యువ హీరో కిరణ్ అబ్బవరం, శ్రీ గౌరి ప్రియ జంటగా తెరకెక్కుతున్న చెన్నై లవ్ స్టోరీ సినిమా ఇప్పటికే బిజినెస్ పరంగా మంచి క్రేజ్ తెచ్చుకుంటోంది. కలర్ ఫొటో, బేబి వంటి కల్ట్ క్లాసిక్ చిత్రాలు అందించిన ఎస్ కేఎన్, సాయి రాజేశ్ కాంబినేషన్ లో ఈ చిత్రం రూపొందుతుండటంతో అంచనాలు మరింత పెరిగాయి. అమృత ప్రొడక్షన్స్, మాస్ మూవీ మేకర్స్ బ్యానర్లపై ఈ సినిమాను నిర్మిస్తున్నారు.
ఈ చిత్రానికి రవి నంబూరి దర్శకత్వం వహిస్తుండగా, కథను సాయి రాజేశ్ అందిస్తున్నారు. సంగీత బాధ్యతలను మెలొడీ బ్రహ్మగా పేరుగాంచిన మణిశర్మ తీసుకున్నారు. మొదటి సింగిల్ నుంచే ఈ సినిమా మ్యూజికల్గా మంచి రెస్పాన్స్ అందుకుంటుండటం విశేషం.
తాజాగా విడుదలైన ‘గురుతుందా..’ పాట మ్యూజిక్ లవర్స్ను బాగా ఆకట్టుకుంటోంది. రిలీజ్ అయిన కేవలం 10 రోజుల్లోనే ఈ సాంగ్ 10 మిలియన్కు పైగా వ్యూస్ సాధించడం విశేషం. ముఖ్యంగా “తొలి ప్రేమేం తోపు కాదే… నీ లైఫ్ నీ ఆపలేదే…” అనే హుక్ లైన్ సోషల్ మీడియాలో వైరల్ అవుతూ యువతలో ప్రత్యేక క్రేజ్ సంపాదించింది.
ఈ పాటలో మణిశర్మ అందించిన ప్లెజెంట్ కంపోజిషన్, అనంత శ్రీరామ్ అందమైన సాహిత్యం, అలాగే హరిచరణ్, శృతిక సముద్రాల ఎక్స్ప్రెసివ్గా ఆలపించిన తీరు పాటకు మరింత ఆకర్షణగా మారాయి. ఫస్ట్ లవ్ ఫీలింగ్ను అందంగా చూపించిన ఈ సాంగ్ ప్రస్తుతం చార్ట్బస్టర్గా దూసుకెళ్తోంది.
మొత్తానికి, ‘గురుతుందా..’ పాటతో చెన్నై లవ్ స్టోరీ సినిమా మ్యూజికల్గా మంచి హైప్ను సృష్టించుకుంది. ఇదే ఊపు కొనసాగితే, సినిమా విడుదలకు ముందే మరింత భారీ అంచనాలు ఏర్పడే అవకాశముంది.