కొంత కాలం గ్యాప్ తర్వాత తెలుగులో వస్తోన్న భారీ సినిమా భీమ్లా నాయక్. పవర్ స్టార్ పవన్ కళ్యాణ్ క్రేజ్ తో ఈ సినిమా మీద అంచనాలు భారీగా పెరిగాయి. రానా దగ్గుబాటి మరో లీడ్ రోల్ లో నటించిన ఈ సినిమా ఈరోజే ప్రేక్షకుల ముందుకు వచ్చింది. మరి ఈ సినిమా ఎలా ఉందో చూద్దామా.
కథ:
డాన్నీ, ఒక రిటైర్డ్ మిలిటరీ వ్యక్తి. ఒక పరిస్థితిలో పోలీసుల్ని కొట్టి అడ్డంగా దొరికిపోతాడు. ఎస్ఐ భీమ్లా నాయక్ (పవన్ కళ్యాణ్) అనే సిన్సియర్ ఎస్ఐ పోలీస్ స్టేషన్ పరిధిలో ఈ సంఘటన జరగడంతో డేనియల్ ను లోపల వేస్తాడు. దీంతో డాన్నీ ఈగో హర్ట్ అవుతుంది. భీమ్లా నాయక్ అంతు చూస్తా అంటాడు. అటు భీమ్లా నాయక్ ఆత్మగౌరవం మీద దెబ్బ పడుతుంది.
ఇక ఒకరిపై ఒకరు ఆధిపత్యం చూపించుకోవాలనే కసితో రగిలిపోతుంటారు. వీరిద్దరిలో ఎవరు పైచేయి సాధించారు? సుగుణ (నిత్యా మీనన్) పాత్ర ఏంటి? చివరికి డేనియల్ శేఖర్, భీమ్లా నాయక్ లు ఏం చేసారు? అన్నది చిత్ర కథ.
నటీనటులు:
పవన్ కళ్యాణ్ ను పవర్ స్టార్ అని ఎందుకంటారో ఈ తరం వాళ్లకి ఏమైనా డౌట్స్ ఉంటే ఈ చిత్రంతో మరోసారి తీర్చేస్తాడు పవన్ కళ్యాణ్. అదిరిపోయే పెర్ఫార్మన్స్ ఇచ్చాడు. ముఖ్యంగా ఫ్యాన్స్ కు అయితే విందు భోజనంలా అనిపిస్తుంది. డైలాగ్ డెలివరీ కానీ, మ్యానరిజమ్స్ కానీ టాప్ లెవెల్ లో ఉన్నాయంతే.
భీమ్లా నాయక్ టైటిల్ దగ్గరనుండి ప్రమోషన్స్ వరకూ మొత్తం భీమ్లా నాయక్ డామినేషన్ కనిపించింది. అయితే సినిమాలో మాత్రం పవన్ కు మ్యాచ్ అయ్యే ఎనర్జిటిక్ పెర్ఫార్మన్స్ ఇచ్చాడు రానా దగ్గుబాటి. పవన్ కళ్యాణ్ ఇంటెన్సిటీని పూర్తిగా మ్యాచ్ చేయడంలో సక్సెస్ సాధించాడు. ఇది చాలా మందిని ఆశ్చర్యపరిచేదే. ఎందుకంటే పవన్ ముందు రానా పాత్ర తేలిపోతుందేమో అనుకుంటారు కానీ రెండు పాత్రలను సమంగా తీర్చిదిద్దాడు దర్శకుడు.
నిత్యా మీనన్, సంయుక్త మీనన్, మురళి శర్మ, రావు రమేష్ తమ తమ పాత్రలను చక్కగా పోషించారు.
సాంకేతిక వర్గం:
అయ్యప్పనుమ్ కోశియుమ్ కు చిన్నపాటి మార్పులు నరేషన్ పరంగా చేసారు. త్రివిక్రమ్ అందించిన స్క్రీన్ ప్లే ఒరిజినల్ కంటే రేసిగా ఉంది. ఇక మాటల మాంత్రికుడు, డైలాగ్స్ విషయంలో కూడా ఇంప్రెస్ చేస్తాడు. ఒరిజినల్ తో పోలిస్తే మరింత మాస్ గా ఉంది ఈ చిత్రం. థమన్ బ్యాక్ గ్రౌండ్ స్కోర్ గురించి ప్రత్యేకంగా ప్రస్తావించుకోవాలి. సాంగ్స్ బాగున్నాయి. ఇక బీజీఎమ్ అయితే నెక్స్ట్ లెవెల్లో సాగింది.
ఈ రీమేక్ కు పెర్ఫెక్ట్ ఛాయస్ గా సాగర్ కె చంద్ర గురించి చెప్పుకోవచ్చు. తన టేకింగ్ ను మెచ్చుకోవాలి. ఇక సితార ఎంటర్టైన్మెంట్స్ అందించిన ఈ చిత్రం నిర్మాణ పరంగా టాప్ లెవెల్లో సాగింది.
పాజిటివ్:
- పవన్ కళ్యాణ్, రానా పెర్ఫార్మన్స్
- డైలాగ్స్
- బస్ సీన్, ప్రీక్లైమాక్స్
- బ్యాక్ గ్రౌండ్ మ్యూజిక్
- సెకండ్ హాఫ్, క్లైమాక్స్
- సెకండ్ హాఫ్ లో వచ్చే యాక్షన్ సీక్వెన్స్
నెగటివ్:
- స్లో ఫస్ట్ హాఫ్
- సాంగ్స్ చిత్రీకరణ
- కొరియోగ్రఫీ
చివరిగా:
భీమ్లా నాయక్ ఒరిజినల్ కంటే బెటర్ గా, ఒరిజినల్ కంటే మాస్ గా తెరకెక్కిన చిత్రం. రానా దగ్గుబాటి, పవన్ కళ్యాణ్ తమ తమ పాత్రల్లో చెలరేగిపోయారు. ఆత్మగౌరవానికి, అహంకారానికి మధ్య మడమతిప్పని యుద్ధం అని టీమ్ ఈ చిత్రం గురించి ప్రమోట్ చేసింది. భీమ్లా నాయక్ కేవలం పవన్ కళ్యాణ్ ఫ్యాన్స్ కు మాత్రమే కాక అందరినీ మెప్పిస్తుంది. మాస్ ఎంటర్టైనర్.
తెలుగు బులెటిన్ రేటింగ్: 3.25/5
640397 143946A person essentially aid to make seriously articles I would state. This is the first time I frequented your web site page and thus far? I surprised with the research you created to make this specific publish incredible. Amazing job! 916443
720217 202798excellent day, your internet web site is inexpensive. I do several thanks for succeed 550985