నటీనటులు: గోపీచంద్, మెహ్రీన్, జరీన్ ఖాన్ తదితరులు.
ఎడిటర్: మార్తాండ్ కె వెంకటేష్
సినిమాటోగ్రఫీ: వెట్రి పళనిస్వామి
మ్యూజిక్: విశాల్ శేఖర్
దర్శకత్వం: తిరు
నిర్మాణం: ఏకె ఎంటర్టైన్మెంట్స్
నిర్మాత: రామబ్రహ్మం సుంకర
విడుదల తేదీ: 05 అక్టోబర్ 2019
మాచో హీరో గోపీచంద్ హీరోగా ఇండియన్ రా ఏజంట్ అర్జున్ పాత్రలో నటించిన సినిమా ‘చాణక్య’. కంప్లీట్ స్పై థ్రిల్లర్ గా భారీ యాక్షన్ ఎపిసోడ్స్ తో రూపొందిన ఈ సినిమా గోపీచంద్ ఇమేజ్ కి తగ్గట్టుగా ఉంటుందని, ప్రతి యాక్షన్ ఫిల్మ్ లవర్స్ కి ఈ సినిమా నచ్చుతుందని చెప్పారు. తిరు దర్శకత్వం వహించిన ఈ సినిమాలో అపర మేధావి అయిన ఆ చాణక్యుడిలా ఈ చాణక్య ఎన్ని ఎత్తులకు పై ఎత్తులు వేసి పాకిస్థాన్ ఆట కట్టించాడన్నది చూద్దాం..
కథ:
ఇండియన్ సీక్రెట్ ఏజంట్స్ లో ది బెస్ట్ అనిపించుకున్న అర్జున్ శ్రీకర్(గోపీచంద్) సిరియాలో చేసిన ఒక సీక్రెట్ ఆపరేషన్ ద్వారా కథకి పరిచయం అవుతాడు. ఆ తర్వాత వరల్డ్ మోస్ట్ వాంటెడ్ టెర్రరిస్ట్ లైన ఇబ్రహీం ఖురేషి(రాజేష్ ఖత్తర్) మరియు అతని కొడుకు సోహైల్ ఇబ్రహీం ఖురేషి(ఉపేన్ పటేల్) లను పట్టుకోవడం అర్జున్ అండ్ టీంని అపాయింట్ చేస్తారు. కానీ ఎవరికీ తెలియకుండా అర్జున్ ఓకే ఏజంట్, కానీ అందరికీ తెలిసేలా అంటే.. రామకృష్ణగా ఢిల్లీలో ఒక బ్యాంకు ఉద్యోగిగా కంటిన్యూ అవుతుంటాడు. అక్కడ మెహ్రీన్ తో ప్రేమలో పడతాడు. అప్పుడే తనకి టెర్రరిస్ట్ సోహైల్ ఇబ్రహీం నుంచి అర్జున్ కి ఛాలెంజ్ ఇస్తాడు. దాంతో అర్జున్ టెర్రరిస్ట్ లను పట్టుకోవడం కోసం కరాచీ వెళ్తాడు. ఇండియన్ ఏజంట్ అయిన అర్జున్ కరాచీలో ఎలా టెర్రరిస్ట్ లని పట్టుకున్నాడు? ఆ పట్టుకునే క్రమంలో ఎలాంటి సమస్యలను ఎదుర్కున్నాడు.? అక్కడ తనకి ఎవరెవరు హెల్ప్ చేశారు? ఫైనల్ గా అర్జున్ మిషన్ ఏమైంది? అనేదే కథ.
ఆన్ స్క్రీన్ స్టార్స్ పెర్ఫార్మన్స్:
చాణక్య సినిమాలో ఈ ఆర్టిస్ట్ భలే చేసాడు అనేలా చెప్పుకునేలా ఒక్క ఆర్టిస్ట్ నటన కూడా లేదు. కానీ ఎవరు ఎలా చేశారు అనే విషయానికి వస్తే.. గోపీచంద్ యాజిటీజ్ గా ప్రతి సినిమాలో ఎలా చేస్తాడో అలానే చేసాడు. ఇక మెహ్రీన్ కౌర్ వల్ల సినిమాకి ఎలాటి ఉపయోగం లేకపోగా.. గోపీచంద్ – మెహ్రీన్ డాగ్ ట్రాక్ చాలా ఇర్రిటేట్ చేస్తుంది. అలాగే వీరి మధ్య వచ్చే 3 పాటలు సినిమాకి గానీ, గ్లామర్ పరంగానూ ఎలాంటి ఉపయోగం లేదు. జరీన్ ఖాన్ మొదటి తెలుగు సినిమా, తనకి కీ రోల్ ఇచ్చారు తను మాత్రం ఉన్నంతలో బాగా చేసింది. ఇక విలన్స్ గా చేసిన రాజేష్ ఖత్తర్, ఉపేన్ పటేల్ లకి స్ట్రాంగ్ క్యారెక్టర్ లేకపోవడం వల్ల వీళ్ళ పెర్ఫార్మన్స్ కనపడదు. ఇక నాజర్, జయప్రకాష్, ఆదర్శ్ బాలకృష్ణ లాంటి వాళ్ళు జస్ట్ ఓకే.
ఆఫ్ స్క్రీన్ స్టార్స్ టాలెంట్:
ఆఫ్ స్క్రీన్ పరంగా చెప్పుకోవాల్సిన వాళ్ళు ఒకే ఒక్కరు ఉన్నారు. అతనే శ్రీ చరణ్ పాకాల. శ్రీ చరణ్ అందించిన బ్యాక్ గ్రౌండ్ మ్యూజిక్ మాత్రం చాలా బాగుంది. సీన్స్ లో కంటెంట్ లేని టైం లో కూడా తన మ్యూజిక్ తో ఎలివేట్ చేయడానికి ట్రై చేసాడు. ఇకపోతే వెట్రి పళనిస్వామి సినిమాటోగ్రఫీ 70% బాగుంది కానీ ఒక 30% చాలా బ్యాడ్ గా అనిపిస్తాయి. ఇకపోతే విశాల్ శేఖర్ అందించిన పాటలు అస్సలు బాలేదు. ఇకపోతే మార్తాండ్ కె వెంకటేష్ ఎడిటింగ్ బాలేదు. ఫస్ట్ హాఫ్ అంత సాగదీత ఉన్నా అస్సలు కట్ చేయకుండా ఆయన ఎలా ఉంచాడనేది అర్థం కావట్లేదు. ఇకపోతే ఒక స్పై థ్రిల్లర్ లో ఉండాల్సిన రేంజ్ యాక్షన్ ఎపిసోడ్స్ కూడా లేవు. అబ్బూరి రవి డైలాగ్స్ బాగున్నాయి.
ఇక చాణక్య కెప్టెన్ అయిన తిరు విషయానికి వస్తే.. ఆయన కథని హిందీ సినిమా ‘డీ-డే’, ‘బేబీ’, ‘టైగర్ జిందా హై’ లాంటి మొదలైన సినిమాల సీన్స్ ని, కథలని మిక్సీలో వేసి తీసి ఈ సినిమా కథని రాసాడు. ఇక స్క్రీన్ ప్లే విషయంలో కూడా సేమ్ టు సేమ్ సినిమాలని ఫాలో అయ్యాడు. సరే కథ – స్క్రీన్ ప్లే చాలా మందిలా ఇన్స్పైర్ అయ్యాడు అనుకొని వదిలేసినా, డైరెక్టర్ గా అయినా ఆడియన్స్ ని ఎంగేజ్ చేసి కూర్చోబెట్టాలి కదా.. కానీ ఆ విషయంలో కూడా ఫెయిల్ అవ్వడం వల్ల సినిమా ప్రేక్షకులని మెప్పించలేకపోయింది. కనీసం గొప్ప మేధావి అయినా చాణక్య పేరు పెట్టారు, దాన్ని తలపించేలా ట్విస్ట్స్, టర్న్స్ ఉండాలి కానీ అవి కూడా లేకపోవడం ఈ స్పై థ్రిల్లర్ విషయంలో డైరెక్టర్ చేసిన బిగ్గెస్ట్ మిస్టేక్. ఇక ఏకే ఎంటర్టైన్మెంట్స్ వారు బాగానే ఖర్చు పెట్టారు, లొకేషన్స్ పరంగా గ్రాండ్ ఉంది కానీ సినిమాకి అంత వర్త్ లేనప్పుడు వాళ్ళు ఇంత పెట్టడం బూడిదలో పోసిన పన్నీరైంది.
సీటీమార్ పాయింట్స్:
-
గోపీచంద్ ఇంట్రడక్షన్ యాక్షన్ బ్లాక్
-
ఇంటర్వల్ ఛాలెంజ్ ఎపిసోడ్
-
సెకండాఫ్ లో వచ్చే ఒక ట్విస్ట్
బోరింగ్ పాయింట్స్:
-
చాలా సార్లు చూసేసిన కథ
-
బోరింగ్ స్క్రీన్ ప్లే
-
గోపీచంద్ – మెహ్రీన్ ట్రాక్
-
చిరాకు తెప్పించే ఫస్ట్ హాఫ్
-
కిక్ లేని యాక్షన్ ఎపిసోడ్స్
-
కథని డ్రైవ్ చేసే ఎమోషన్ లేదు.
-
థ్రిల్ చేయలేని థ్రిల్స్
-
ఇంకా చాలానే ఉన్నాయి, ఇక ఆపేద్దాం..
విశ్లేషణ:
ఈ చిత్ర టీం ‘చాణక్య’ సినిమా పవర్ ప్యాక్ యాక్షన్ స్పై థ్రిల్లర్ అని చెప్పారు కానీ సినిమా చూసాక ఇందులో పవర్ లేదు, ఆకట్టుకునే యాక్షను లేదు, ఇక థ్రిల్స్ అయితే అసలే లేవు. వీటన్నిటితో పాటు కొస మెరుపుగా గోపీచంద్ కెరీర్లో త్వరగా మర్చిపోవాల్సిన సినిమా ‘చాణక్య’ అని ప్రేక్షకులు అంటున్నారు. ప్రతి ఏడాది కమర్షియల్ సినిమా అనే మూసలో చేసి డిజాస్టర్స్ గా మిగిలే ఎన్నో సినిమాల లిస్టులో ఈ రోజు రిలీజైన చాణక్య’ కూడా చేరుతుంది. ఓవరాల్ గా సినిమా పరంగా చెప్పుకోదగిన సీన్స్ ఒక నాలుగైదు ఉంటాయి.. కేవలం నాలుగైదు సీన్స్ కోసం సినిమాకి వెళ్ళాలా? వద్దా? అన్నది మీకే వదిలేస్తున్నా..
ఫైనల్ పంచ్: చాణక్య – స్కిప్ చేసి దసరాని ఎంజాయ్ చేయండి.
694450 308211I got what you mean , saved to bookmarks , very decent site. 620451
560432 951382Howdy just wanted to give you a brief heads up and let you know several of the pictures arent loading properly. Im not confident why but I feel its a linking concern. Ive tried it in two different web browsers and both show exactly the same outcome. 514324
98931 286977Amazing beat ! I would like to apprentice whilst you amend your internet site, how can i subscribe for a weblog website? The account helped me a applicable deal. I had been tiny bit acquainted of this your broadcast provided shiny transparent notion. 543199