బిగ్ బాస్ సీజన్ 9 బుధవారం ప్రసారమైన 95వ ఎపిసోడ్ పూర్తిగా రచ్చ, టాస్క్ ట్విస్ట్లు, ఇంటి సభ్యుల మధ్య హీటెడ్ చర్చలతో అదిరిపోయింది. రోజు మొదటినుంచే టాస్క్ల పర్వం మొదలై… లీడర్బోర్డులో స్కోర్లు మారిపోతూ ప్రేక్షకులను సస్పెన్స్లో ఉంచాయి.
నిన్నటి ఎపిసోడ్లో సంజనను సభ్యులు తప్పించినందున, రాబోయే టాస్క్ల్లో ఆమె పాల్గొనలేరని బిగ్ బాస్ మరొకసారి స్పష్టం చేశాడు. దీనితో ఇంటి సభ్యుల ప్లానింగ్లో కొత్త మ్యాథమెటిక్స్ మొదలైంది.
ఈ రోజు మొదటి టాస్క్ “పట్టుకో పట్టుకో”:
జంబో పాంట్స్ వేసుకున్న సభ్యులు… సంచాలకులు అయిన సంజన, కల్యాణ్ విసిరిన బాల్స్ను పట్టుకోవాలి. ఎవరి పాంట్స్లో ఎక్కువ బాల్స్ పడితే వారికి ఎక్కువ స్కోర్లు.
సాధించిన స్కోర్లు:
తనూజ – 10
భరణి – 8
పవన్ – 7
ఇమ్మానియేల్ – 6
సుమన్ – 4
ఇంతలో బిగ్ బాస్ ఇచ్చిన మరో ట్విస్ట్ టాస్క్ “ఇది ఫెయిర్ కాదు బాస్!”:
సభ్యులు చర్చించుకుని, ఇద్దరిని ఆట నుంచి పూర్తిగా తప్పించాలి—ఇకపై వారు నామినేషన్ నుంచి సేవ్ అయ్యే అవకాశం కూడా ఉండదు. ఈ నిర్ణయం మీద ఇంట్లో భగ్గుమన్న వాదనలు జరిగాయి. చివరకు మెజారిటీ ఇమ్మానియేల్ మరియు పవన్ను తప్పించాలనే నిర్ణయానికి వచ్చింది. దీంతో వారు తదుపరి గేమ్స్కి దూరమయ్యారు.
అదే వెంటనే వచ్చిన మరో టాస్క్ “పట్టు వదలకు”:
ఇక్కడ పవన్, ఇమ్మానియేల్ సంచాలకులు. సాధించిన ప్లేస్ ఆధారంగా పాయింట్లు ఇలా…
స్కోర్లు:
భరణి – 100
తనూజ – 80
సంజన – 60
సుమన్ – 40
ఇప్పటికే లీడర్బోర్డు ప్రకారం టాప్ 2 అయిన భరణి, తనూజలకు ప్రేక్షకుల ముందు ఓటు అప్పీల్ చేసే అవకాశం లభించింది. బిగ్ బాస్ హౌస్లోకి వచ్చిన ఆడియెన్స్తో ఇంటి మధ్య వాతావరణం ఒక్కసారిగా ఫ్యాన్స్ హడావుడిలా మారిపోయింది.
భరణి తన రెండో అవకాశం ఎలా తనను మార్చిందో వివరంగా చెప్పగా, ప్రేక్షకుల ప్రశ్నలకు తనూజ చురుకైన సమాధానాలు ఇచ్చింది. హౌస్ కెప్టెన్ కావడం తన బెస్ట్ మూమెంట్ అని, హౌస్లో ఒకరికి ఒకరు సపోర్ట్ చేసుకోవడం ఎంత ముఖ్యమో చెప్పింది.
చివరగా జరిగిన ఆడియెన్స్ ఓటింగ్లో…
అందరి మనసులు దోచుకున్నది తనూజే!
ప్రేక్షకులు బిగ్గరగా ప్రకటించినట్టే — “తనూజే కప్ కొట్టాలి!” అని క్లారిటీగా చెప్పేశారు. ఇంటి లోపల, బయట ప్రేక్షకుల్లో కూడా ఆమెకు భారీ సపోర్ట్ కనిపించింది.
తనూజ పెర్ఫార్మెన్స్కి ప్రేక్షకుల నుంచి వచ్చిన ఈ భారీ రెస్పాన్స్ ఈ సీజన్లో టైటిల్ రేసు ఇంకా రగిలించేలా చేసింది. ఇక హౌస్లోని గేమ్ ఎలా మలుపు తిరుగుతుందో చూడాల్సిందే!