ఏదైనా విషయంపై ప్రజా అభిప్రాయం ఏమిటో తెలుసుకునేందుకు ఒక్కో పార్టీ ఒక్కో విధమైన వైఖరి అవలంభిస్తుంటుంది. సాధారణంగా ఇందుకు ఏ పార్టీ అయినా మీడియానే ఉపయోగించుకుంటుంది. తెలుగుదేశం పార్టీ అయితే, ఏదైనా కీలక అంశానికి సంబంధించి నిర్ణయం తీసుకునే ముందు తన అనుకూల మీడియాకు లీకు ఇచ్చి వార్త రాయిస్తంది. అది ప్రజల్లోకి వెళ్లి చర్చ జరిగిన తర్వాత దానిపై ముందుకెళ్లాలా వద్దా అనే నిర్ణయం తీసుకునేది.
తాజాగా ఏపీలో అధికార వైఎస్సార్ సీపీ ఈ విషయంలో తనదైన వ్యూహం అవలంభిస్తోంది. కీలక అంశాలపై ఏ విషయాన్నైనా మంత్రి బొత్స సత్యనారాయణ ద్వారానే లీకుల రూపంలో వెల్లడిస్తోంది. ఏపీ కేబినెట్ లోని సీనియర్ మంత్రుల్లో ఒకరైన బొత్స.. అతి తక్కువ కాలంలోనే వైసీపీలో కీలక నేతగా ఎదిగారు. వైఎస్ కేబినెట్ లో పనిచేసిన ఆయన.. ఇప్పుడు జగన్ కేబినెట్ లోనూ కీలక పాత్ర పోషిస్తున్నారు.
పార్టీకి సంబంధించిన కీలక విషయాలు తెలిసే అతి తక్కువ మందిలో బొత్స ఒకరు. ఈ నేపథ్యంలో కొన్ని కీలక విషయాలకు ఆయనే కేంద్ర బిందువుగా ఉంటున్నారు. రాజధాని విషయంలో తొలుత తేనె తుట్టెను కదిలించింది బొత్సనే. అమరావతి రాజధానిగా పనికిరాదంటూ సంచలన వ్యాఖ్యలు చేశారు. ఒకటికి రెండుసార్లు బొత్స ఈ అంశంపై మాట్లాడిన తర్వాత మూడు రాజధానుల అంశం తెరపైకి వచ్చింది.
తాజాగా బీజేపీతో పొత్తు విషయంలోనూ బొత్సే అత్యుత్సాహం ప్రదర్శించారు. రాష్ట్ర ప్రయోజనాల కోసం అవసరమైతే ఎన్డీఏలో చేరతామని స్పష్టంచేశారు. దీనిపై పార్టీ వైఖరి ఏమిటో ప్రకటించక ముందే బొత్స తన అభిప్రాయం వెల్లడించారు. దీనిపై ఒక్కసారిగా దుమారం రేగింది. బీజేపీ, వైసీపీ మధ్య పొత్తు కుదిరితే తాను అందులో ఉండనంటూ జనసేన అధినేత పవన్ కల్యాణ్ స్పష్టంచేశారు. ఇక పలువురు బీజేపీ నేతలు సైతం ఈ విషయాన్ని తోసిపుచ్చారు. తాము వైసీపీ, టీడీపీకి సమానదూరమని.. జనసేనతోనే కలిసి సాగుతామని ఏపీ బీజేపీ వ్యవహారాల ఇన్ చార్జి సునీల్ ధియోదర్ పేర్కొన్నారు.
ఇలా ఏ అంశమైనా బొత్సే ముందుగా మీడియాతో పిచ్చాపాటీ మాట్లాడుతూ వెల్లడించడం వైసీపీ వ్యూహమేనని చెబుతున్నారు. రాజధాని విషయంలోగానీ, బీజేపీతో పొత్తు విషయంలోగానీ బొత్స వ్యాఖ్యలను పార్టీ ఖండించే ప్రయత్నం చేయకపోవడం.. పైగా బొత్సపై ఎలాంటి చర్యలూ తీసుకోకపోవడం వంటి అంశాలు ఇదంతా అధికార పార్టీ వ్యూహంలో భాగమేనన్న సంగతి నిర్ధారిస్తోందని పేర్కొంటున్నారు.
323808 523475Your blog is among the greater blogs Ive came across in months. Thank you for your posts and all of the very best with your function and blog. Seeking forward to reading new entries! 895304
553654 272547If youre still on the fence: grab your favorite earphones, head down to a Very best Buy and ask to plug them into a Zune then an iPod and see which 1 sounds far better to you, and which interface makes you smile much more. Then you will know which is appropriate for you. 894202