడా శ్రీమతి సురేఖగారు అభిమానంగా పిలుచుకునే ‘వదినమ్మ’. చిరంజీవిగారి అండగా మాత్రమే కాకుండా రామ్ చరణ్ రూపంలో మరో శక్తిని తెలుగు సినిమాకు, మెగాభిమానులకు అందించిన మాతృమూర్తి శ్రీమతి సురేఖగారు. ఈ సందర్భంగా అభిమానులు ఆమెకు జన్మదిన శుభాకాంక్షలు తెలియజేస్తున్నారు. శ్రీమతి సురేఖగారికి టీమ్ ‘తెలుగు బులెటిన్’ కూడా ఆత్మీయ జన్మదిన శుభాకాంక్షలు తెలియజేస్తోంది.
నా జీవన రేఖ
నా సౌభాగ్య రేఖ
నా భాగస్వామి సురేఖ !Happy Birthday to my lifeline and the greatest pillar of my strength Surekha !
Many Many Happy Returns!💐❤️ pic.twitter.com/JcABQQ1Aey— Chiranjeevi Konidela (@KChiruTweets) February 18, 2024