టాలీవుడ్ కు చెందిన ప్రముఖులు తెలుగు దేశం పార్టీకి సహకరిస్తున్నారు.. వారికి కనీసం ఏపీ రాష్ట్రం ఉంది అని కాని.. సీఎంగా జగన్ మోహన్ రెడ్డి ఉన్నాడు అని కాని కనిపించడం లేదు. అందుకే టికెట్ల రేట్లు తగ్గించినట్లుగా కొందరు వైకాపా నాయకులు అంటున్నారు. తెలుగు సినిమా పరిశ్రమ మొత్తం కూడా తెలుగు దేశం పార్టీకి సహకరించిన వారే అంటూ ఒక ఎమ్మెల్యే చేసిన వ్యాఖ్యలతో వివాదం రాజకీయ రంగు పులుముకుంది. దాంతో ఈ విషయం ముందు ముందు ఎక్కడకు వెళ్తుందో అనుకుంటూ ఉండగానే చంద్రబాబు నాయుడు స్పందించాడు.
తెలుగు దేశం పార్టీ అధినేత చంద్రబాబు నాయుడు మాట్లాడుతూ తెలుగు సినిమా పరిశ్రమ వారు నాకు ఎప్పుడు కూడా సహకరించలేదు. పైగా నేను ముఖ్యమంత్రిగా ఉన్నప్పుడు మరియు దిగి పోయిన తర్వాత కూడా నాకు వ్యతిరేకంగా టాలీవుడ్ లో సినిమా లు తీశారు. నాకు టాలీవుడ్ వారు సహకరించారు అంటూ నన్ను ఈ వివాదంలోకి లాగేందుకు ప్రయత్నించవద్దు అంటూ చంద్రబాబు నాయుడు వైకాపా నాయకులను హెచ్చరించాడు. తెలుగు సినిమా పరిశ్రమకు సంబంధించిన విషయంలో తాను ఏమీ వ్యాఖ్యలు చేయాలనుకోవడం లేదు అన్నట్లుగా చంద్రబాబు నాయుడు చెప్పుకొచ్చాడు. టికెట్ల రేట్ల విషయంలో బాబు స్పందించేందుకు నిరాకరించారు.