నారా లోకేష్ మగతనాన్ని టెస్ట్ చెయ్యాలట.!

దిక్కుమాలిన రాజకీయం.. అని ఎన్నిసార్లు అనుకున్నాసరే, అంతకు మించిన స్థాయిలో దిగజారిపోతున్నారు రాజకీయ నాయకులు ఆంధ్రప్రదేశ్ రాష్ట్రంలో. మంత్రి అయి వుండీ, మహిళా నేత అయి వుండీ వైసీపీ ఎమ్మెల్యే రోజా దిగజారుడు వ్యాఖ్యలు చేశారు. ప్రతిపక్ష నేత చంద్రబాబుకీ, ఆయన తనయుడు నారా లోకేష్‌కీ చీరలు పంపిస్తామంటూ వెటకారం చేశారు కొద్ది రోజుల క్రితం మంత్రి హోదాలో రోజా.

మరి, రోజాకి కౌంటర్ ఎటాక్ కూడా అదే స్థాయిలో వుండాలి కదా.! టీడీపీ నుంచి ఆ పార్టీ మహిళా నేత అనిత సహా పలువురు నేతలు ఇప్పటికే దారుణమైన రీతిలో, జుగుప్సాకరమైన పద్ధతిలో కౌంటర్ ఎటాక్ ఇచ్చేశారు. అయినా, టీడీపీ నేతల మంట చల్లారినట్టు లేదు.

తాజాగా, టీడీపీ సీనియర్ నేత చింతకాయల అయ్యన్నపాత్రుడు రోజాపై మండిపడ్డారు. ‘నారా లోకేష్ మగతనం గురించి మాట్లాడతావా.? వచ్చి మగతనాన్ని టెస్ట్ చెయ్..’ అంటూ సవాల్ విసిరారు అయ్యన్నపాత్రుడు. గతంలో మంత్రిగా పని చేసిన సీనియర్ పొలిటీషియన్ ఆయన. పలుమార్లు ఎమ్మెల్యేగా గెలిచాననీ, ఎంపీగా కూడా పని చేశాననీ చెప్పుకున్నారు అయ్యన్నపాత్రుడు.

అంతటి సీనియర్ అయి వుండీ, ఇలాగేనా మాట్లాడేది.? రాజకీయాల్లో అంతే.! తమలపాకుతో నువ్వొకటిస్తే, తలుపు చెక్కతో నేనొకటిస్తా.. అన్నట్లే వుంటుంది మరి. మంత్రి రోజా, చీరల వ్యవహారంలో జస్ట్ కామెంట్ చేసి వదిలేశారు. ఆ తర్వాత ఆమెను టీడీపీ ఏకి పారేస్తోంది.

ఈ వ్యవహారంలో ముఖ్యమంత్రి వైఎస్ జగన్ మోహన్ రెడ్డి కూడా తీవ్ర విమర్శలు ఎదుర్కొంటున్నారు. ‘మేం జగన్ మోహన్ రెడ్డికి ఎన్ని చీరలు పంపించాలో నువ్వే చెప్పు..’ అంటూ రోజాని ప్రశ్నిస్తున్నారు టీడీపీ నేతలు.