ప్రతి శుక్రవారం బాక్సాఫీస్ వద్ద ఓ హీరో పుట్టుకొస్తాడని ఓ సినిమాలో డైలాగ్ ఉంది. దాన్ని నిజం చేస్తూ, ప్రతి శుక్రవారం బాక్సాఫీస్ వద్ద కొత్త సినిమాలు రిలీజ్ అవుతూ థియేటర్ల వద్ద సందడి చేస్తున్నాయి. అయితే సినిమాల విషయం ఎలా ఉన్నా, సగటు ప్రేక్షకుడి టేస్ట్ ఏమిటో ప్రస్తుతం పెద్ద మిస్టరీగా మారింది. ఒకప్పుడు ప్రేక్షకుడికి నచ్చే అంశాలు రెండే రెండు.. ఒకటి క్లాస్, రెండు మాస్.. కానీ, ప్రస్తుతం ఆ కామన్ ఆడియెన్స్కు ఏం నచ్చుతుందనే విషయంపై తలలు పట్టుకుంటున్నారు దిగ్గజ దర్శకనిర్మాతలు.
ఓ సినిమా సక్సెస్ కావాలంటే, దానికి ఆడియెన్స్ రెస్పాన్స్, సినిమా విశ్లేషకుల ప్రశంసలు తప్పనిసరి. అయితే ఇదంతా ఒకప్పటి మాట. ప్రస్తుతం సినిమాకు పాజిటివ్ టాక్ వస్తున్నా.. సినిమాకు భజన చేసే రివ్యూవర్స్ ఉన్నా.. కలెక్షన్లు మాత్రం రావడం లేదు. ఎవరు అవునన్నా, కాదన్నా ఇది నిజం. దీనికి పర్ఫెక్ట్ ఉదాహరణగా మన టాలీవుడ్ బాక్సాఫీస్ నిలిచింది. గతకొంత కాలంగా టాలీవుడ్లో రిలీజ్ అవుతున్న సినిమాల రిజల్ట్ చూస్తే మనకు ఈ అంశం స్పష్టం అవుతుంది.
స్టార్ హీరో, యంగ్ హీరో అనే తేడా లేకుండా ఎలాంటి సినిమాకైనా ఇదే పరిస్థితి ఏర్పడుతోంది. సినిమాలు బాగున్నాయని పబ్లిక్ అంటున్నారు.. రివ్యూలు కూడా బాగానే వస్తున్నాయని సినీ విశ్లేషకులు చెబుతున్నారు.. కానీ తమకు నష్టాలే మిగులుతున్నాయని నిర్మాతలు చెబుతున్నారు. కామన్ ఆడియెన్స్ పల్స్ ఏమిటనేది ఎవరికీ అర్థం కాని విధంగా మారింది. క్లాస్, మాస్ అనే తేడా లేకుండా రొటీన్ రొట్టకొట్టుడు కథలతో వస్తున్న సినిమాలను వారు నిర్మొహమాటంగా రిజెక్ట్ చేసి పక్కనబెడుతున్నారు. ముఖ్యంగా కోవిడ్ ప్రభావం తరువాత సినిమా థియేటర్ కు వెళ్లి ఆడియెన్స్ సినిమాను చూసేందుకు ఎక్కువగా ఆసక్తిని చూపడం లేదని ఇండస్ట్రీ వర్గాలు భావించాయి. కానీ టాలీవుడ్ బాక్సాఫీస్ వద్ద ఆర్ఆర్ఆర్, కేజీయఫ్-2 వంటి సినిమాలు భారీ వసూళ్లను రాబట్టడంలో సక్సెస్ అయ్యాయి. ఈ సినిమాలకు పబ్లిక్ టాక్, క్రిటిక్స్ రివ్యూలు కూడా చాలా వరకు హెల్ప్ అయ్యాయి. అయితే ఆ తరువాతే అసలు సమస్య మొదలైంది.
కొన్ని సినిమాలకు టాక్ నిజంగానే బాగున్నా.. కలెక్షన్లు మాత్రం రావడం లేదు. ఈ జాబితాలో నాని హీరోగా నటించిన క్లాసిక్ రొమాంటిక్ ఎంటర్టైనర్ ‘అంటే సుందరానికీ’ పర్ఫెక్ట్ ఉదాహరణగా నిలుస్తుంది. ఈ సినిమాకు తెలుగు రాష్ట్రాల్లో యావరేజ్ టాక్ వచ్చినా, ఓవర్సీస్లో మాత్రం అదిరిపోయే టాక్ వచ్చింది. కానీ ఫైనల్గా కలెక్షన్ల పరంగా ఈ సినిమా ఫ్లాప్గా మిగిలింది. ఇక రీమేక్ సినిమాలకు సైతం ఇదే పరిస్థితి నెలకొంది. మెగాస్టార్ చిరంజీవి ఎంతో ప్రతిష్టాత్మకంగా రీమేక్ చేసిన ‘గాడ్ఫాదర్’ సినిమాకు కూడా పబ్లిక్ టాక్ బాగుంది. ఈ సినిమాకు రివ్యూలు కూడా బాగానే వచ్చాయి. కానీ టోటల్ రన్లో ఈ సినిమా అనుకున్న స్థాయిలో కలెక్షన్లు రాబట్టలేదని మార్కెట్ వర్గాలు చెబుతున్నాయి.
కానీ సినిమాల్లో కంటెంట్ బాగున్నా, పబ్లిక్ టాక్ పాజిటివ్ గా ఉన్నా, రివ్యూలు కూడా బాగా వచ్చినా.. కలెక్షన్లు మాత్రం వెలవెలబోతున్నాయి. ఈ జాబితాలో స్వాతిముత్యం, గాడ్ ఫాదర్, ఊర్వశివో రాక్షసివో చిత్రాలను ఉదాహరణలుగా చెప్పుకోవచ్చు. అయితే ప్రేక్షకుడు సినిమాను వీక్షించే కోణం మారిందా.. ఆడియెన్స్కు సినిమాల టేస్ట్ తెలియడం లేదా అనే ప్రశ్నకు ఏమాత్రం అవకాశం లేదు. ఇటీవల రిలీజ్ అయిన కన్నడ మూవీ ‘కాంతార’కు భాషాభేదం లేకుండా ప్రేక్షకులు పట్టం కడుతున్న తీరు చూస్తే వారి టేస్ట్ ఏ విధంగా ఉందో అర్థం అవుతుంది. సినిమాలో ఆకట్టుకునే అంశం ఉంటే ప్రేక్షకులు ఎప్పటికీ సినిమాలను ఆదరిస్తారని ఈ సినిమా మరోసారి ప్రూవ్ చేసింది. మరి తెలుగు సినిమాలకు ఇలాంటి రెస్పాన్స్ ఇటీవల ఎందుకు రావడం లేదని పలువురు విశ్లేషకులు ఆరా తీస్తున్నారు.
సినిమాలో క్లాస్, మాస్ అంశాలు కాదు బాబాయ్.. అసలైన కంటెంట్ పట్టుకురండి.. సినిమాకు పట్టం కడతాం.. కేవలం రాజమౌళి, త్రివిక్రమ్లే కాదు.. కొత్త ట్యాలెంట్ను కూడా నెత్తిన పెట్టుకునేందుకు ప్రేక్షకులు ఎప్పుడూ రెడీ అంటున్నారు. మరి మన తెలుగు సినిమా మేధావులకు ఈ అంశం ఎప్పటికి అర్థం అవుతుందో.. వారు తమకు నచ్చే సినిమాలు కాకుండా, ప్రేక్షకులు మెచ్చే సినిమాలను ఎప్పుడు పట్టుకొస్తారా అని అందరూ ఆతృతగా చూస్తున్నారు.
708834 663115I view something genuinely unique in this site . 135188
822300 354500Youve genuinely written a very good quality article here. Thank you extremely considerably 388702
414170 311450This site is usually a walk-through you discover the information it suited you about it and didnt know who need to. Glimpse here, and you will surely discover it. 956532
893081 693495Someone essentially lend a hand to make critically articles Id state. That could be the very first time I frequented your website page and so far? I amazed with the research you made to create this actual post extraordinary. Fantastic activity! 583788