మార్చి 3, 2026 సాయంత్రం జరగబోయే చంద్ర గ్రహణం అనేక రాశులపై ప్రభావం చూపే అవకాశం ఉందని జ్యోతిష్య నిపుణులు చెబుతున్నారు. చంద్ర గ్రహణం సాధారణంగా మన భావోద్వేగాలు, ఆర్థిక పరిస్థితులు, కుటుంబ సంబంధాలపై ప్రభావం చూపుతుందని భావిస్తారు. ఈ నేపథ్యంలో ఏ రాశి వారు ఏ విషయాల్లో జాగ్రత్త వహించాలి? ఏ రంగు బట్టలు ధరించడం మంచిదో ఇప్పుడు చూద్దాం.
మేషం, సింహం
ఈ రాశుల వారు ఆర్థిక నిర్ణయాల్లో జాగ్రత్తగా ఉండాలి. పెద్ద పెట్టుబడులు లేదా ముఖ్య ఒప్పందాలు ఈ సమయంలో వాయిదా వేయడం మంచిది. భావోద్వేగాలతో కాకుండా ఆలోచించి నిర్ణయం తీసుకోవాలి. నీలం, క్రీమ్ రంగు బట్టలు ధరించడం మానసిక శాంతిని ఇస్తుందని నిపుణులు సూచిస్తున్నారు.
వృషభం, కర్కాటకం, మిథునం
కుటుంబ విషయాల్లో చిన్నచిన్న విభేదాలు వచ్చే అవకాశం ఉంది. మాట్లాడుకొని సమస్యలను పరిష్కరించుకోవడం మంచిది. ఆర్థికంగా జాగ్రత్త అవసరం. తెలుపు, పసుపు రంగులు శాంతి, పాజిటివ్ ఎనర్జీని అందిస్తాయని చెబుతున్నారు.
ధనుస్సు, మకరం, కుంభం
పెట్టుబడులు, ఖర్చుల విషయంలో అప్రమత్తంగా ఉండాలి. అనవసర ఖర్చులను తగ్గించుకోవాలి. ఉద్యోగ విషయాల్లో ఒత్తిడి ఉండొచ్చు. బ్లూ, ఆరెంజ్ రంగు బట్టలు ధరించడం స్థిరత్వాన్ని పెంచుతుందని నమ్మకం.
మీనం
భావోద్వేగాలపై నియంత్రణ అవసరం. తొందరపడి నిర్ణయాలు తీసుకోకూడదు. ధ్యానం, యోగా వంటి సాధనలు మానసిక ప్రశాంతత ఇస్తాయి. లైట్ పింక్, వైలెట్ రంగులు మంచివిగా భావిస్తున్నారు.
కన్య, తుల, వృశ్చిక
ఉద్యోగ, విద్య విషయాల్లో మంచి ఫలితాలు రావచ్చు. అయితే అతిగా ఆత్మవిశ్వాసం వద్దు. సానుకూల ఆలోచనలతో ముందుకు సాగాలి. ఆకుపచ్చ, లైట్ గ్రీన్ రంగులు అనుకూలంగా ఉంటాయని చెబుతున్నారు.
గ్రహణ సమయంలో జాగ్రత్తలు
గ్రహణ సమయంలో ముఖ్య నిర్ణయాలు తీసుకోకపోవడం మంచిదని పండితులు సూచిస్తున్నారు. దూర ప్రయాణాలు, పెద్ద ఆర్థిక లావాదేవీలు వాయిదా వేసుకోవడం మంచిది. కుటుంబ సభ్యులతో సమయం గడపడం, ప్రశాంతంగా ఉండటం ఉత్తమం.
చంద్ర గ్రహణం అన్ని 12 రాశులపై ప్రభావం చూపుతుందని జ్యోతిష్య శాస్త్రం చెబుతున్నప్పటికీ, ప్రభావం తీవ్రత వ్యక్తిగత జాతక స్థితిపై ఆధారపడి మారుతుంది. కాబట్టి జాగ్రత్తలు పాటిస్తూ, సానుకూల ఆలోచనలతో ముందుకు సాగడం మంచిది.