RX 100 సినిమాతో తెలుగు ప్రేక్షకులను మెప్పించి సూపర్ టాలెంటెడ్ యాక్టర్ కార్తికేయ హీరోగా, లావణ్య త్రిపాఠి హీరోయిన్ గా రూపొందిన కంప్లీట్ మాస్ ఎంటర్టైనర్ ‘చావు కబురు చల్లగా‘ జిఏ2 బ్యానర్ పై నూతన దర్శకుడు కౌశిక్ ని దర్శకుడిగా పరిచయం చేస్తూ చేసిన ఈ సినిమా సూపర్ హైప్ తో ఈ రోజు ప్రేక్షకుల ముందుకు వచ్చింది. హిట్ కోసం ఎదురుచూస్తున్న కార్తికేయ కి ఈ బస్తీ బలరాజు హిట్ ఇచ్చాడో లేదో ఇప్పుడు చూద్దాం..
కథ:
చనిపోయిన తర్వాత మృతదేహాల్ని తీసుకెళ్లే స్వర్గపురి వాహనం డ్రైవర్ మన హీరో బస్తీ బాలరాజు(కార్తికేయ). నచ్చిన దాని కోసం బ్లైండ్ గా వెళ్లిపోయే బాలరాజు ఓ రోజు చనిపోయిన ఇంటికి మృతదేహం కోసం వెళ్తాడు. అక్కడ చనిపోయిన పీటర్ వాళ్ళ వైఫ్ మల్లిక(లావణ్య త్రిపాఠి). అలా చావు ఇంట్లో మల్లికని చూడగానే బాలరాజు ప్రేమలో పడతాడు. ఇక అక్కడ నుంచీ ఇంటి దగ్గర, వెళ్లే దారిలో, తను నర్స్ గా పనిచేసే హాస్పిటల్లో ఇలా ప్రతి చోటా ప్రేమిస్తున్నానని మల్లిక వెంట వెంటపడతాడు బాలరాజు. అలా వెంట పడుతున్న బాలరాజు మీద పోలిస్ కంప్లైంట్ ఇస్తుంది. అప్పుడే కథలో బాలరాజు మదర్ ఆమని రూపంలో ఓ ట్విస్ట్. ఆ ట్విస్ట్ తో బాలరాజులో మొదలైన మార్పు ఏంటి? ఆ మార్పు వల్ల మొదట్లో ఛీ కొట్టిన మల్లిక బాలరాజుని ప్రేమించిందా? ప్రేమిస్తే అప్పటికే విధవ అయిన మల్లికని పెళ్లి చేసుకోవడానికి బాలరాజు ఎదుర్కున్న సమస్యలేమిటి? ఆ సమస్యల్ని ఎలా పరిష్కరించి తన ప్రేమని దక్కించుకున్నాడు? ఇంతకీ బాలరాజుని మార్చిన ఆమని ట్విస్ట్ ఏంటి? అనేదే కథ.
తెరమీద స్టార్స్..
బస్తీ బాలరాజు గా కార్తికేయ చేసిన నాచురల్ పెర్ఫార్మన్స్ కి వావ్ అనకుండా ఉండలేము. సినిమా మొదలైన 10 నిమిషాలకే చూసే ప్రేక్షకుడు బస్తీ బాలరాజు పాత్రతో కనెక్ట్ అయిపోయారు అంటే దానికి కారణం కార్తికేయ ఆ పాత్రలో జీవించడమే. మొదటి సార్ మాస్ పాత్రలో యాస, డైలాగ్ డెలివరీతో పాటు ప్రతి ఎక్స్ ప్రెషన్ తో సూపర్బ్ అనిపించుకున్నాడు. కార్తికేయ గత సినిమాలతో పోల్చుకుంటే ఈ సినిమా కంప్లీట్ గా వేరే లెవల్ అని చెప్పాలి. లావణ్య త్రిపాఠి డీ గ్లామర్ లుక్ లో కనిపించింది. కానీ తన పెర్ఫార్మన్స్ తో, క్యూట్ ఎక్స్ ప్రెషన్స్ తో ఆకట్టుకుంది. సెకండాఫ్ లో వచ్చే ఎమోషనల్ సీన్స్ లో కార్తికేయ – లావణ్య ల పెర్ఫార్మన్స్ చాలా బాగుంది.
ఇక చెప్పుకోదగిన పాత్ర ఆమనిది. కార్తికేయ మదర్ పాత్రలో సెకండాఫ్ లో ఎమోషనల్ సీన్స్ లో చాలా బాగా చేసింది. మురళి శర్మ, శ్రీకాంత్ అయ్యంగార్ లు వారి పాత్రల్లో మెప్పించారు. స్పెషల్ సాంగ్ లో మాస్ స్టెప్స్, గ్లామర్ టచ్ తో అనసూయ ఆడియన్స్ ని ఆకట్టుకుంటుంది.
తెర వెనుక టాలెంట్..
మొదట మనకు కనపడే విజువల్స్ గురించి మాట్లాడుకుంటే కర్మ్ చావ్లా మరియు సునీల్ రెడ్డి అందించిన విజువల్స్ చాలా బాగున్నాయి. ముఖ్యంగా బస్తీ ఫీల్ అండ్ మాస్ విజువల్ మేకింగ్ ఈ సినిమాకి ముఖ్యం. ఆ విషయంలో ఇద్దరూ సూపర్బ్ విజువల్స్ అందించారు. ఇకపోతే జేక్స్ బిజోయ్ మ్యూజిక్ కూడా చాలా బాగుంది. పాటలు ఎంత హిట్ అయ్యాయో, బ్యాక్ గ్రౌండ్ మ్యూజిక్ కూడా అంత బాగుంది. అటు కామెడీ సీన్స్, ఇటు ఎమోషనల్ సీన్స్ రెండింటిలోనూ మ్యూజిక్ బాగుంది. సత్య జి ఎడిటింగ్ ఫస్ట్ హాఫ్ లో స్పీడ్ గా అనిపించినా సెకండాఫ్ కన్విన్సింగ్ గా లేకపోవడం వలన లాగ్ అనిపిస్తుంది. జీఎం శేఖర్ ఆర్ట్ వర్క్ చాలా నాచురల్ గా ఉంది.
ఈ సినిమా కెప్టెన్ అయిన కౌశిక్ పెగళ్ళపాటి గురించి చెప్పాలి.. మొదటి సినిమాకే కన్విన్స్ చేయడానికి కాస్త కష్టతరమైన పాయింట్ ని ఈ కథ కోసం ఎంచుకున్నాడు. మెయిన్ స్టోరీ పాయింట్ చాలా బాగుంది, పూర్తి కథగా రాసుకునే క్రమంలో తను ఎంచుకున్న పాత్రలు, ఆ పాత్రల్లో వారి పెర్ఫార్మన్స్, సరదాగా సాగే సీన్స్ ని ఇలా అన్నీ మెప్పిస్తాయి కానీ కీలకమైన ఎమోషనల్ సీన్స్ మాత్రం పర్ఫెక్ట్ గా కన్వే చేయలేదు అనే ఫీలింగ్ వస్తుంది. ఇలాంటి స్ట్రాంగ్ పాయింట్స్ ని ఇంకా బెటర్ గా కన్వే చేస్తేనే ఆడియన్స్ మనసుకు హత్తుకొని మరింత సినిమాకి కనెక్ట్ కాగలరు. సెకండాఫ్ కథనం విషయంలో కూడా కాస్త జాగ్రత్తలు తీసుకోవాల్సింది. ఫస్ట్ హాఫ్ అంతా కథలోకి వెళ్లకుండా సరదాగా నడిపించచేశారు. కానీ సెకండాఫ్ లో హెవీ కంటెంట్ చెప్పాల్సి రావడంతో కాస్త తడబడ్డట్టు క్లియర్ గా కనిపిస్తుంది. చెప్పాలంటే హీరో ఫాదర్ క్యారెక్టర్ ని చంపేసి ఉంటే, అప్పుడు కార్తికేయ ఆమనికి పెళ్లి చేయాలనే పాయింట్ ఇంకా బెటర్ గా ఉండే అవకాశం ఉంది. కానీ చంపకుండా ఇద్దరూ కలిసి రెండో పెళ్లి చేయాలనుకోవడం ఆడియన్స్ జీర్ణించుకోలేరు. ఇకపోతే డైరెక్టర్ గా కౌశిక్ లో విషయం ఉందని చెప్పే సినిమా కానీ అనుకున్న పాయింట్ ని ఇంకా బెటర్ గా కన్విన్స్ చేయడంలో జాగ్రత్త తీసుకోవాల్సింది. బస్తీ బాలరాజు పాత్రకి రాసిన డైలాగ్స్ కూడా చాలా బాగున్నాయి.
విజిల్ మోమెంట్స్:
– కార్తికేయ పెంటాస్టిక్ పెర్ఫార్మన్స్
– లావణ్య త్రిపాఠి నటన
– సరదాగా సాగే ఫస్ట్ హాఫ్
– డైలాగ్స్
బోరింగ్ మోమెంట్స్:
– సెకండాఫ్ ఫ్లో డ్రాప్ అవ్వడం
– ఎమోషనల్ ఎపిసోడ్స్ కన్విన్సింగ్ గా లేకపోవడం
– సెకండాఫ్ లో కామెడీ కాస్త తగ్గడం
– స్లో నేరేషన్
విశ్లేషణ: ఈ వారం సూపర్ హైప్ తో వచ్చిన ఈ ‘చావు కబురు చల్లగా’ సినిమా ఫస్ట్ హాప్ సరదాగా సాగిపోవడంతో కొంతవరకూ ఆడియన్స్ లో ఆ హైప్ మ్యాచ్ అవుతుంది, కానీ సెకండాఫ్ లో మాత్రం ఆ ఫ్లోని మ్యాచ్ చేయలేకపోయింది. దానికి కారణం సెకండాఫ్ లో కథకి కీలకమైన ఎమోషనల్ పాయింట్ ని అంత కన్విన్సింగ్ గా చెప్పలేకపోవడం. బస్తీ బాలరాజుగా కార్తికేయ మైండ్ బ్లోయింగ్ పెర్ఫార్మన్స్, డీ గ్లామ్ లుక్ లో కూడా క్యూట్ గా అనిపించే లావణ్య, పలు ఎంటర్టైనింగ్ వన్ లైనర్స్ తో పాటు క్లైమాక్స్ లో మురళీ శర్మ – కార్తికేయ డైలాగ్స్ బాగున్నా, సెకండాఫ్ పూర్తిగా డీలా పడిపోవడంతో ఈ చావు కబురు అంత చల్లగా అయితే ఉండదు.
చూడాలా? వద్దా?: కార్తికేయ ఫ్యాన్స్ ట్రై చేయచ్చు.
తెలుగుబులెటిన్ రేటింగ్: 2.5/5
670722 200655An attention-grabbing dialogue is value comment. I believe that you require to write far more on this matter, it wont be a taboo subject however normally individuals are not sufficient to speak on such topics. To the next. Cheers 538038
889589 611496Thanks for all your efforts which you have put in this. quite intriguing info . 406252