మెగా ఫ్యాన్స్కు రేపు పండగ. మెగా పవర్ స్టార్ రామ్ చరణ్ పుట్టిన రోజు రేపు. భారీ ఎత్తున కార్యక్రమాల నిర్వహణకు ఫ్యాన్స్ ఏర్పాట్లు చేసినా కూడా కరోనా కారణంగా వాటన్నింటిని కూడా క్యాన్సిల్ చేయాల్సిందిగా చరణ్ ఆదేశించాడు. దాంతో పెద్ద ఎత్తున కార్యక్రమాలు ఏమీ లేకుండా సోషల్ మీడియాలో హ్యాష్ ట్యాగ్ తో జాతీయ స్థాయిలో మాత్రం ట్రెండ్ చేయాలని భావిస్తున్నారు. అందుకు సంబంధించిన కార్యక్రమాలు జరుగుతున్నట్లుగా సమాచారం అందుతోంది.
ఇక చరణ్ ప్రస్తుతం ఆర్ఆర్ఆర్ చిత్రంలో నటిస్తున్నాడు కనుక ఆ సినిమాకు సంబంధించిన ఫస్ట్లుక్ పోస్టర్ వస్తుందని బర్త్డే సందర్బంగా చరణ్ ఫ్యాన్స్కు గిఫ్ట్గా జక్కన్న అల్లూరి సీతారామరాజు పోస్టర్ను విడుదల చేస్తాడని మెగా ఫ్యాన్స్ చాలా నమ్మకంగా ఉన్నారు. కాని నిన్న ఉగాది కానుకగా ఆర్ఆర్ఆర్ మోషన్ పోస్టర్ను విడుదల చేయడం జరిగింది. కనుక సినిమా ఫస్ట్ లుక్ను విడుదల చేయడం అనుమానమే అంటున్నారు.
మల్టీస్టారర్ మూవీ అదీను ఎన్టీఆర్ ఇంకా రామ్ చరణ్ వంటి స్టార్ హీరోలు నటిస్తున్న కారణంగా ఇద్దరిని ఒకేసారి ప్రేక్షకుల ముందుకు తీసుకు రావాలనే ఉద్దేశ్యంలో జక్కన్న ఉన్నట్లుగా సమాచారం అందుతోంది. ఆ కారణంగానే రేపు చరణ్ బర్త్డే సందర్బంగా ఖచ్చితంగా ఫస్ట్లుక్ ఉండక పోవచ్చు అంటున్నారు.
చరణ్ కు టీం తరపున బర్త్ డే శుభాకాంక్షలు మాత్రమే ఉంటాయి తప్ప ప్రత్యేకమైన వీడియో కాని ఫస్ట్లుక్ కోసం స్టిల్ను కాని విడుదల చేయడం ఉండదని విశ్లేషకులు అభిప్రాయం వ్యక్తం చేస్తున్నారు. మెగా ఫ్యాన్స్ అయితే ఏదైనా సర్ప్రైజ్ ఉండవచ్చు అనే నమ్మకంతో ఉన్నారు. మరి జక్కన్న వారిని ఏమైనా సర్ప్రైజ్ చేస్తాడా లేదా అనేది రేపటి వరకు తేలిపోనుంది.
490888 919652Yay google is my king aided me to locate this excellent internet site ! . 129836