నిండా మునిగినోడికి చలేంటన్న చందాన, భారతీయ జనతా పార్టీకి ఆంధ్రప్రదేశ్ రాజకీయాల్లో అసలు ‘నష్టం’ అనేదే సంభవించదు. ఎందుకంటే, అసలు ఏనాడైనా రాజకీయంగా ఆ పార్టీ లాభపడిందా ఆంధ్రప్రదేశ్లో.? లేదాయె.!
2014 ఎన్నికల్లో కాస్త లాభపడినట్లే కనిపించింది బీజేపీ. అంతకు ముందు కూడా ఓ సారి బీజేపీ లాభపడింది. కానీ, ‘వాపుని చూసి బలుపు’ అనుకుని ఆయా సందర్భాల్లో బీజేపీ పొరబడింది. వేరే పార్టీలతో పొత్తులున్నప్పుడే బీజేపీ కాస్తో కూస్తో ఆంధ్రప్రదేశ్లో తన ఉనికిని చాటుకోగలదు. ఇదే వాస్తవం.
జనసేనతో బీజేపీ కలిసి వుంది కాబట్టి, ఆంధ్రప్రదేశ్లో కమలం పార్టీ జెండా తరచూ కనిపిస్తుంటుంది. లేకపోతే, ఆ పార్టీకి అంత సీన్ ఎక్కడిది.? ఈ విషయంలో కమలం పార్టీ నేతలకీ తెలుసు. కానీ, పైకి మేకపోతు గాంభీర్యం ప్రదర్శించాలి కదా.?
టీడీపీ, జనసేన కలిసిపోతున్నాయనేది వైసీపీ చేస్తున్న దుష్ప్రచారం. ఆ ప్రచారాన్ని బీజేపీ కూడా నమ్మేస్తోంది. మిత్రపక్షం జనసేన విషయంలో బీజేపీ ఇంత తేలిగ్గా ఆలోచించడం ఇదే తొలిసారి కాదు. గతంలోనూ ఆ పార్టీది అదే తీరు.
‘మా ఉమ్మడి ముఖ్యమంత్రి అభ్యర్థి పవన కళ్యాణ్..’ అని చెప్పుకునే బీజేపీ, ‘ఏపీలో జనంతో పొత్తు పెట్టుకుని అధికారంలోకి వస్తాం.. అవసరమైతే జనసేనతో పొత్తు పెట్టుకుంటాం..’ అని చెప్పడమేంటి.? ఏపీ బీజేపీ అధ్యక్షుడు సోము వీర్రాజు, ఈ విషయంలో మిత్ర ధర్మాన్ని ఉల్లంఘించారు.
బీజేపీని వదిలించుకుంటే, జనసేన పార్టీకి కాస్తో కూస్తో లాభం తప్ప, నష్టమేమీ లేదు. జనసేనను కాదనుకుంటే మరింతగా నష్టపోయేది బీజేపీనే. ఏమో, బీజేపీ గాలి వైసీపీ వైపు వీస్తున్నట్టుంది.. ఆ వలపు గాలికి వైసీపీ కూడా సానుకూలంగా స్పందిస్తుందేమో.? త్వరలో రాష్ట్రపతి ఎన్నికలు జరుగుతాయ్.. ఇందుకోసం ఇప్పటి నుంచే వైసీపీకి బీజేపీ గాలం వేస్తున్నట్లు కనిపిస్తోంది.
725505 211970Hey there! Nice stuff, please keep me posted when you post something like this! 458159
415832 866256Gems form the internet […]very couple of websites that happen to be detailed below, from our point of view are undoubtedly nicely worth checking out[…] 296313
33669 547880This will be a great web site, might you be interested in doing an interview about how you created it? If so e-mail me! 219448