టీమిండియా పేసర్ భువనేశ్వర్ కుమార్ కు పితృ వియోగం

టీమిండియా సీనియర్ పేస్ బౌలర్ భువనేశ్వర్ కుమార్ ఇంట్లో విషాదం నెలకొంది. భువనేశ్వర్ తండ్రి కిరణ్ పాల్ సింగ్ గురువారం కన్నుమూశారు. కొన్నాళ్లుగా ఆయన లివర్ క్యాన్సర్ తో పోరాడుతూ మీరట్ లోని ఓ ఆసుపత్రిలో ఆయన తుది శ్వాస విడిచారు. ఆయనకు క్యాన్సర్, కామెర్లతోపాటు మరికొన్ని అనారోగ్య సమస్యలు ఉన్నాయని తెలుస్తోంది. ఆయన వయసు 63 సంవత్సరాలు. దీంతో భువనేశ్వర్ ఇంట విషాదం నెలకొంది.

ఈమేరకు సన్ రైజర్స్ అధికారిక ట్విట్టర్ అకౌంట్ లో తన సంతాపం తెలిపింది. ఉత్తరప్రదేశ్​లో పోలీస్​ శాఖలో కిరణ్​పాల్ సింగ్ సబ్​ ఇన్​స్పెక్టర్‌గా​ పనిచేసి రిటర్ అయ్యారు. భువనేశ్వర్ ఐపీఎల్ లో ప్రస్తుతం సన్ రైజర్స్ హైదరాబాద్ కు ఆడుతున్నాడు. ఇటివలి సీజన్లో గాయపడి రెండు మ్యాచ్ లకు దూరమయ్యాడు. దీంతో ఇంగ్లండ్ టూర్ కి ఎంపిక కాలేకపోయాడు. జులైలో శ్రీలంకతో జరగనున్న పరిమిత ఓవర్ల సిరీస్‌లో భువీ ఆడే అవకాశం ఉందని తెలుస్తోంది.