అమీ జాక్సన్ గుర్తుందా.? రజనీకాంత్ హీరోగా ఈ మధ్యనే వచ్చిన ‘రోబో 2.0’ సినిమాలో నటించిన అమీ జాక్సన్ స్ట్రెయిట్గా తెలుగులో ఒకే ఒక్క సినిమా చేసింది. అదే ‘ఎవడు’. ఐటమ్ గర్ల్కి ఎక్కువ.. హీరోయిన్కి తక్కువ.. అన్నట్లుంటుంది ఆ సినిమాలో అమీ జాక్సన్ పాత్ర. నిజానికి, అమీ జాక్సన్ మంచి నటి. ఆ విషయం శంకర్ దర్శకత్వంలో విక్రమ్ హీరోగా వచ్చిన ‘ఐ’ సినిమా చూస్తే అర్థమవుతుంది. ఇక, అసలు విషయానికొస్తే అమీ జాక్సన్ తాజాగా అమ్మయ్యింది.
గత కొంతకాలంగా తన బాయ్ఫ్రెండ్ జార్జ్ పనాయిటు ‘రిలేషన్షిప్’లో వున్న అమీ జాక్సన్, కొంత కాలం క్రితమే అతనితో ఎంగేజ్మెంట్ కూడా చేసుకుంది. ఈ క్రమంలో అమీ జాక్సన్ తల్లయ్యింది కూడా. ‘మాకు పుట్టబోయే బిడ్డ సాక్షిగా మేం పెళ్ళి చేసుకుంటాం..’ అని ధైర్యంగా ప్రకటించేసింది అమీ జాక్సన్ అప్పట్లో. అన్నట్టు, మొన్నీమధ్యనే తనకు పుట్టబోయేది అబ్బాయేనని ప్రకటించి వివాదాల్లోకెక్కింది అమీ జాక్సన్. కానీ, అమీ జాక్సన్కి అమ్మాయి పుట్టింది. తమ కుమార్తెకు ‘ఆండ్రియాస్’ అనే పేరు కూడా పెట్టేశారు అమీ, జార్జ్.
కాస్సేపటి క్రితం సోషల్ మీడియాలో అమీ జాక్సన్, తాను తల్లి అయిన విషయాన్ని వెల్లడించింది ఈ మేరకు ఆమె ఓ ఫొటోని కూడా సోషల్ మీడియాలో షేర్ చేసింది. అప్పుడే పుట్టిన బిడ్డ, తల్లి పాలు తాగుతున్న వైనం.. ఈ క్రమంలో తన భార్యనీ, తన కుమార్తెనీ ప్రేమగా చూస్తున్న తండ్రి జార్జ్ పనాయిటు.. వెరసి, ఈ ఫొటో ఇప్పుడు సోషల్ మీడియాలో వైరల్ అయ్యింది. అమీ జాక్సన్ ఏం చేసినా అది సంచలనమే. ప్రెగ్నెంట్గా వున్నప్పుడూ బేబీ బంప్ చూపిస్తూ, సెమీ న్యూడ్ ఫొటోల్ని సోషల్ మీడియాలో షేర్ చేసిన అమీ జాక్సన్, ఇప్పుడిలా హల్చల్ చేస్తోంది.