అబ్బబ్బా.. ఆంధ్రప్రదేశ్ మంత్రి అవంతి శ్రీనివాస్ గారికి భలే ఐడియా వచ్చింది. వెంటనే ఏమాత్రం ఆలస్యం చేయకుండా ప్రెస్మీట్ పెట్టి మరీ నలుగురి ముందు జనసేనాని పవన్ కల్యాణ్గారికి ఇచ్చి పడేశారు. ఐడియా ఇచ్చారని చెప్తే తప్పులో కాలేసినట్టే. సవాల్ చేశారని చెప్పుకోవాలి.
‘పవన్ కల్యాణ్కు గొప్ప మనసు ఉంటే ఓ సినిమా తీసి, ఆ సినిమాకు తీసుకునే పారితోషికాన్ని భవన నిర్మాణ కార్మికులకు అందించాలి’ అని విశాఖలో అవంతి శ్రీనివాస్ వ్యాఖ్యానించారు. పనిలో పనిగా కాపు యువతను పెడదోవ పట్టించేలా పవన్ వ్యవహార శైలి ఉందని ఏవో నాలుగు మాటలు మాట్లాడారు. ఆవేశంలో అన్నారో, ఆలోచించి అన్నీ తెలుసుకుని అన్నారో కానీ, అవంతి శ్రీనివాస్ కొన్ని నిజాలు మాట్లాడారు.
పవన్ ఒక సినిమాకు తీసుకునే పారితోషికంతో భవన నిర్మాణ కార్మికుల సమస్యలు తీరతాయని అవంతి మాటలను బట్టి అర్థమవుతోంది. అది నిజమే. పవన్కు ఒక్కో సినిమాకు 40 నుండి 50 కోట్ల రూపాయలు ఇవ్వడానికి ఎంతోమంది నిర్మాతలు క్యూ లైనులో ఉన్నారు. పవన్ సినిమాలు చేస్తూ, ఆ వచ్చే డబ్బుతో ప్రజల సమస్యలు తీరుస్తూ వెళితే… వైకాపా నేతలు, వైకాపా ప్రభుత్వం ఏం చేస్తుంది? ప్రజల సమస్యలు తీర్చాల్సిన బాధ్యత ప్రభుత్వాలకు లేదా? ఈ ప్రశ్నలకు అవంతి శ్రీనివాస్ ఏం సమాధానం చెబుతారు?
ఏదో గొప్ప సలహా ఇచ్చానని అనుకుంటున్నా అవంతి శ్రీనివాస్, తెలుగు రాష్ట్రాల్లో అవంతి ఎడ్యుకేషనల్ సొసైటీ పేరు మీద బోలెడు కాలేజీలు నడుపుతున్నారు. అసలు, ఆయన ఇంటి పేరు అవంతి కాదు. ముత్తంశెట్టి. కాలేజీల పుణ్యమా అంటూ అవంతి శ్రీనివాస్ అయ్యారు. సదరు కాలేజీల ద్వారా వచ్చే లాభాలను ఆయన ప్రజలకు పంచుతారా? పంచేంత గొప్ప మనసు ఆయనకు లేదా? కాలేజీల ద్వారా, రాజకీయాలోకి వచ్చింది డబ్బులు సంపాదించుకోవడానికేనా? ఈ ప్రశ్నలకు ఆయన ఏం సమాధానం చెబుతారో?
సినిమాలు చేయడం ద్వారా వచ్చిన డబ్బులతో పవన్ ఎంతమందికి గుప్తదానాలు చేశారనేది ఇండస్ట్రీలో చాలామందికి తెలుసు. ఆయన్ను విమర్శించం మాని, ప్రజల సమస్యలు తీర్చే విధంగా అవంతి శ్రీనివాస్ చర్యలు తీసుకుంటే బావుంటుందని సోషల్ మీడియాలో యువత హితవు పలుకుతున్నారు. వేలకు వేలు ఫీజులు వసూలు చేసే ఆయన నీతులు చెప్పడం మాని, పాటిస్తే బావుంటుందంటున్నారు.
736381 51125Come across back yard garden unusual periods of ones Are generally Weight reduction and every 1 1 may be critical. One way state could possibly be substantial squandering by way of the diet. shed weight 363539
588003 910588Exceptional post even so , I was wanting to know should you could write a litte far more on this subject? Id be extremely thankful if you could elaborate a bit bit more. Thanks! 717553
512249 930216Nice read, I just passed this onto a colleague who was doing some research on that. And he in fact bought me lunch as I discovered it for him smile So let me rephrase that: Thank you for lunch! 125161
258086 106091This web-site is truly a walk-through rather than the information you desired concerning this and didnt know who to inquire about. Glimpse here, and you will totally discover it. 947776