బిగ్ బాస్ సీజన్ 9 శనివారం నాటి 91వ ఎపిసోడ్ లో.. హోస్ట్ నాగార్జున స్టేజ్ ఎంట్రీతోనే మూడ్ హైపరైపోయింది. మొదటి ఫైనలిస్ట్ అయిన కల్యాణ్ను ప్రత్యేకంగా అభినందించిన నాగ్, వెంటనే ఇంట్లో జరిగిన తప్పులపై ఒకదాని తర్వాత ఒకటి వీడియో క్లిప్స్ చూపిస్తూ అందరికీ సున్నితంగా వార్నింగ్ ఇచ్చాడు.
ఇంకా రెండు వారాలే మిగిలుండటంతో, శుక్రవారం భాగంగా అందరూ కలిసి తమ బిగ్ బాస్ ప్రయాణంలోని భావోద్వేగాలను పంచుకున్నారు. తనూజ అందరినీ తాకేలా గేమ్ వల్ల ఎవరికైనా హర్ట్ అయ్యుంటే సారీ అని చెప్పడంతో సభ్యులు ఎమోషనల్ అయ్యారు. తరువాత మరికొందరూ తమ ఫీల్లను పంచుకున్నారు.
తర్వాత నాగార్జున ఎంట్రీతో అసలు క్లాస్ మొదలైంది. టికెట్ టు ఫినాలే గేమ్స్లో అందరూ బాగా ఆడారని చెప్పిన నాగ్.. ఒక్కొక్కరి ఆటను రివ్యూ చేస్తూ ఎవరి ప్లస్–మైనస్ ఏంటో స్పష్టంగా చెప్పేశారు.
ఇమ్మానియేల్ గేమ్ అర్థం చేసుకుని ఆడలేదని చెబుతూ సీసా పగలకొట్టిన నాగ్, అతనికి స్ట్రాంగ్ వార్నింగ్ ఇచ్చినట్టు అయ్యింది.
రీతూ లెక్కల్లో తడబడటంపై నాగ్ మళ్లీ లెక్కలు అడిగితే… ఆమె మళ్లీ తడబడటంతో ఇంట్లో నవ్వుల పూలు.
భరణి ట్రైయాంగిల్ లాజిక్ తప్పు అని చెప్పి సీసా పగలకొట్టి మైనస్ ఇచ్చారు. అదే గేమ్లో క్లారిటీ లేకుండా మాట్లాడిన తనూజకూ సీసానే సమాధానం!
పవన్ మంచి ఆట ఆడినా, “టికెట్ టు ఫినాలే నేను తీసుకుంటా!” అని ఓవర్ కాన్ఫిడెన్స్ చూపించడాన్ని నాగ్ కౌంటర్ చేస్తూ మైనస్ ఇచ్చారు.
నామినేషన్ టైమ్లో ఇమ్మానియేల్తో వేరే విషయాలు మాట్లాడిన తనూజను కూడా నాగ్ అది టైమ్ కాదని హితవు చెప్పాడు.
అయితే కల్యాణ్, రీతూ ఆటలను నాగ్ స్పెషల్గా ప్రశంసించారు.
తర్వాత వచ్చింది అసలు హైలైట్ కథ.. కప్ ఎవరికర్హం?
ప్రతి ఒక్కరూ కప్ పట్టుకుని “నేనెందుకు అర్హుడు/అర్హురాలు?” అని చెప్పాలి. మిగతావారు థంబ్స్ అప్, థంబ్స్ డౌన్తో తమ అభిప్రాయం చెప్పాలి.
ఈ ప్రక్రియ లో వోటింగ్ ఇలా వచ్చింది:
సుమన్ – 3 థంబ్స్ అప్, 4 థంబ్స్ డౌన్
ఇమ్మానియేల్ – 7 థంబ్స్ అప్
భరణి – 5 అప్, 2 డౌన్
సంజన – 4 అప్, 3 డౌన్
పవన్ – 3 అప్, 4 డౌన్
కల్యాణ్ – అన్ని 7 థంబ్స్ అప్
తనూజ – 7 థంబ్స్ అప్
రీతూ – 4 అప్, 3 డౌన్
సుమన్, పవన్ ఇద్దరికీ అత్యధికంగా నాలుగు థంబ్స్ డౌన్ రావడంతో, ఈ వారం ఎలిమినేషన్ అనుమానం వారిద్దరిపైనే గట్టిగా పడింది.
రేపటి సండే ఎపిసోడ్లో ఎవరు బయటికెళతారో… అసలు డ్రామా అప్పుడు తేలనుంది!