సల్మాన్ కోసం ఖరీదైన బహుమతి సిద్ధం చేస్తోన్న చిరు – చరణ్

మెగాస్టార్ చిరంజీవి లీడ్  రోల్ లో వచ్చిన గాడ్ ఫాదర్ చిత్రానికి మొదట యావరేజ్ కలెక్షన్స్ వచ్చినా క్రమంగా పుంజుకున్నాయి. ఈ సినిమా ప్రస్తుతం లాభాల దిశగా నడుస్తోంది. సెకండ్ వీకెండ్ కలెక్షన్స్ బట్టి ఈ సినిమా రేంజ్ ను డిసైడ్ చేయవచ్చు. ఇక ఈ సినిమాలో సల్మాన్ ఖాన్ కీలక క్యామియో రోల్ లో నటించిన విషయం తెల్సిందే. ఈ సినిమాకు సల్మాన్ క్యామియో ఎంత ఉపయోగబడింది అన్నది పక్కన పెడితే కచ్చితంగా ఇద్దరు మెగా స్టార్లను ఒకే స్క్రీన్ మీద చూడటం కన్నులపండుగే.

ఇక ఈ సినిమాలో చేసిన పాత్రకు సల్మాన్ ఒక్క రూపాయి కూడా తీసుకోలేదని అధికారికంగానే తెలియజేసారు. అలాగే చిరంజీవి కూడా సల్మాన్ పారితోషికం విషయం ఎత్తగానే కోప్పడ్డాడని తెలిపాడు.

ఇదిలా ఉంటే గాడ్ ఫాదర్ సక్సెస్ మీట్ లో సల్మాన్ కు బహుమతి ఇచ్చే ఉద్దేశం ఉన్నట్లు చూచాయిగా తెలిపారు. క్యాష్ రూపంలో కాకుండా ఏదైనా ఖరీదైన బహుమానం ఇద్దామని ఆలోచిస్తున్నారు చిరంజీవి, చరణ్.