తెలుగు సినిమా ప్రపంచంలో ఎన్టీఆర్, రామ్ చరణ్ ఇద్దరూ స్టార్ హీరోలు. RRR వంటి ప్రపంచ విజయంతో ఇద్దరూ తెలుగు సినిమా గౌరవాన్ని ప్రపంచానికి చాటారు. కానీ కొన్ని తెలుగు వెబ్సైట్లు, సోషల్ మీడియా పేజీలు ఈ ఇద్దరి స్నేహాన్ని విస్మరించి, చీప్ పోలికలతో అభిమానుల్లో విభేదాలు రేపుతున్నాయి.
ఇటీవల NTR దేవర హిట్ అయిందని, రామ్ చరణ్ గేమ్ చెంజర్ ఫ్లాప్ అయ్యిందనే భావన వచ్చేలా.. ఇప్పటికీ “ఎన్టీఆర్, రాంచరణ్ స్కోర్ 1-0” అంటూ పోస్టులు షేర్ చేస్తున్నారు. ఈ పోస్టుల వెనుక అసలు ఉద్దేశ్యం స్పష్టమే – ఫ్యాన్స్ను రెచ్చగొట్టడం, హీట్ సృష్టించడం, ఆ హీట్ని వ్యూస్ మరియు ట్రాఫిక్గా మార్చుకోవడం. ఇది జర్నలిజం కాదు, క్లిక్బైట్ కోసం చేసే చీప్ ట్రిక్ మాత్రమే.
ఎన్టీఆర్, రామ్ చరణ్ ఇద్దరి మధ్య అసలు ఉన్నది పోటీ కాదు, గౌరవం. హాలీవుడ్ ప్రీమియర్స్ నుండి ఆస్కార్ వేదిక వరకు కలిసి అడుగులు వేశారు. ప్రమోషన్లలో, అవార్డు వేడుకల్లో ఒకరి విజయాన్ని మరొకరు హృదయపూర్వకంగా పంచుకున్నారు. ఇది నిజమైన స్టార్డమ్ – పోలికలు కాదు.
ఇద్దరికీ ఇప్పుడు భారీ సినిమాలు రెడీగా ఉన్నాయి. ఎన్టీఆర్ వార్ 2 ప్రస్తుతం రిలీజ్ అవుతుండగా, తదుపరి డ్రాగన్ మూవీ ఉంది. రామ్ చరణ్ పెద్ది వంటి భారీ ప్రాజెక్టులో నటిస్తున్నారు. ఈ సినిమాల విజయం మళ్ళీ వాళ్ళ స్కోర్ ను సూచిస్తుంది అంటూ.. ఇది RRR స్కోర్ బోర్డ్ అంటూ.. సదరు సోషల్ మీడియా పోస్టు ను చూసి… అందరూ ముక్కున వేలేసుకుంటున్నారు.. ఇవి అభిమానులను రెచ్చగొట్టడమే కదా.. మంచి దారిలో నడిపించాల్సిన మీడియా, బాధ్యత మరిచి.. క్లిక్స్ కోసం తెగించటం.. ఎలాంటి సామాజిక బాధ్యతను తెలియజేస్తుంది.. సినిమా హీరోలు అంటే.. అందరికీ జయాలు, అపజయాలు అతి సాధారణం.. దీనిని ఇద్దరు హీరోల మధ్య పోలిక గా తీసి లబ్ది పొందాలనుకోవడం ఏ ‘ఇంటెన్షన్’ ను తెలియజేస్తుంది?
తాత్కాలిక హీట్ కోసం చేసే ఈ “1-0 స్కోర్” పోలికలు పరిశ్రమకు హాని కలిగిస్తాయి, ఫ్యాన్స్ మధ్య చిచ్చు రేపుతాయి. అయితే ఇలా పోలిక తీసుకుంటే రామ్ చరణ్, ఎన్టీఆర్ లకు కెరీర్ ఇండస్ట్రీ హిట్ ల విషయంలో 3-0 స్కోర్ అని.. రామ్ చరణ్ ఫ్యాన్స్ తిరిగి.. చురకలు వేస్తూ పోస్ట్ లు పెడుతున్నారు..