టీడీపీ అధినేత చంద్రబాబు ముఖ్యమంత్రిగా వున్న సమయంలో అమరావతి అభివృద్ధి కోసమంటూ పెట్రో ‘పన్ను’ అదనంగా వడ్డించారు. అది అందరికీ తెలిసిన విషయమే. చంద్రబాబు హయాంలో అమరావతి పేరుతో కొన్నయినా నిర్మాణాలు జరిగాయి. ఆనాటి ఆ పెట్రో వడ్డింపు వైఎస్ జగన్ హయాంలోనూ కొనసాగుతోంది. కానీ, అమరావతి అభివృద్ధి ఆగిపోయింది.
పొరుగు రాష్ట్రాలతో పోల్చితే, ఆంధ్రపదేశ్ అత్యంత వేగంగా సెంచరీ మార్కు దాటేసింది పెట్రో ధరల విషయంలో. ఇక, నగరాలు, పట్టణాల అభివృద్ధి కోసమంటూ అదనపు పన్నుల బాదుడుకి సిద్ధమవుతోంది వైఎస్ జగన్ సర్కార్. కాదు కాదు, ఇప్పటికే పన్నుల మోత మోగించేస్తోందంటూ విపక్షాలు మండిపడుతున్నాయి. ఈ వ్యవహారంపై మంత్రి ముత్తంశెట్టి శ్రీనివాసరావు అలియాస్ అవంతి శ్రీనివాస్ ఆసక్తికరమైన వ్యాఖ్యలు చేశారు.
‘ప్రతిపక్షంలో మేముంటే, మేం కూడా పన్నులు తగ్గించాలని కోరతాం.. పన్నుల పెంపుపై ఆందోళనలు చేస్తాం.. కానీ, అభివృద్ధి జరగాలంటే పన్నులు తప్పవు కదా.? అప్పులు చెయ్యడానికి లేదు.. ఆదాయం లేదు.. పన్నులు పెంచితేనే అభివృద్ధి..‘ అంటూ చావు కబురు చల్లగా చెప్పారు మంత్రి అవంతి. ఇంతకీ, ఇప్పటిదాకా పెంచిన పన్నులతో, బాదిన బాదుడుతో ఆంధ్రపదేశ్ రాష్ట్రంలో చేసిన అభివృద్ధి ఏంటట.? ఆ ఒక్కటీ అడక్కూడదంతే.
ప్రభుత్వం చేపడుతున్న సంక్షేమ పథకాల కోసం కోట్లు ఖర్చవుతున్నాయి.. వాటి పబ్లిసిటీ కోసం కూడా కోట్లు ఖర్చవుతున్నాయి.. అది వేల కోట్ల వ్యవహారం.. ఇది వందల కోట్ల వ్యవహారం.. అంతే తేడా.. అన్నది విపక్షాల విమర్శ. మద్యం ధరలు ఏ స్థాయిలో వున్నాయో రాష్ట్రంలో అందరికీ తెలుసు. మరి, ఆ ఆదాయంతో అయినా అభివృద్ధి చేయొచ్చు కదా.? ఎట్నుంచి వచ్చిన ఆదాయమైనా సరే, సంక్షేమం వైపే ముందుగా తరలి వెళ్ళాలన్నట్టుంది పరిస్థితి.. అంటూ రాజకీయ విశ్లేషకులూ మండిపడుతున్నారు.
అలా బాదేసి, ఇలా వసూలు చేసి.. ఇంతా చేసి రాష్ట్ర అభివృద్ధి ఏదయ్యా.? అంటే, వృద్ధి అనేది అప్పుల్లో తప్ప.. రాష్ట్రం బాగుపడటంలో లేదన్నది నిర్వివాదాంశం.
881067 225269Cheapest player speeches and toasts, or maybe toasts. continue to be brought about real estate . during evening reception tend to be likely to just be comic, witty and therefore instructive as effectively. finest man speeches totally free 97163
629668 404992I like the valuable data you offer in your articles. Ill bookmark your blog and check again here frequently. Im quite certain I will learn lots of new stuff appropriate here! Great luck for the next! 540258
691378 797293I generally cant locate it in me to care enough to leaves a comment for articles on the internet but this was really pretty very good, thanks and keep it up, Ill check back again 228387
975580 983170Only a smiling visitant here to share the really like (:, btw great style and style . 193006
803474 694073building websites is not only fun, but it can also create an income for yourself;; 683122