Atlee: తమిళ దర్శకుడు అట్లీ (Atlee) దర్శకత్వంలో షారుఖ్ ఖాన్ (Sharukh Khan) నటించిన జవాన్ (Jawan) బాక్సాఫీస్ వద్ద సంచలన వసూళ్లతో రికార్డు క్రియేట్ చేసిన సంగతి తెలిసిందే. ఇప్పుడీ సినిమాకు మరో అరుదైన గౌరవం దక్కింది. పాపులర్ మూవీస్ లో రేటింగ్స్ ఇచ్చే ఇంటర్నెట్ మూవీ డేటాబేస్ (ఐఎండీబీ) (IMDB) ఈ సినిమాకు మోస్ట్ పాపులర్ మూవీస్ లిస్టులో నెంబర్ వన్ స్థానం ఇచ్చింది. దీంతో దర్శకుడు అట్లీ సంతోషం వ్యక్తం చేస్తూ.. ప్రేక్షకులకు కృతజ్ఞతలు తెలిపాడు.
‘జవాన్ తో నా కల నిజమైంది. కోట్లాదిమంది ప్రేక్షకులు సినిమాపై చూపిన అభిమానానికి ధన్యవాదాలు. ప్రేక్షకుల మనసుల్లో ఇంత మంచి స్థానం సంపాదించుకున్నందుకు సంతోషంగా ఉంది. ఎమోషన్ కథకు యాక్షన్ జోడించి సమాజంలో జరిగే అన్యాయంపై వ్యక్తి పోరాటాన్ని చూపించాను. నా ప్రతిభను ఐఎండీబీ గుర్తించడం ఆనందంగా ఉంది. ఈ విజయానికి కారకులైన ప్రేక్షకులు, షారుఖ్ ఖాన్, నా భార్యకు ధన్యవాదాల’ని సోషల్ మీడియాలో పోస్ట్ చేశాడు. అట్లీకి నెటిజన్లు శుభాకాంక్షలు తెలియజేస్తూ పోస్టులు పెడుతున్నారు.