ఇండియా ఫస్ట్ స్టెప్ సక్సెస్ – కరోనా కట్టడిలో ‘అశ్వగంధ’ కీ రోల్.!

ఎన్ని అత్యాధునిక మెడికల్ టెక్నాలజీస్ వచ్చిన, ప్రాచీన కాలంలోనే మన భారతీయ శాస్త్రవేత్తలు రచించిన ఆయుర్వేద వైద్య విధానంలో దాదాపు అన్నిటికీ మందులున్నాయి. అందుకే మళ్ళీ ఆయుర్వేదంకి డిమాండ్ పెరుగుతోంది. ఇప్పుడు ఈ టాపిక్ ఎందుకంటే.. ఆయుర్వేద వైద్యంలో అశ్వగంధని ఎక్కువగా వాడతారు.. ఆకులు, వేళ్ళు, కాండం, పువ్వులు, పళ్ళు, ఇలా అశ్వగంధ మొక్కకి సంబందించిన ప్రతీది మెడిసిన్స్ తయారీలో ఉపయోగిస్తుంటారు.

ప్రస్తుతం ప్రపంచాన్ని ఒణికిస్తున్న కరోనాని అరికట్టడంలోనూ అశ్వగంధ కీలక పాత్ర పోషిస్తోందని తాజా అధ్యయనాల ద్వారా సైంటిస్టులే చెబుతున్నారు. కరోనా మెడిసిన్ ని కనుగొనే పరీక్షల్లో భాగంగా ఐఐటీ ఢిల్లీ మరియు జపాన్‌ కు చెందిన నేషనల్ ఇనిస్టిట్యూట్ ఆఫ్ అడ్వాన్స్‌డ్ ఇండస్ట్రియల్ సైన్స్ అండ్ టెక్నాలజీ పరిశోధకులు అశ్వగంధతతో పలు మెడికల్ సమ్మేళనాలను కలిపి కరోనా వైరస్ ప్రయోగిస్తే అది కరోనా ప్రోటీన్‌ను ఎక్కువగా విస్తరించకుండా అడ్డుకుంటోందని నిరూపితమైంది.

దీంతో సైంటిస్టులలో కొత్త ఆశలు చిగురించాయి. కరోనాకి అశ్వగంధని దివ్యౌషధంగా భావించడమే కాకుండా, దీని వలన తయారయ్యే మెడిసిన్ కూడా తక్కువకే ప్రజలకి దొరికే అవకాశం ఉందని వారు భావిస్తున్నారు. ఇక్కడ చిన్న ట్విస్ట్ ఏంటి అంటే ఇది ఇప్పటికి ఒక ల్యాబ్ టెస్ట్ మాత్రమే, ఇకపై జంతువులపై ప్రయోగించాలి, అక్కడ సక్సెస్ అయితే మనుషుల మీద టెస్ట్ చేస్తారు. అది కూడా సక్సెస్ అయితే కరోనాకి భారత్ మందు కనిపెట్టేసినట్టే.. కరోనాకి మందు కనిపెట్టే క్రమంలో భారత్ మొదటి అడుగు సక్సెస్ అయ్యింది, మిగిలిన స్టెప్స్ కూడా సక్సెస్ అయ్యి అతి త్వరలో కరోనాకి మందు రావాలని ఆశిద్దాం..