బుట్ట బొమ్మ పూజా హెగ్దే ఈమధ్య సౌత్ సినిమాల్లో దూకుడు తగ్గించింది. రాధే శ్యామ్, బీస్ట్ ఇలా వరుస సినిమాలు షాక్ ఇవ్వడంతో మళ్లీ బాలీవుడ్ బాట పట్టిన అమ్మడికి అక్కడ కూడా లక్ కలిసి రాలేదు. బీ టౌన్ లో చేసిన సినిమాలన్నీ వర్క్ అవుట్ కాకపోవడంతో మళ్లీ సౌత్ సినిమాల మీదే ఫోకస్ చేయాల్సి వచ్చింది.
తెలుగులో ఇంకా ఛాన్స్ అందుకోలేదు కానీ తమిళ్ లో సూర్యతో రెట్రో సినిమా పూర్తి చేసింది పూజా హెగ్దే. కార్తీక్ సుబ్బరాజ్ డైరెక్షన్ లో తెరకెక్కిన ఈ సినిమాలో పూజా హెగ్దే డీ గ్లామరస్ లుక్ తో కనిపిస్తుంది. పూజా హెగ్దే సినిమాలో ఉంటే గ్లామర్ షో పక్కా అనుకునే ఆమె ఫ్యాన్స్ కి ఇది కాస్త నిరాశపరచే విషయమే కానీ పూజా బేబీ మాత్రం రెట్రో చేసినందుకు సూపర్ హ్యాపీ అనేస్తుంది.
అంతేకాదు ఇక మీదట తన ఒరిజినాలిటీ అదే పాత్ర ప్రాధాన్యత ఉన్న పాత్రలే చేయాలని నిర్ణయించుకున్నట్టు వెల్లడించింది. గ్లామర్ రోల్స్ చేయడం వల్ల సినిమా సక్సెస్ అవుతుంది కానీ కెరీర్ కి హెల్ప్ అవ్వదని.. అందుకే ఇక మీదట తను కూడా యాక్టింగ్ స్కోప్ ఉన్న పాత్రలనే చేయాలని అనుకుంటున్నా అని పూజా హెగ్దే చెప్పుకొచ్చింది. రెట్రో సక్సెస్ కొడితే పూజాకి కోలీవుడ్ నుంచి మరికొన్ని ఆఫర్లు వచ్చే ఛాన్స్ ఉంటుందని చెప్పొచ్చు.
రెట్రోతో పాటు దళపతి విజయ్ జన నాయగన్ సినిమాలో కూడా పూజా హెగ్దే నటిస్తుంది. అంతేకాదు అమ్మడు ఒక తెలుగు సినిమాకు సైన్ చేసిందట కానీ ఆ ప్రాజెక్ట్ ఇంకా అనౌన్స్ కాలేదని అంటుంది. ఆ మేకర్స్ అనౌన్స్ చేసే వరకు వెయిట్ చేయాల్సిందే అని అంటుంది అమ్మడు.